masthmagaa.com:
ಪಂಜಾಬ್ನಲ್ಲಿ ಎಲೆಕ್ಷನ್ ಹತ್ತಿರ ಬರ್ತಿದ್ದಂತೆ ಒಂದಲ್ಲಾ ಒಂದು ಘಟನೆ ನಡೀತಾನೇ ಇದೆ. ಧರ್ಮ ನಿಂದನೆ ಆರೋಪದಲ್ಲಿ ಹತ್ಯೆ ನಡೆದ ಒಂದು ವಾರದ ಒಳಗಾಗಿ ಸ್ಫೋಟ ಸಂಭವಿಸಿದೆ. ಲೂದಿಯಾನಾ ಕೋರ್ಟ್ ಕಟ್ಟಡದ 2ನೇ ಫ್ಲೋರ್ನ ಬಾತ್ರೂಂನಲ್ಲಿ ಈ ಘಟನೆ ಸಂಭವಿಸಿದೆ. ಇದ್ರಲ್ಲಿ ಒಬ್ಬರು ಪ್ರಾಣ ಬಿಟ್ಟಿದ್ದು, ಐವರು ಗಾಯಗೊಂಡಿದ್ದಾರೆ. ಸ್ಫೋಟಕ ತೀವ್ರತೆಗೆ ಗೋಡೆಗಳೆಲ್ಲಾ ಧ್ವಂಸಗೊಂಡಿವೆ. ಸ್ಥಳಕ್ಕೆ ಎನ್ಐಎ, ಎನ್ಎಸ್ಜಿ ಪಡೆ ಭೇಟಿ ನೀಡಿ ಪರಿಶೀಲನೆ ನಡೆಸಿದೆ. ಅಷ್ಟು ಸೆಕ್ಯೂರಿಟಿ ನಡುವೆ ಸ್ಫೋಟಕವನ್ನು ಕೋರ್ಟ್ ಒಳಗೆ ತಗೊಂಡು ಹೋಗಿದ್ದು ಹೇಗೆ ಅನ್ನೋದು ಸಾಕಷ್ಟು ಆತಂಕಕ್ಕೆ ಕಾರಣವಾಗಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ಸಿಎಂ ಚರಣ್ಜೀತ್ ಸಿಂಗ್ ಚನ್ನಿ, ಚುನಾವಣೆ ಹತ್ತಿರದಲ್ಲಿರೋದ್ರಿಂದ ಕಾನೂನು ಸುವ್ಯವಸ್ಥೆಗೆ ಧಕ್ಕೆ ತರೋ ಉದ್ದೇಶದಿಂದ ಈ ಸ್ಫೋಟ ಮಾಡಲಾಗಿದೆ. ತಪ್ಪಿತಸ್ಥರನ್ನು ಸುಮ್ನೆ ಬಿಡಲ್ಲ ಅಂತ ಹೇಳಿದ್ದಾರೆ. ಡಿಸಿಎಂ ಸುಖ್ಜಿಂದರ್ ಸಿಂಗ್ ರಾಂಧವ, ನಮ್ಮದು ಗಡಿ ರಾಜ್ಯ.. ಹೀಗಾಗಿ ಹೊರಗಿನಿಂದ ದಾಳಿ ನಡೆದಿರೋ ಸಾಧ್ಯತೆ ಇದೆ ಅಂತ ಹೇಳಿದ್ದಾರೆ. ಇನ್ನು ಈ ಘಟನೆ ಬಗ್ಗೆ ವರದಿ ನೀಡುವಂತೆ ಕೇಂದ್ರ ಗೃಹ ಇಲಾಖೆ ಕೂಡ ಪಂಜಾಬ್ ಸರ್ಕಾರಕ್ಕೆ ಸೂಚಿಸಿದೆ. ಈ ಬಗ್ಗೆ ಮೊದಲು ಟ್ವೀಟ್ ಮಾಡಿದ ಮಾಜಿ ಸಿಎಂ ಅಮರಿಂದರ್ ಸಿಂಗ್, ಘಟನೆಯಿಂದ ಬೇಜಾರಾಗಿದೆ. ಪೊಲೀಸರು ಬುಡದಿಂದ ತನಿಖೆ ನಡೆಸಬೇಕು ಅಂತ ಒತ್ತಾಯಿಸಿದ್ದಾರೆ. ಇತ್ತೀಚೆಗೆ ಇದೇ ಅಮರಿಂದರ್ ಸಿಂಗ್ ಪಾಕಿಸ್ತಾನದಿಂದ ರಾಜ್ಯಕ್ಕೆ ಅಪಾಯ ಇದೆ. ಸಿಆರ್ಪಿಎಫ್ ತುಕಡಿಗಳ ಸಂಖ್ಯೆಯನ್ನು ಹೆಚ್ಚಿಸಬೇಕು ಅಂತ ಮನವಿ ಮಾಡಿದ್ರು. ಈ ಹಿಂದೆ 2017ರ ಚುನಾವಣೆ ವೇಳೆಗೆ ಕಾಂಗ್ರೆಸ್ ಪ್ರಚಾರ ಕಾರ್ಯಕ್ರಮದ ಬಳಿ ಸ್ಫೋಟವಾಗಿ ಮೂವರು ಮಕ್ಕಳು ಸೇರಿ 6 ಮಂದಿ ಪ್ರಾಣ ಬಿಟ್ಟಿದ್ರು.
-masthmagaa.com
Contact Us for Advertisement