masthmagaa.com:
ದೇಶದಲ್ಲಿ ಒಮೈಕ್ರಾನ್ ಆತಂಕ ಹೆಚ್ಚಾಗಿದೆ. ಒಟ್ಟು ಪ್ರಕರಣಗಳ ಸಂಖ್ಯೆ 213ಕ್ಕೆ ಏರಿಕೆಯಾಗಿದೆ. ಅತಿಹೆಚ್ಚು ಕೇಸ್ ದೃಢಪಟ್ಟ ರಾಜ್ಯಗಳಲ್ಲಿ ಮಹಾರಾಷ್ಟ್ರವನ್ನ ಮೀರಿಸಿ ದೆಹಲಿ ಮೊದಲ ಸ್ಥಾನಕ್ಕೆ ಹೋಗಿದೆ. ದೆಹಲಿಯಲ್ಲಿ 57, ಮಹಾರಾಷ್ಟ್ರದಲ್ಲಿ 54 ಒಮೈಕ್ರಾನ್ ರೂಪಾಂತರಿ ದೃಢಪಟ್ಟಿದೆ ಅಂತ ಕೇಂದ್ರ ಆರೋಗ್ಯ ಇಲಾಖೆ ಹೇಳಿದೆ. ಮತ್ತೊಂದು ವಿಚಾರ ಅಂದ್ರೆ ದೆಹಲಿಯಲ್ಲಿ ಕೊರೋನಾ ಕೇಸ್ ಕೂಡ ನಿಧಾನವಾಗಿ ಜಾಸ್ತಿಯಾಗ್ತಿದೆ. ಇವತ್ತು 125 ಕೊರೋನಾ ಕೇಸ್ ವರದಿಯಾಗಿದೆ. ಕಳೆದ 6 ತಿಂಗಳಲ್ಲಿ ದೃಢಪಟ್ಟ ಹೈಯೆಸ್ಟ್ ಕೇಸ್ ಇದು. ಇದರ ಬೆನ್ನಲ್ಲೇ ಕ್ರಿಸ್ಮಸ್ ಮತ್ತು ನ್ಯೂ ಇಯರ್ಗೆ ಯಾವುದೇ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಸದಂತೆ, ಜನ ಸೇರದಂತೆ ದೆಹಲಿ ಸರ್ಕಾರ ನಿಷೇಧ ಹೇರಿದೆ. ಇನ್ನು ಕೇರಳದಲ್ಲಿ ಇವತ್ತು 9 ಮತ್ತು ರಾಜಸ್ಥಾನದಲ್ಲಿ ನಾಲ್ಕು ಒಮೈಕ್ರಾನ್ ಕೇಸ್ ದೃಢಪಟ್ಟಿದೆ. ಅತ್ತ ಪಂಜಾಬ್ನಲ್ಲಿ ವ್ಯಾಕ್ಸಿನೇಷನ್ ಸರ್ಟಿಫಿಕೆಟ್ ಇಲ್ಲದ ಸರ್ಕಾರಿ ನೌಕರರಿಗೆ ಸ್ಯಾಲರಿ ಕೂಡ ಹಾಕಲ್ಲ ಅಂತ ಸರ್ಕಾರ ಹೇಳಿದೆ. ಹರಿಯಾಣದಲ್ಲಿ ಎರಡು ಡೋಸ್ ಕೊರೋನಾ ಲಸಿಕೆಯನ್ನ ಕಡ್ಡಾಯ ಮಾಡಲಾಗಿದೆ. ಎರಡು ಡೋಸ್ ಕೊರೋನಾ ಲಸಿಕೆ ಹಾಕಿಸಿಕೊಳ್ಳದವರನ್ನ ಜನವರಿ 1ನೇ ತಾರೀಖಿನಿಂದ, ಮದ್ವೆ ಹಾಲ್, ಹೋಟೆಲ್, ಬ್ಯಾಂಕ್, ಬಸ್ಗಳ ಒಳಗೆ ಬಿಟ್ಟುಕೊಳ್ಳುವುದಿಲ್ಲ ಅಂತ ಹರಿಯಾಣ ಆರೋಗ್ಯ ಸಚಿವ ಎಚ್ಚರಿಸಿದ್ಧಾರೆ. ಇನ್ನು ಒಮೈಕ್ರಾನ್ ರೂಪಾಂತರಿ ಭೀತಿ ನಡುವೆಯೇ ನಾಳೆ ಪ್ರಧಾನಿ ಮೋದಿ ದೇಶದ ಕೊರೋನಾ ಪರಿಸ್ಥಿತಿ ಬಗ್ಗೆ ಸಭೆ ನಡೆಸಲಿದ್ದಾರೆ ಅಂತ ಮೂಲಗಳು ತಿಳಿಸಿವೆ.
-masthmagaa.com
Contact Us for Advertisement