masthmagaa.com:
ಈಗಾಗಲೇ ಕೊರೋನಾ ಹಾವಳಿಯಿಂದ ಕಂಗೆಟ್ಟಿರೋ ಕೇರಳದಲ್ಲೀಗ ನಿಫಾ ಭೀತಿ ಆವರಿಸಿದೆ. ಇಲ್ಲಿ 12 ವರ್ಷದ ಬಾಲಕನೊಬ್ಬ ನಿಫಾ ವೈರಸ್ಗೆ ಬಲಿಯಾಗಿದ್ಧಾನೆ ಅಂತ ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಮಾಹಿತಿ ನೀಡಿದ್ದಾರೆ. ಬಾಲಕನ ಸ್ಯಾಂಪಲ್ನ್ನು ಪುಣೆಯ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿಗೆ ಕಳುಹಿಸಲಾಗಿದೆ. ಅದ್ರ ವರದಿಯಲ್ಲಿ ನಿಫಾ ವೈರಸ್ ಬಂದಿರೋದು ದೃಢವಾಗಿದೆ. ಅದ್ರ ಬೆನ್ನಲ್ಲೇ ಕೇಂದ್ರ ಸರ್ಕಾರ ನ್ಯಾಷನಲ್ ಸೆಂಟರ್ ಫರ್ ಡಿಸೀಸ್ ಕಂಟ್ರೋಲ್ನ ತಂಡವನ್ನು ಕೇರಳಕ್ಕೆ ಕಳುಹಿಸಿದೆ. ಬಾಲಕನ ಸಂಪರ್ಕಕ್ಕೆ ಬಂದಿದ್ದ ಎಲ್ಲರನ್ನೂ ಟ್ರೇಸ್ ಮಾಡಲಾಗಿದೆ. ಅಂದಹಾಗೆ ನಿಫಾ ಒಂದು ಭಯಾನಕ ವೈರಸ್.. ದಕ್ಷಿಣ ಭಾರತದಲ್ಲಿ ಮೊದಲ ಬಾರಿಗೆ ಇದು ಕೇರಳದ ಕೊಝಿಕೋಡ್ನಲ್ಲಿ 2018ರ ಮೇ ತಿಂಗಳಲ್ಲಿ ಪತ್ತೆಯಾಗಿತ್ತು. ಈ ವೇಳೆ ಒಟ್ಟು 17 ಮಂದಿ ಪ್ರಾಣ ಕಳೆದುಕೊಂಡಿದ್ರು. ಈ ವೈರಾಣು ಬಾವಲಿಗಳ ಜೊಲ್ಲಿನ ಮೂಲಕ ಮನುಷ್ಯರಿಗೆ ಹರಡೋ ಒಂದು ವೈರಾಣುವಾಗಿದೆ. ಜ್ವರ, ತಲೆ ನೋವು, ಮೆದುಳು ಊದಿಕೊಳ್ಳೋದು, ಅರೆನಿದ್ರಾವಸ್ಥೆ, ಮಾನಸಿಕ ಗೊಂದಲ ಇದ್ರ ಪ್ರಮುಖ ಲಕ್ಷಣಗಳಾಗಿವೆ.
-masthmagaa.com
Contact Us for Advertisement