masthmagaa.com:
ಟೀಕೆ ಮತ್ತು ವಿವಿಧ ರೀತಿಯ ಸಮೀಕ್ಷೆಗಳಲ್ಲಿ ಹಿನ್ನಡೆ ಅನುಭವಿಸುತ್ತಿರೋ ಜೋ ಬೈಡೆನ್ ಮಹತ್ವದ ಮಸೂದೆಯೊಂದಕ್ಕೆ ಸಹಿ ಹಾಕಿದ್ದಾರೆ. ಬರೋಬ್ಬರಿ 1.2 ಟ್ರಿಲಿಯನ್ ಡಾಲರ್ ಅಂದ್ರೆ 88 ಲಕ್ಷ ಕೋಟಿ ರೂಪಾಯಿ ಮೊತ್ತದ ಮೂಲಭೂತ ಸಕೌರ್ಯ ಯೋಜನೆಯ ಮಸೂದೆಗೆ ಬಿಲ್ ಹಾಕಿದ್ದಾರೆ. ಇದು ಕಳೆದ 50 ವರ್ಷಗಳಲ್ಲೇ ಸರ್ಕಾರದ ಅತಿದೊಡ್ಡ ಮೂಲಭೂತ ಸೌಕರ್ಯ ಯೋಜನೆಯಾಗಿದೆ. ಈ ಮೂಲಕ ರಸ್ತೆ, ಸೇತುವೆ, ವಾಟರ್ ಪೈಪ್ಗಳ ದುರಸ್ಥಿ, ಎಲೆಕ್ಟ್ರಾನಿಕ್ ವಾಹನಗಳ ಚಾರ್ಜಿಂಗ್ ಪಾಯಿಂಟ್, ಬ್ರಾಡ್ಬಾಂಡ್ ಇಂಟರ್ನೆಟ್ ಸೇವೆ ವಿಸ್ತರಣೆ ಮಾಡೋ ಯೋಜನೆ ಇದಾಗಿದೆ. ಸಹಿ ಹಾಕಿ ಮಾತಾಡಿದ ಜೋ ಬೈಡೆನ್, ಇಷ್ಟು ದಿನ ಭಾಷಣಗಳಲ್ಲೇ ಕೇಳ್ತಿದ್ವಿ. ಇವತ್ತು ಫೈನಲಿ ಜಾರಿಯಾಗಿದೆ. ಅಮೆರಿಕ ಮತ್ತೆ ಮುಂದೆ ಸಾಗಲಿದೆ. ಅಮೆರಿಕನ್ನರ ಜೀವನ ಬದಲಾಗಲಿದೆ ಅಂತ ಹೇಳಿದ್ದಾರೆ.
-masthmagaa.com
Contact Us for Advertisement