masthmagaa.com:
ಕೊರೋನಾ ವೈರಸ್ನ ತವರು ಚೀನಾದಲ್ಲಿ ಕೊರೋನಾ ಕಾಟ ಮತ್ತೆ ಜೋರಾಗಿದೆ. ಎಷ್ಟರಮಟ್ಟಿಗೆ ಅಂದ್ರೆ ಬರೋಬ್ಬರಿ 8 ತಿಂಗಳ ಬಳಿಕ ಕೊರೋನಾಗೆ ವ್ಯಕ್ತಿಯೊಬ್ರು ಪ್ರಾಣ ಕಳೆದುಕೊಂಡಿದ್ದಾರೆ. ಈ ಮೂಲಕ ಚೀನಾದಲ್ಲಿ ಕೊರೋನಾಗೆ ಬಲಿಯಾದವರ ಸಂಖ್ಯೆ 4,635ಕ್ಕೆ ಏರಿಕೆಯಾಗಿದೆ. ಅಂದ್ಹಾಗೆ ಕೊರೋನಾವನ್ನ ಬಹುತೇಕ ಕಂಟ್ರೋಲ್ ಮಾಡಿರೋ ಚೀನಾದಲ್ಲಿ 2020ರ ಮೇ ಬಳಿಕ ಕೊರೋನಾದಿಂದ ಯಾರೂ ಮೃತಪಟ್ಟಿರಲಿಲ್ಲ. ಮೃತಪಟ್ಟಿರುವ ವ್ಯಕ್ತಿ ಬಗ್ಗೆ ಚೀನಾ ಹೆಚ್ಚಿನ ಮಾಹಿತಿ ಏನೂ ನೀಡಿಲ್ಲ. ಹೀಬೆ ಪ್ರಾಂತ್ಯದಲ್ಲಿ ಈ ಸಾವು ಸಂಭವಿಸಿದೆ ಅಂತ ಅಷ್ಟೇ ಹೇಳಿದೆ.
ಇನ್ನೊಂದು ವಿಚಾರ ಅಂದ್ರೆ ಚೀನಾದಲ್ಲಿ ಕಳೆದ 24 ಗಂಟೆಗಳಲ್ಲಿ 138 ಜನರಿಗೆ ಹೊಸದಾಗಿ ಕೊರೋನಾ ಸೋಂಕು ದೃಢಪಟ್ಟಿದೆ. ಭಾರತಕ್ಕೆ ಹೋಲಿಸಿದ್ರೆ ಈ ನಂಬರ್ ಯಾವ ಲೆಕ್ಕಕ್ಕೂ ಇಲ್ಲ. ಆದ್ರೆ ಚೀನಾಗೆ ಇದೇ ದೊಡ್ಡ ವಿಚಾರ. ಯಾಕಂದ್ರೆ 2020ರ ಮಾರ್ಚ್ ಬಳಿಕ ದೃಢಪಟ್ಟ ಅತಿಹೆಚ್ಚು ಕೇಸ್ ಇದು. ಹೀಗಾಗಿ ಅಲರ್ಟ್ ಆಗಿರೋ ಚೀನಾ ಸರ್ಕಾರ ದೇಶದ ಹಲವೆಡೆ ಲಾಕ್ಡೌನ್ ಹೇರಿದೆ. ಹೀಬೆ ಪ್ರಾಂತ್ಯದ ರಾಜಧಾನಿ ಶಿಜಿಯಾಝೌಂಗ್ ಕೊರೋನಾ ಸೋಂಕಿನ ಎಪಿಸೆಂಟರ್ ರೀತಿ ಆಗಿದ್ದು ಶಾಲೆ, ಅಂಗಡಿ ಮುಂಗಟ್ಟುಗಳನ್ನ ಬಂದ್ ಮಾಡಲಾಗಿದೆ. 70 ಲಕ್ಷ ಜನರಿರುವ ಪಕ್ಕದ ಷಿಂಗ್ಟಾಯ್ ನಗರದಲ್ಲೂ ಲಾಕ್ಡೌನ್ ಹೇರಲಾಗಿದೆ. ಇನ್ನು ಮತ್ತೊಂದು ಪ್ರಾಂತ್ಯವಾದ ಹೆಲಾಂಗ್ಜಿಯಾಂಗ್ನಲ್ಲಿ ತುರ್ತುಪರಿಸ್ಥಿತಿ ಘೋಷಿಸಲಾಗಿದೆ. ಈ ಪ್ರಾಂತ್ಯದ 3.7 ಕೋಟಿ ಜನರನ್ನ ಪ್ರಾಂತ್ಯ ಬಿಟ್ಟು ಹೊರ ಹೋಗದಂತೆ ಸೂಚಿಸಲಾಗಿದೆ. ಹೆಚ್ಚೆಚ್ಚು ಕೊರೋನಾ ಪರೀಕ್ಷೆ ನಡೆಸಲಾಗ್ತಿದೆ.
-masthmagaa.com
Contact Us for Advertisement