masthmagaa.com:
ಕಾಬೂಲ್ ಏರ್ಪೋರ್ಟ್ ಆವರಣದಲ್ಲಿ ತಾಲಿಬಾನಿಗಳು ಒಂದಷ್ಟು ನಿರ್ಬಂಧಗಳನ್ನು ವಿಧಿಸಿ, ಆದೇಶ ಹೊರಡಿಸಿದ್ದಾರೆ. ಜನ ಏರ್ಪೋರ್ಟ್ ಹೊರಗೆ ಕ್ಯೂ ನಿಲ್ಲಬೇಕು. ಜನ ಗುಂಪು ಗುಂಪಾಗಿ ಸೇರಬಾರದು ಅಂತ ತಿಳಿಸಿದೆ. ಅದ್ರ ಬೆನ್ನಲ್ಲೇ ಕಾಬೂಲ್ ಏರ್ಪೋರ್ಟ್ನಲ್ಲಿ ಗಲಾಟೆ ನಡೆದು, ಅದ್ರಲ್ಲಿ 7 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ ಅಂತ ಯುನೈಟೆಡ್ ಕಿಂಗ್ಡಮ್ನ ರಕ್ಷಣಾ ಸಚಿವಾಲಯ ಮಾಹಿತಿ ನೀಡಿದೆ. ಏರ್ಪೋರ್ಟ್ನಲ್ಲಿ ಜನರನ್ನು ಮ್ಯಾನೇಜ್ ಮಾಡೋದು, ಸ್ಥಳಾಂತರ ಮಾಡೋದು ತುಂಬಾ ಕಷ್ಟವಾಗ್ತಿದೆ. ಅಮೆರಿಕದ ಡೆಡ್ಲೈನ್ ಒಳಗೆ ಅಂದ್ರೆ ಆಗಸ್ಟ್ 31ರ ಒಳಗಾಗಿ ಎಲ್ಲಾ ಪ್ರಜೆಗಳನ್ನು ಸ್ಥಳಾಂತರ ಮಾಡೋಕೆ ಯಾವ ದೇಶಕ್ಕೂ ಸಾಧ್ಯವಿಲ್ಲ ಅಂತಲೂ ತಿಳಿಸಿದೆ. ಇತ್ತ ಯೂರೋಪಿಯನ್ ಯೂನಿಯನ್ನ ವಿದೇಶಾಂಗ ನೀತಿಯ ಮುಖ್ಯಸ್ಥ ಜೋಸೆಪ್ ಬೋರೆಲ್ ಕೂಡ ಇದೇ ಮಾತು ಹೇಳಿದ್ದಾರೆ.
-masthmagaa.com
Contact Us for Advertisement