masthmagaa.com:
ಸಾಮಾನ್ಯವಾಗಿ ಮನುಷ್ಯ ಎಷ್ಟು ವರ್ಷ ಬದುಕ್ತಾನೆ ಅಂತ ನಮಗೆಲ್ಲಾ ಗೊತ್ತೇ ಇದೆ. ಬರ್ತಾ ಬರ್ತಾ ಮನುಷ್ಯನ ಜೀವಿತಾವಧಿ ಕಡಿಮೆ ಆಗ್ತಾನೇ ಬರ್ತಿದೆ. ಆದ್ರೆ ಕೆನಡಾದ ಹೆಚ್ಇಸಿ ಮೋಂಟ್ರಿಯಲ್ ವಿಜ್ಞಾನಿಗಳು 2100ರ ವೇಳೆಗೆ ಮನುಷ್ಯರ ಆಯಸ್ಸು ಜಾಸ್ತಿಯಾಗುತ್ತೆ. ಆಗ ಜನ 180 ವರ್ಷಗಳ ಕಾಲ ಬದುಕ್ತಾರೆ. ಈ ಹಿಂದಿನ ಹೆಚ್ಚು ವರ್ಷ ಬದುಕಿದವರ ದಾಖಲೆ ಮುರಿಯುತ್ತಾರೆ ಅಂತ ಹೇಳಿದ್ದಾರೆ. ಹಿಂದೂ ಪುರಾಣ ಗ್ರಂಥಗಳಲ್ಲಿ ಬೇರೆ ಬೇರೆ ಯುಗಗಳಲ್ಲಿ ಮನುಷ್ಯರ ಆಯಸ್ಸಿನ ಬಗ್ಗೆ ಕೂಡ ಉಲ್ಲೇಖ ಇದೆ. ಸತ್ಯಯುಗದಲ್ಲಿ ಮನುಷ್ಯ 1 ಲಕ್ಷ ವರ್ಷ, ರಾಮನಿದ್ದ ತ್ರೇತಾಯುಗದಲ್ಲಿ 10 ಸಾವಿರ ವರ್ಷ, ಕೃಷ್ಣನಿದ್ದ ದ್ವಾಪರಯುಗದಲ್ಲಿ 1 ಸಾವಿರ ವರ್ಷ ಮತ್ತು ಕಲಿಯುಗದಲ್ಲಿ 100 ವರ್ಷಕ್ಕೆ ಇಳಿಕೆಯಾಗುತ್ತೆ ಅಂತ ಹೇಳಲಾಗಿದೆ. ಆದ್ರೀಗ ವೈದ್ಯಲೋಕದ ಅಭಿವೃದ್ಧಿಯಿಂದ ಮನುಷ್ಯರ ಜೀವಿತಾವಧಿ 180 ವರ್ಷಕ್ಕೆ ಏರಿಕೆಯಾಗುತ್ತೆ ಅಂತ ಕೆನಡಾದ ವಿಜ್ಞಾನಿಗಳು ಸಂಶೋಧನೆಯಲ್ಲಿ ತಿಳಿಸಿದ್ದಾರೆ. ಅಷ್ಟೇ ಅಲ್ಲ.. ಈ ವೇಳೆ ವಯೋಸಹಜ ರೋಗಗಳು ಕೂಡ ಜಾಸ್ತಿ ಇರುತ್ತೆ. ಆಸ್ಪತ್ರೆ ಬಿಲ್ ಕೂಡ ಜಾಸ್ತಿ ಇರುತ್ತೆ ಅಂತ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಅಂದಹಾಗೆ 1997ರಲ್ಲಿ ಮೃತಪಟ್ಟ ಫ್ರಾನ್ಸ್ನ ಜೀನ್ ಕಾಲ್ಮೆಂಟ್ ಅನ್ನೋ ಹೆಸರಿನ ಮಹಿಳೆ 122 ವರ್ಷ ಬದುಕಿದ್ರು. ಇದು ಈವರೆಗಿನ ಅತಿ ಹೆಚ್ಚು ವರ್ಷ ಬದುಕಿದ ದಾಖಲೆಯಾಗಿತ್ತು.
-masthmagaa.com
Contact Us for Advertisement