masthmagaa.com:
ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಈಗ ಜಿ7 ಶೃಂಗಸಭೆಯಲ್ಲಿ ಭಾಗಿಯಾಗಲು ಬ್ರಿಟನ್ಗೆ ತೆರಳಿದ್ದಾರೆ. ಅದರಂತೆ ನಿನ್ನೆ ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ಭೇಟಿಯಾಗಿದ್ದಾರೆ. ಈ ವೇಳೆ ಉಭಯ ನಾಯಕರು ಪರಸ್ಪರ ಉಡುಗೊರೆ ವಿನಿಮಯ ಮಾಡ್ಕೊಂಡಿದ್ದಾರೆ. ಜೋ ಬೈಡೆನ್ಗೆ ಬೋರಿಸ್ ಜಾನ್ಸನ್ ಫ್ರೆಡರಿಕ್ ಡಗ್ಲಾಸ್ರ ಫೋಟೋ ಗಿಫ್ಟ್ ಆಗಿ ಕೊಟ್ಟಿದ್ದಾರೆ. ಈ ಫ್ರೆಡರಿಕ್ ಡಗ್ಲಾಸ್ ಅಮೆರಿಕದ ಓರ್ವ ಸಮಾಜ ಸುಧಾರಕ, ರಾಜಕೀಯ ನಾಯಕ, ಲೇಖಕರಾಗಿದ್ರು. ಇವರು ಅಮೆರಿಕದಲ್ಲಿ ಜನಾಂಗೀಯ ತಾರತಮ್ಯದ ವಿರುದ್ಧ ಹೋರಾಟ ನಡೆಸಿದ್ರು. ಈ ಫೋಟೋ ಕೊಟ್ಟಿರೋದು ಸಾಕಷ್ಟು ಕುತೂಹಲಕ್ಕೆ ಕಾರಣವಾಗಿದೆ. ಯಾಕಂದ್ರೆ ಅಮೆರಿಕದಲ್ಲಿ ಕಳೆದ ವರ್ಷ ಕಪ್ಪು ವರ್ಣೀಯರ ವಿರುದ್ಧದ ಹಿಂಸಾಚಾರದ ಘಟನೆಗಳು ವರದಿಯಾಗಿದ್ವು. ದೊಡ್ಡ ಮಟ್ಟದಲ್ಲಿ ಪ್ರತಿಭಟನೆ ಕೂಡ ನಡೆದಿತ್ತು. ಇನ್ನು ಬೋರಿಸ್ ಜಾನ್ಸನ್ಗೆ ಜೋ ಬೈಡೆನ್ ಅಮೆರಿಕದಲ್ಲಿ ಸಿದ್ಧಪಡಿಸಲಾದ ಒಂದು ಬೈಕ್ ಮತ್ತು ಹೆಲ್ಮೆಟ್ ನೀಡಿದ್ದಾರೆ. ಜೊತೆಗೆ ಬೋರಿಸ್ ಪತ್ನಿಗೆ ಒಂದು ರೇಷ್ಮೆ ಶಾಲು ಮತ್ತು ಲೆದರ್ ಬ್ಯಾಗ್ ಗಿಫ್ಟಾಗಿ ಕೊಟ್ಟಿದ್ದಾರೆ.
-masthmagaa.com
Contact Us for Advertisement