masthmagaa.com:
ಕ್ರೂಸ್ ಶಿಪ್ ಪಾರ್ಟಿ ವೇಳೆ ಮಾದಕ ವಸ್ತು ಸಿಕ್ಕ ಪ್ರಕರಣದಲ್ಲಿ ಸಿಕ್ಕಾಕೊಂಡಿರೋ ಶಾರುಖ್ ಖಾನ್ ಪುತ್ರ ಆರ್ಯನ್ ಖಾನ್ನ ಜಾಮೀನು ಅರ್ಜಿಯನ್ನ ಮುಂಬೈ ಕೋರ್ಟ್ ತಿರಸ್ಕರಿಸಿದೆ. ಇದರ ಜೊತೆಗೆ ಅರ್ಬಾಜ್ ಮರ್ಚೆಂಟ್ ಮತ್ತು ಮುನ್ಮುನ್ ಧಮೇಚಾರ ಬೇಲ್ ಅರ್ಜಿ ಕೂಡ ತಿರಸ್ಕೃತಗೊಂಡಿದೆ. ಕೋರ್ಟ್ನಲ್ಲಿ ಬೇಲ್ ಅರ್ಜಿ ಕುರಿತು ವಾದ ಪ್ರತಿವಾದ ನಡೆದಾಗ, ಆರ್ಯನ್ ಖಾನ್ ಗೌರಾನ್ವಿತ ಕುಟುಂಬದಿಂದ ಬಂದಿದ್ದಾನೆ, ಅವರ ಕುಟುಂಬಕ್ಕೆ ಸಮಾಜದಲ್ಲಿ ಒಳ್ಳೇ ಹೆಸರಿದೆ, ಹೀಗಾಗಿ ಆರ್ಯನ್ ಖಾನ್ಗೆ ಬೇಲ್ ಕೊಟ್ರೆ ಅವ್ನು ಎಲ್ಲಿಗೂ ಓಡೋಗಲ್ಲ ಅಂತೆಲ್ಲಾ ಆರ್ಯನ್ ಪರ ವಕೀಲರು ವಾದ ಮಂಡಿಸಿದ್ರು. ಆದ್ರೆ ಕೋರ್ಟ್ ಇದಕ್ಕೆಲ್ಲಾ ಒಪ್ಪಿಲ್ಲ. ಸದ್ಯ ಆರ್ಯನ್ ಖಾನ್ ಮತ್ತು ಇತರ ಆರೋಪಿಗಳು ಮುಂಬೈನ ಅರ್ಥರ್ ರೋಡ್ ಜೈಲು ಪಾಲಾಗಿದ್ದಾರೆ. ಇವರನ್ನ ಮೂರರಿಂದ ಐದು ದಿನಗಳ ಮಟ್ಟಿಗೆ ಕ್ವಾರಂಟೈನ್ ಸೆಲ್ನಲ್ಲಿ ಇಡಲಾಗುತ್ತೆ ಅಂತ ಅಧಿಕಾರಿಗಳು ತಿಳಿಸಿದ್ದಾರೆ. ಇವತ್ತು ಆರ್ಯನ್ ಖಾನ್ ತಾಯಿ ಗೌರಿ ಖಾನ್ ಬರ್ತ್ಡೇ. ಸೋ ಅಮ್ಮನ ಬರ್ತ್ಡೇ ದಿನ ಮಗನಿಗೆ ಬೇಲ್ ಸಿಗಹುದು ಅಂತೆಲ್ಲಾ ಹೇಳಲಾಗಿತ್ತು. ಆದ್ರೆ ಅದು ಆಗಿಲ್ಲ.
-masthmagaa.com
Contact Us for Advertisement