masthmagaa.com:
ಅಫ್ಘಾನಿಸ್ತಾನವನ್ನ ತಾಲಿಬಾನ್ ಟೇಕೋವರ್ ಮಾಡಿದ ಬಳಿಕ ತಾಲಿಬಾನಿಗಳಿಂದ ತಪ್ಪಿಸಿಕೊಂಡು ಯಾರ್ಯಾರು, ಹೇಗೇಗೆ, ಯಾವ್ಯಾವ ದೇಶಕ್ಕೆ ಹೋಗಿದ್ದಾರೆ ಗೊತ್ತಿಲ್ಲ. ಇದರ ನಡುವೆಯೇ ಜಮ್ಮು ಕಾಶ್ಮೀರದಲ್ಲೊಬ್ಬ 17 ವರ್ಷದ ಅಫ್ಘನ್ ಪ್ರಜೆಯನ್ನ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಅಂದ್ಹಾಗೆ ಈತ ಕಥುವಾ ಜಿಲ್ಲೆಯ ಲಖನ್ಪುರ್ನಲ್ಲಿರೋ ಕೊರೋನಾ ಪರೀಕ್ಷಾ ಕೇಂದ್ರಕ್ಕೆ ಬಂದಿದ್ದಾನೆ. ಈ ವೇಳೆ ಪೊಲೀಸರು ಹೆಚ್ಚಿನ ವಿಚಾರಣೆಗಾಗಿ ಆತನನ್ನ ಠಾಣೆಗೆ ಕರ್ಕೊಂಡ್ ಹೋಗಿದ್ದಾರೆ. ವಿಚಾರಣೆ ವೇಳೆ ಈತ ತನ್ನ ಸಹೋದರನ ಜೊತೆ ಭಾರತಕ್ಕೆ ಬಂದಿದ್ದಾನೆ ಗೊತ್ತಾಗಿದೆ. ಜೊತೆಗೆ ಈತನ ಸಹೋದರ ಅಫ್ಘನಿಸ್ತಾನ ಸೇನೆಯಲ್ಲಿ ಕೆಲಸ ಮಾಡ್ತಿದ್ದ. ಸದ್ಯ ಆತ ದೆಹಲಿಯ ಆರ್ಆರ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೀತಿದ್ದಾನೆ ಅಂತ ಬಾಲಕ ಹೇಳಿದ್ದಾನೆ ಅಂತ ಪೊಲೀಸರು ಹೇಳಿದ್ಧಾರೆ.
-masthmagaa.com
Contact Us for Advertisement