masthmagaa.com:
ಚೀನಾದ ಮಲ್ಟಿ ಬಿಲಿಯನೇರ್ ಜಾಕ್ ಮಾ ಸೇಫಾಗಿದ್ದಾರೆ ಅಂತ ವರದಿಯಾಗಿದೆ. ಕಳೆದ ಕೆಲ ದಿನಗಳಿಂದ ಜಾಕ್ ಮಾ ಹಾಗೂ ಚೀನಾ ಅಧ್ಯಕ್ಷ ಶಿ ಜಿನ್ಪಿಂಗ್ ಮಧ್ಯೆ ಕಿತ್ತಾಟ ಮಿತಿಮೀರಿತ್ತು. ಚೀನಾ ಸರ್ಕಾರದ ಕಮ್ಯೂನಿಸ್ಟ್ ನೀತಿಗಳನ್ನ ಜಾಕ್ ಮಾ ಟೀಕಿಸಿದ್ದರು. ಇದರ ಪರಿಣಾಮ ಜಿನ್ಪಿಂಗ್ ಸರ್ಕಾರ ಜಾಕ್ ಒಡೆತನದ ಅಲಿಬಾಬಾ ಹಾಗೂ ಆಂಟ್ ಗ್ರೂಪ್ ಕಂಪನಿಗಳ ಮೇಲೆ ದಾಳಿ ಶುರು ಮಾಡಿತ್ತು. ಅದಾದ ಮೇಲೆ ಜಾಕ್ ಮಾ ಎಲ್ಲೂ ಕಾಣಿಸಿಕೊಂಡಿರಲಿಲ್ಲ. ಒಂದು ಸಲ ವಿಡಿಯೋ ಕಾನ್ಫರೆನ್ಸ್ನಲ್ಲಿ ಕಾಣಿಸಿಕೊಂಡಿದ್ದರೂ, ಅದು ಎಲ್ಲಿಂದ ಅನ್ನೋದು ಗೊತ್ತಾಗಿರಲಿಲ್ಲ.
ಆದ್ರೆ ಈಗ ಹೈನಾನ್ ದ್ವೀಪದಲ್ಲಿರೋ ಸನ್ ವ್ಯಾಲಿ ಗಾಲ್ಫ್ ರೆಸಾರ್ಟ್ನಲ್ಲಿ ಗಾಲ್ಫ್ ಆಡುತ್ತಾ ವಿಶ್ರಾಂತಿ ಪಡೀತಿದ್ದಾರೆ ಅಂತ ಗೊತ್ತಾಗಿದೆ. ಚೀನಾದ ದಕ್ಚಿಣ ಭಾಗದಲ್ಲಿರೋ ದ್ವೀಪ ಇದು..ಹೈನಾನ್ ಐಲ್ಯಾಂಡ್. ತನ್ನ ಸುಂದರ ಹಸಿರು ಹಾಗೂ ಸಮುದ್ರ ಕಿನಾರೆಗಳಿಂದಲೇ ಫೇಮಸ್… ಇಲ್ಲಿ ಜಾಕ್ ಮಾ ತಂಗಿದ್ದಾರೆ. ಹಾಗೂ ಜಪಾನ್ನ ಸಾಫ್ಟ್ ಬ್ಯಾಂಕ್ ಕಾರ್ಪೋರೇಷನ್ ನ ಫೌಂಡರ್ ಮಾಯಸೋಷಿ ಸೋನ್ ಜೊತೆ ನಿರಂತರವಾಗಿ ಸಂಪರ್ಕದಲ್ಲಿದ್ದಾರೆ ಅಂತ ಗೊತ್ತಾಗಿದೆ. ಜಾಕ್ ಮಾ ಮತ್ತು ನಾನು ಆಗಾಗಾ ಚಾಟ್ ಮಾಡ್ತಿದ್ವಿ. ಜಾಕ್ ನನಗೆ ಅವರೇ ಬಿಡಿಸಿದ ಡ್ರಾಯಿಂಗ್ಗಳನ್ನ ಕೂಡ ಕಳಿಸ್ತಿದ್ರು ಅಂತ ಮಾಯಸೋಷಿ ಸೋನ್ ಹೇಳಿದ್ದಾರೆ. ಈ ಸಾಫ್ಟ್ಬ್ಯಾಂಕ್ನ ಮಾಯಾಸೋಷಿ ಸೋನ್, ಅಲಿಬಾಬಾ ಕಂಪನಿಯಲ್ಲಿ ಆರಂಭದ ದಿನಗಳಲ್ಲೇ ಬಂಡವಾಳ ಹೂಡಿದ್ದರು. ಇವರು ಜಾಕ್ ಮಾ ಅವರ ಬಹುಕಾಲದ ಗೆಳೆಯ ಕೂಡ ಹೌದು.
-masthmagaa.com
Contact Us for Advertisement