masthmagaa.com:
ಗಿಟ್ಹಬ್ ವೇದಿಕೆಯಲ್ಲಿ ಬುಲ್ಲಿ ಬಾಯ್ ಅನ್ನೋ ಆ್ಯಪ್ ವಿರುದ್ಧ ಭಾರಿ ಆಕ್ರೋಶ ವ್ಯಕ್ತವಾಗಿದೆ. ಇದ್ರಲ್ಲಿ ಕೆಲ ಪ್ರಸಿದ್ಧ ಮುಸ್ಲಿಂ ಮಹಿಳೆಯರ ಫೋಟೋ ಅಪ್ಲೋಡ್ ಮಾಡಲಾಗಿದ್ದು, ಕೆಳಗೆ ಪ್ರೈಸ್ ಟ್ಯಾಗ್ ಹಾಕಲಾಗಿದೆ. ಜೊತೆಗೆ ಟ್ವಿಟ್ಟರ್ನಲ್ಲೂ ಈ ಬಗ್ಗೆ ಪ್ರಮೋಟ್ ಮಾಡಲಾಗ್ತಿದ್ದು, ಈ ಆ್ಯಪ್ ಮೂಲಕ ಮಹಿಳೆಯರನ್ನು ಬುಕ್ ಮಾಡ್ಬೋದು ಅಂತ ಹೇಳಲಾಗಿತ್ತು. ಈ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಆಕ್ರೋಶ ವ್ಯಕ್ತವಾಗಿದೆ. ಅದ್ರ ಬೆನ್ನಲ್ಲೇ ಪ್ರತಿಕ್ರಿಯಿಸಿರೋ ಕೇಂದ್ರ ಮಾಹಿತಿ ಮತ್ತು ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್, ಸದ್ಯಕ್ಕೆ ಗಿಟ್ಹಬ್ನ ಈ ಬುಲ್ಲಿ ಬಾಯ್ ಆ್ಯಪ್ ಹಿಂದಿದ್ದ ಯೂಸರ್ನ್ನು ಬ್ಲಾಕ್ ಮಾಡಲಾಗಿದೆ. ತನಿಖೆ ನಂತರ ಮುಂದಿನ ಕ್ರಮ ತೆಗೆದುಕೊಳ್ಳಲಾಗುತ್ತೆ ಅಂತ ಹೇಳಿದ್ದಾರೆ. ಈ ಹಿಂದೆ ಜೂನ್ ತಿಂಗಳಲ್ಲಿ ಇದೇ ಗಿಟ್ಹಬ್ ವೇದಿಕೆಯಲ್ಲಿ ಸುಲ್ಲಿ ಡೀಲ್ಸ್ ಅನ್ನೋ ಆ್ಯಪ್ನಲ್ಲೂ ಇದೇ ರೀತಿ ಮುಸ್ಲಿಂ ಮಹಿಳೆಯರ ಪೋಟೋ ಹಾಕಿ, ಬೆಲೆ ನಿಗದಿಪಡಿಸಲಾಗಿತ್ತು. ಡೀಲ್ ಆಫ್ ದಿ ಡೇ ಅಂತ ಟ್ವಿಟ್ಟರ್ನಲ್ಲಿ ಶೇರ್ ಮಾಡಲಾಗಿತ್ತು. ಆಗಲೂ ಇದಕ್ಕೆ ಭಾರಿ ವಿರೋಧ ವ್ಯಕ್ತವಾಗಿ, ನಂತರ ಆ ಆ್ಯಪನ್ನ ಗಿಟ್ಹಬ್ನಿಂದ ತೆಗೆದು ಹಾಕಲಾಗಿತ್ತು. ಗಿಟ್ ಹಬ್ ಅನ್ನೋದು ಆ್ಯಪ್ಗಳನ್ನು ಶೇರ್ ಮಾಡಲು ಇರೋ ಒಂದು ವೇದಿಕೆ. ಆದ್ರೆ ಅದು ಇಂಥ ದುರುಳರಿಂದ ದುರ್ಬಳಕೆಯಾಗ್ತಿರೋದು ವಿಪರ್ಯಾಸದ ವಿಚಾರ.. ಇದ್ರ ಹಿಂದಿರೋ ಉದ್ದೇಶ ಬೇರೇನೂ ಅಲ್ಲ.. ಬೇರೆ ಧರ್ಮದ ಮಹಿಳೆಯರ ಹೆಸರು ಹಾಳು ಮಾಡೋದೇ ಇದ್ರ ಉದ್ದೇಶ ಅಂತ ಟೀಕೆ ವ್ಯಕ್ತವಾಗ್ತಿದೆ.
-masthmagaa.com
Contact Us for Advertisement