masthmagaa.com:
ಭಾರತ-ಆಸ್ಟ್ರೇಲಿಯಾ ನಡುವೆ ನಡೆದ ಸಿಡ್ನಿ ಟೆಸ್ಟ್ನ 5ನೇ ದಿನ ರಿಷಬ್ ಪಂತ್ ಬ್ಯಾಟಿಂಗ್ ಮಾಡುವ ವೇಳೆ ಅವರ ಗಾರ್ಡ್ ಅನ್ನು ಡ್ರಿಂಕ್ಸ್ ಬ್ರೇಕ್ ವೇಳೆ ಸ್ಟೀವ್ ಸ್ಮಿತ್ ಅಳಿಸಿದ ವಿಚಾರ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಈ ದೃಶ್ಯ ವಿಕೆಟ್ ಕ್ಯಾಮರಾದಲ್ಲಿ ರೆಕಾರ್ಡ್ ಆಗಿತ್ತು. ಆಸ್ಟ್ರೇಲಿಯಾ ಆಟಗಾರರ ಕುತಂತ್ರಕ್ಕೆ ಟೀಂ ಇಂಡಿಯಾದ ಮಾಜಿ ಆಟಗಾರ ಸೆಹ್ವಾಗ್ ಕೂಡ ಆಕ್ರೋಶ ವ್ಯಕ್ತಪಡಿಸಿದ್ರು. ಈ ಬಗ್ಗೆ ಈಗ ಮಾತನಾಡಿರುವ ಆಸ್ಟ್ರೇಲಿಯಾ ನಾಯಕ ಟಿಮ್ ಪೈನ್, ರಿಷಬ್ ಪಂತ್ ಅವರ ಬ್ಯಾಟಿಂಗ್ ಗಾರ್ಡ್ ಚೇಂಜ್ ಮಾಡಲು ಸ್ಟೀವ್ ಸ್ಮಿತ್ ಪ್ರಯತ್ನಿಸಿದ್ದಲ್ಲ. ಅದು ಶ್ಯಾಡೋ ಪ್ರಾಕ್ಟಿಸ್ ಅಂತ ಹೇಳಿ ಸಮರ್ಥನೆ ಕೊಟ್ಟಿದ್ದಾರೆ. ಮತ್ತೊಂದುಕಡೆ ಆರ್. ಅಶ್ವಿನ್ ಬ್ಯಾಟಿಂಗ್ ಮಾಡುವ ವೇಳೆ ಸ್ವತಃ ಟಿಮ್ ಪೈನ್ ಕೂಡ ಸ್ಲೆಜಿಂಗ್ ಮಾಡಿದ್ರು. ಈ ಬಗ್ಗೆ ಅಶ್ವಿನ್ ಬಳಿ ಪೈನ್ ಈಗ ಕ್ಷಮೆ ಕೇಳಿದ್ದಾರೆ. ಇನ್ನು ಮೊಹಮ್ಮದ್ ಸಿರಾಜ್ರನ್ನ ಕೆಲ ಪ್ರೇಕ್ಷಕರು ಜನಾಂಗೀಯವಾಗಿ ನಿಂದಿಸಿದ್ದಕ್ಕೆ ಡೇವಿಡ್ ವಾರ್ನರ್ ಕ್ಷಮೆ ಕೇಳಿದ್ದಾರೆ. ಇಲ್ಲಿ ಒಂದಂತೂ ಸ್ಪಷ್ಟ, ಈ ಆಸ್ಟ್ರೇಲಿಯಾ ಆಟಗಾರರು ಮ್ಯಾಚ್ ಗೆಲ್ಲಲು ಯಾವ ಹಂತಕ್ಕೆ ಬೇಕಾದ್ರೂ ಹೋಗ್ತಾರೆ. ಮ್ಯಾಚ್ ಮುಗಿದ ಬಳಿಕ ಹಾಗಾಗಿದ್ದು ತಪ್ಪು, ಹೀಗಾಗಿದ್ದು ತಪ್ಪು. ನಮ್ಮನ್ನ ಕ್ಷಮಿಸಿ ಅಂತ ಕೇಳ್ತಾರೆ. ನಿಮಗೆ ನೆನಪಿರಬಹುದು ಇದೇ ಸ್ಟೀವ್ ಸ್ಮಿತ್ ಬಾಲ್ ಟ್ಯಾಂಪರಿಂಗ್ ಮಾಡ್ತಾ ಸಿಕ್ಕಿಬಿದ್ದು ಒಂದುವರ್ಷ ನಿಷೇಧಕ್ಕೆ ಒಳಗಾಗಿದ್ದರು. ಆಮೇಲೆ ಪ್ರೆಸ್ ಕಾನ್ಫರೆನ್ಸ್ ನಡೆಸಿ ಗಳಗಳನೆ ಅತ್ತಿದ್ರು. ಅವರಿಗೆ ಕೆಟ್ಟ ಮೇಲೂ ಬುದ್ಧಿ ಬಂದಂತೆ ಕಾಣ್ತಿಲ್ಲ.
-masthmagaa.com
Contact Us for Advertisement