masthmagaa.com:
ಅಫ್ಘಾನಿಸ್ತಾನದ ಕಾಬೂಲ್ ಏರ್ಪೋರ್ಟ್ ಬಳಿ ಅಮೆರಿಕ ಸೇನೆ ಏರ್ಸ್ಟ್ರೈಕ್ ನಡೆಸಿದೆ. ಇದ್ರಲ್ಲಿ ಕಾಬೂಲ್ ಏರ್ಪೋರ್ಟ್ನಲ್ಲಿ ದಾಳಿ ನಡೆಸಲು ಕಾರ್ನಲ್ಲಿ ಸ್ಫೋಟಕ ತುಂಬಿಕೊಂಡು ಹೊರಟಿದ್ದ ಆತ್ಮಾಹುತಿ ದಾಳಿಕೋರರನ್ನು ಹೊಡೆದುರುಳಿಸಲಾಗಿದೆ ಅಂತ ಅಮೆರಿಕ ಸೇನೆ ಮತ್ತು ತಾಲಿಬಾನ್ ವಕ್ತಾರ ಝೈಬುಲ್ಲಾ ಮೊಹ್ಮದ್ ಮಾಹಿತಿ ನೀಡಿದ್ದಾರೆ. ನಿನ್ನೆಯಷ್ಟೇ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಮುಂದಿನ 24ರಿಂದ 36 ಗಂಟೆಯೊಳಗೆ ಮತ್ತೊಂದು ದಾಳಿ ನಡೆಯೋ ಸಾಧ್ಯತೆ ಇದೆ. ಈ ಬಗ್ಗೆ ನನಗೆ ಕಮಾಂಡರ್ಗಳು ಮಾಹಿತಿ ನೀಡಿದ್ದಾರೆ. ಏರ್ಪೋರ್ಟ್ ಬಳಿ ತುಂಬಾ ಡೇಜರಸ್ ಪರಿಸ್ಥಿತಿ ಇದೆ ಅಂತ ಎಚ್ಚರಿಸಿದ್ರು. ತಾಲಿಬಾನಿಗಳು ಕೂಡ ಕಾಬೂಲ್ ಏರ್ಪೋರ್ಟ್ ಹತ್ರ ದಾಳಿ ನಡೆಯೋ ಸಾಧ್ಯತೆ ತುಂಬಾ ಇದೆ. ಯಾರೂ ಆ ಕಡೆಗೆ ಬರಬೇಡಿ ಅಂತ ಎಚ್ಚರಿಸಿದ್ರು. ಅದ್ರ ಬೆನ್ನಲ್ಲೇ ಅಮೆರಿಕ ಸೇನೆ ದಾಳಿಗೆ ಹೊರಟಿದ್ದ ಉಗ್ರನನ್ನು ಟಾರ್ಗೆಟ್ ಮಾಡಿದೆ. ಮೊನ್ನೆ ಗುರುವಾರ ಕೂಡ ಕಾಬೂಲ್ ಏರ್ಪೋರ್ಟ್ ಬಳಿ ನಡೆದ ದಾಳಿಯಲ್ಲಿ ನೂರಕ್ಕೂ ಹೆಚ್ಚು ಮಂದಿ ಪ್ರಾಣ ಕಳ್ಕೊಂಡಿದ್ರು. ಇದ್ರಲ್ಲಿ ಅಮೆರಿಕದ 13 ಮಂದಿ ಯೋಧರೂ ಉಸಿರು ಚೆಲ್ಲಿದ್ರು. ಅದಕ್ಕೆ ಪ್ರತೀಕಾರವಾಗಿ ಅಮೆರಿಕ ಐಎಸ್ಕೆ ಸಂಘಟನೆಯ ಇಬ್ಬರು ಉಗ್ರರನ್ನು ಡ್ರೋನ್ ಸ್ಟ್ರೈಕ್ನಲ್ಲಿ ಹೊಡೆದುರುಳಿಸಿತ್ತು.
-masthmagaa.com
Contact Us for Advertisement