masthmagaa.com:
ಒಂದ್ಕಡೆ ರಷ್ಯಾ ಯುಕ್ರೇನ್ ಯುದ್ದ ನಡೀತಿದ್ದು, ವಿಶ್ವದ ಗಮನ ಅದ್ರ ಕಡೆ ಇದ್ರೆ ಮತ್ತೊಂದ್ಕಡೆ ಕೊರೋನಾ ಮತ್ತೆ ಸದ್ದಿಲ್ಲದೇ ಹರಡೋಕೆ ಶುರುವಾಗಿದೆ. ಯುನೈಟೆಡ್ ಕಿಂಗ್ಡಮ್ನಲ್ಲಿ 55 ವರ್ಷ ದಾಟಿದವರಲ್ಲಿ ಹೆಚ್ಚಾಗಿ ಕೊರೋನಾ ಪತ್ತೆಯಾಗ್ತಿದೆ. ಅದ್ರಲ್ಲೂ ಬೂಸ್ಟರ್ ಶಾಟ್ ಹಾಕಿಸಿಕೊಂಡವರು ಕೂಡ ಕೊರೋನಾಗೆ ತುತ್ತಾಗ್ತಿದ್ದು, ಇದ್ರ ಹಿಂದೆ ಒಮೈಕ್ರಾನ್ನ ಸಬ್ವೇರಿಯಂಟ್ ಪಾತ್ರ ಇರಬಹುದು ಅಂತ ತಜ್ಞರು ಅಂದಾಜಿಸಿದ್ದಾರೆ. ಜೊತೆಗೆ ಯುನೈಟೆಡ್ ಕಿಂಗ್ಡಮ್ನಲ್ಲಿ ಸೋಂಕಿನ ಸಂಖ್ಯೆ ಜೊತೆಗೆ ಆಸ್ಪತ್ರೆಗೆ ದಾಖಲಾಗ್ತಿರೋರ ಸಂಖ್ಯೆ ಕೂಡ ಜಾಸ್ತಿ ಆಗ್ತಿದೆ. ಫೆಬ್ರುವರಿ ಅಂತ್ಯದ ವೇಳೆಗೆ ಪ್ರತಿದಿನದ ಕೇಸ್ಗಳ ಸಂಖ್ಯೆ 31 ಸಾವಿರಕ್ಕೆ ಇಳಿದಿತ್ತು. ಆದ್ರೆ ಈಗ ಪ್ರತಿದಿನದ ಕೊರೋನಾ ಪ್ರಕರಣಗಳ ಸಂಖ್ಯೆ 68 ಸಾವಿರಕ್ಕೆ ಏರಿಕೆಯಾಗಿದೆ.
ಇನ್ನು ಚೀನಾದಲ್ಲಿ ವಿಂಟರ್ ಒಲಿಂಪಿಕ್ಸ್ ಬಳಿಕ ಕೊರೋನಾ ಜಾಸ್ತಿಯಾಗ್ತಿರೋ ಹಾಗೆ ಕಾಣಿಸ್ತಿದೆ. ಯಾಕಂದ್ರೆ ಚೀನಾದಲ್ಲಿಂದು ಒಂದೇ ದಿನ ಸ್ಥಳೀಯವಾಗಿ 528 ಮಂದಿಗೆ ಕೊರೋನಾ ಸೋಂಕು ತಗುಲಿದೆ. ಅದ್ರಲ್ಲಿ 402 ಮಂದಿಗೆ ಸ್ಥಳೀಯವಾಗಿ ಸೋಂಕು ತಗುಲಿದ್ರೆ, ಇನ್ನು 126 ಮಂದಿ ವಿದೇಶದಿಂದ ಬಂದವರಾಗಿದ್ದಾರೆ.
-masthmagaa.com
Contact Us for Advertisement