masthmagaa.com:
ಮಧ್ಯಪ್ರದೇಶ ಸರ್ಕಾರ ಭಗವಾನ್ ಬಿರ್ಸಾ ಮುಂಡಾ ಅವರ ಸ್ಮರಣಾರ್ಥ ನವೆಂಬರ್ 15ರಂದು ಜನ್ಜಾತೀಯ ಗೌರವ್ ದಿವಸ್ ಆಚರಿಸಲು ನಿರ್ಧರಿಸಿದೆ. ಈ ಕಾರ್ಯಕ್ರಮದಲ್ಲಿ ಪ್ರಧಾನಿ ಮೋದಿ ಭಾಗಿಯಾಗಲಿದ್ದಾರೆ. ಈ ವೇಳೆ ಪ್ರಧಾನಿ ಮೋದಿ ಮಧ್ಯಪ್ರದೇಶದ ರಾಜಧಾನಿ ಬೋಪಾಲ್ನಲ್ಲಿ ಕೇವಲ 4 ಗಂಟೆ ಇರಲಿದ್ದು, ಅದ್ರಲ್ಲೂ ಸ್ಟೇಜ್ ಮೇಲೆ 1 ಗಂಟೆ 15 ನಿಮಿಷ ಕಳೆಯಲಿದ್ದಾರೆ. ಆದ್ರೆ ಈ ಕಾರ್ಯಕ್ರಮಕ್ಕೆ ಮಧ್ಯಪ್ರದೇಶ ಸರ್ಕಾರ ಬರೋಬ್ಬರಿ 23 ಕೋಟಿ ರೂಪಾಯಿ ಖರ್ಚು ಮಾಡೋಕೆ ಮುಂದಾಗಿದೆ. ಇದ್ರಲ್ಲಿ ಕಾರ್ಯಕ್ರಮ ನಡೆಯಲಿರುವ ಜಂಬೋರಿ ಮೈದಾನಕ್ಕೆ ಜನರನ್ನು ಸಾಗಿಸೋದಕ್ಕೇನೇ 13 ಕೋಟಿ ರೂಪಾಯಿ ಖರ್ಚು ಮಾಡಲಾಗ್ತಿದೆ. ಸ್ಟೇಜ್, ಟೆಂಟ್, ಡೆಕೋರೇಷನ್ ಮತ್ತು ಪಬ್ಲಿಸಿಟಿಗೆ 9 ಕೋಟಿ ರೂಪಾಯಿ ಖರ್ಚು ಮಾಡಲಾಗ್ತಿದೆ. ಈ ಕಾರ್ಯಕ್ರಮದಲ್ಲಿ ಜನರನ್ನು ಉದ್ದೇಶಿಸಿ ಪ್ರಧಾನಿ ಮೋದಿ ಭಾಷಣ ಮಾಡಲಿದ್ದು, ದೇಶದ ಮೊದಲ ಖಾಸಗಿ ಮತ್ತು ಸಾರ್ವಜನಿಕ ವಲಯದ ಸಹಭಾಗಿತ್ವದಲ್ಲಿ ನಿರ್ಮಾಣವಾದ ದೇಶದ ಮೊದಲ ರೈಲ್ವೆ ಸ್ಟೇಷನ್ ಆಗಿರೋ ಹಬಿಬ್ಗಂಜ್ ರೈಲ್ವೆ ನಿಲ್ದಾಣವನ್ನು ಉದ್ಘಾಟಿಸಲಿದ್ದಾರೆ. ಅಂದಹಾಗೆ ಮಧ್ಯಪ್ರದೇಶದಲ್ಲಿ ಪರಿಶಿಷ್ಠ ಬುಡಕಟ್ಟು ಜನಾಂಗದವರಿಗೆ 47 ವಿಧಾನಸಭೆ ಕ್ಷೇತ್ರಗಳು ಮೀಸಲಿವೆ. ಈ ಪೈಕಿ 2013ರಲ್ಲಿ 31ರಲ್ಲಿ ಗೆದ್ದಿದ್ದ ಬಿಜೆಪಿ, 2018ರಲ್ಲಿ ಕೇವಲ 16 ಸ್ಥಾನ ಗೆದ್ದಿತ್ತು. ಇವೆಲ್ಲದ್ರ ನಡುವೆ ಹಬೀಬ್ಗಂಜ್ ರೈಲ್ವೆ ಸ್ಟೇಷನ್ಗೆ ಬೋಪಾಲ್ನ ಬುಡಕಟ್ಟು ಜನಾಂಗದ ಕೊನೆಯ ರಾಣಿ ಕಮ್ಲಾಪತಿ ಹೆಸರಿಡಬೇಕು ಅಂತ ಕೇಂದ್ರ ಸರ್ಕಾರಕ್ಕೆ ಮಧ್ಯಪ್ರದೇಶ ಸರ್ಕಾರ ಪತ್ರ ಬರೆದಿದೆ.
-masthmagaa.com
Contact Us for Advertisement