masthmagaa.com:
ಚೀನಾದ ಷಿಂಜಿಯಾಂಗ್ ಪ್ರಾಂತ್ಯದಲ್ಲಿ ಉಘರ್ ಮುಸ್ಲಿಮರ ಮೇಲೆ ಚೀನಾ ದಬ್ಬಾಳಿಕೆ ನಡೆಸ್ತಿದೆ, ಮಾನವ ಹಕ್ಕುಗಳನ್ನ ಉಲ್ಲಂಘಿಸ್ತಿದೆ, ಅವರನ್ನ ಕ್ಯಾಂಪ್ಗಳಲ್ಲಿ ಬಂಧಿಸಿಟ್ಟು ಕಿರುಕುಳ ಕೊಡ್ತಿದೆ ಅನ್ನೋ ಆರೋಪವನ್ನ ಅಮೆರಿಕ ಸೇರಿದಂತೆ ಜಗತ್ತಿನ ಇತರ ದೇಶಗಳು ಮಾಡ್ತಾ ಬರ್ತಿವೆ. ಆದ್ರೆ ಚೀನಾ ಮಾತ್ರ, ಹಾಗೆಲ್ಲಾ ಏನೂ ಇಲ್ಲ. ಉಘರ್ ಮುಸ್ಲಿಮರು ಉಗ್ರರಾಗದಂತೆ ತಡೆಯಲು ಕ್ಯಾಂಪ್ಗಳಲ್ಲಿ ಟ್ರೈನಿಂಗ್ ನೀಡ್ತಿದ್ದೇವೆ ಅಂತ ಹೇಳ್ತಾ ಬರ್ತಿದೆ. ಇದೀಗ ಅಮೆರಿಕ, ಜರ್ಮನಿ, ಬ್ರಿಟನ್ ಮುಂತಾದ ದೇಶಗಳು ಷಿಂಜಿಯಾಂಗ್ ಪ್ರಾಂತ್ಯದಲ್ಲಿ ನಡೆಯಲಿರೋ ಮಾನವ ಹಕ್ಕು ಕಾರ್ಯಕ್ರಮದಲ್ಲಿ ಭಾಗವಹಿಸಲು ಮುಂದಾಗಿವೆ. ಆದ್ರೆ ವಿಶ್ವಸಂಸ್ಥೆಯ ಸದಸ್ಯ ರಾಷ್ಟ್ರಗಳು ಆ ಕಾರ್ಯಕ್ರಮದಲ್ಲಿ ಭಾಗವಹಿಸಬಾರ್ದು ಅಂತ ಚೀನಾ ಆಗ್ರಹಿಸಿದೆ. ತನ್ನ ಗುಟ್ಟು ರಟ್ಟಾಗುತ್ತೆ ಅನ್ನೋ ಭಯ ಚೀನಾದ್ದು ಅನ್ಸುತ್ತೆ. ಈ ಬಗ್ಗೆ ವಿಶ್ವಸಂಸ್ಥೆಯಲ್ಲಿರೋ ಚೀನಾದ ನಿಯೋಗ ಹೇಳಿಕೆಯೊಂದನ್ನ ಬಿಡಗಡೆ ಮಾಡಿದೆ. ಷಿನ್ಜಿಯಾಂಗ್ನಲ್ಲಿ ನಡೆಯಲಿರೋ ಕಾರ್ಯಕ್ರಮ ರಾಜಕೀಯ ಪ್ರೇರಿತವಾಗಿದೆ. ಮಾನವ ಹಕ್ಕುಗಳ ವಿಚಾರ ಬಳಸಿಕೊಂಡು ಚೀನಾದ ಆಂತರಿಕ ವಿಚಾರದಲ್ಲಿ ಹಸ್ತಕ್ಷೇಪ ಮಾಡಲಾಗ್ತಿದೆ. ಹೀಗಾಗಿ ಚೀನಾ ವಿರೋಧಿ ಈ ಕಾರ್ಯಕ್ರಮದಲ್ಲಿ ತಾವು ಭಾಗವಹಿಸಬೇಡಿ ಅಂತ ನಾವು ರಿಕ್ವೆಸ್ಟ್ ಮಾಡ್ತೀವಿ ಅಂತ ಹೇಳಿಕೆಯಲ್ಲಿದೆ.
-masthmagaa.com
Contact Us for Advertisement