masthmagaa.com:
ಯುನೈಟೆಡ್ ಅರಬ್ ಎಮಿರೇಟ್ಸ್ಗೆ ಹೋಗಿ ಕೆಲಸ ಮಾಡಬೇಕು ಅಂತ ಬಯಸೋರಿಗೆ ಒಂದು ಸಿಹಿ ಸುದ್ದಿ.. ಯುಎಇ ಹೊಸ ರೀತಿಯ ಒಂದು ವೀಸಾ ಲಾಂಚ್ ಮಾಡಿದೆ. ಇದನ್ನು ಗ್ರೀನ್ ವೀಸಾ ಅಂತ ಕರೆಯಲಾಗಿದೆ. ಈ ಮೂಲಕ ಯಾರು ಬೇಕಾದ್ರೂ ನೇರವಾಗಿ ಯುಎಇಗೆ ಹೋಗಿ ಕೆಲಸ ಮಾಡಬಹುದಾಗಿದೆ. ಈ ಹಿಂದೆ ಯಾರಾದ್ರೂ ಇಲ್ಲಿಗೆ ಕೆಲಸಕ್ಕೆ ಹೋಗಬೇಕಾದ್ರೆ ಅಲ್ಲಿ ಉದ್ಯೋಗ ನೀಡಿದ ಕಂಪನಿಯವರೇ ವೀಸಾ ಸ್ಪಾನ್ಸರ್ ಮಾಡಬೇಕಾಗಿತ್ತು. ಉದ್ಯೋಗಕ್ಕೆ ಸೀಮಿತವಾಗಿ ವೀಸಾ ನೀಡಲಾಗ್ತಿತ್ತು. ಆದ್ರೀಗ ಗ್ರೀನ್ ವೀಸಾ ಅದರ ಅಗತ್ಯತೆಯನ್ನು ತೆಗೆದು ಹಾಕಿದೆ. ಈ ಹೊಸ ಗ್ರೀನ್ ವೀಸಾ ಪಡೆಯುವವರು ತಮ್ಮ ಕಂಪನಿಯ ಸ್ಪಾನ್ಸರ್ಶಿಪ್ ಇಲ್ಲದೇ ಅಲ್ಲಿ ತಮ್ಮ ತಂದೆ-ತಾಯಿ ಮತ್ತು 25 ವರ್ಷದೊಳಗಿನ ಮಕ್ಕಳಿಗೂ ಸ್ಪಾನ್ಸರ್ ನೀಡಬಹುದಾಗಿದೆ. ಕೌಶಲ್ಯಯುತ ವ್ಯಕ್ತಿಗಳು, ಬಂಡವಾಳ ಹೂಡಿಕೆದಾರರು, ಉದ್ಯಮಿಗಳು, ವ್ಯಾಪಾರಿಗಳು ಮತ್ತು ವಿದ್ಯಾರ್ಥಿಗಳನ್ನು ಗಮನದಲ್ಲಿಟ್ಟುಕೊಂಡು ಈ ಹೆಜ್ಜೆ ಇಡಲಾಗಿದೆ ಅಂತ ಫಾರಿನ್ ಟ್ರೇಡ್ನ ರಾಜ್ಯ ಖಾತೆ ಸಚಿವ ಥಾನಿ ಅಲ್ ಝೇಯೌದಿ ಹೇಳಿದ್ದಾರೆ. ಯುಎಇ ಸೇರಿದಂತೆ ಹಲವು ಗಲ್ಫ್ ದೇಶಗಳ ಆರ್ಥಿಕತೆ ತೈಲದ ಮೇಲೆ ನಿಂತಿವೆ. ಹೀಗಾಗಿ ಇತ್ತೀಚಿನ ವರ್ಷಗಳಲ್ಲಿ ತೈಲದ ಮೇಲಿನ ಅವಲಂಬನೆಯನ್ನು ತಪ್ಪಿಸಿ, ಬೇರೆ ಆದಾಯ ಮೂಲಗಳ ಕಡೆಗೆ ಗಮನ ನೀಡ್ತಿವೆ. ಯುಎಇಯ ಗ್ರೀನ್ ವೀಸಾ ಕೂಡ ಅದ್ರ ಭಾಗವೇ ಆಗಿದೆ.
-masthmagaa.com
Contact Us for Advertisement