masthmagaa.com:
ಒಮೈಕ್ರಾನ್ ರೂಪಾಂತರಿ ವೈರಸ್ ಬಗ್ಗೆ ಡಾಕ್ಟರ್ಸ್ ಟಾಕ್ನಲ್ಲಿ ಇವತ್ತು ಯಾರು ಏನ್ ಹೇಳಿದ್ದಾರೆ ಅಂತ ನೋಡಣ..
(‘ವೈರಾಣು ರೂಪ ಬದಲಿಸೋದು ಸಾಮಾನ್ಯ. ಅದನ್ನ ತಡೆಯೋಕೆ ಆಗಲ್ಲ. ರೂಪಾಂತರಿ ವೈರಾಣು ಹರಡುವ ವೇಗ ಹೆಚ್ಚಿರಬಹುದು. ಹೀಗಾಗಿ ಕೊರೋನಾ ಲಸಿಕೆಯ ಎರಡನೇ ಡೋಸ್ ಬಾಕಿ ಇರೋರು, ಮೊದಲು ಲಸಿಕೆ ಹಾಕ್ಕೊಳ್ಳಿ. ಒಂದು ಡೋಸ್ ಲಸಿಕೆ ರಕ್ಷಣೆ ಕೊಡುತ್ತೆ. ಆದ್ರೆ ಎರಡೂ ಡೋಸ್ ಹಾಕ್ಕೊಂಡ್ರೆ ಹೆಚ್ಚಿನ ಪ್ರಮಾಣದಲ್ಲಿ ರಕ್ಷಣೆ ಕೊಡುತ್ತೆ. ಸರ್ಕಾರದವರು ಬೂಸ್ಟರ್ ಡೋಸ್ ಜಾರಿಗೆ ತಂದ್ರೆ ಕೂಡಲೇ ತಗೊಳ್ಳಿ. ಅಮೆರಿಕ, ಯುರೋಪ್ನಲ್ಲಿ ಐಸಿಯುನಲ್ಲಿದ್ದ ಹೆಚ್ಚಿನ ರೋಗಿಗಳು ಲಸಿಕೆನೇ ಹಾಕ್ಕೊಂಡಿರಲಿಲ್ಲ. ಲಸಿಕೆ ಹಾಕ್ಕೊಂಡೋರು ಐಸಿಯುನಲ್ಲಿ ಇದ್ದಿದ್ದು ಕೆಲವೇ ಕೆಲವು. ಹೀಗಾಗಿ ಕೊರೋನಾ ಲಸಿಕೆ ಅನ್ನೋದು ಒಂದು ಮೆಡಿಕಲ್ ಮಿರಾಕಲ್. ಅದು ಕೊರೋನಾದಿಂದ ರಕ್ಷಣೆ ನೀಡುತ್ತೆ ಅಂದ್ರೆ ಸಾವಿನಿಂದ ರಕ್ಷಣೆ ನೀಡುತ್ತೆ ಅಂತರ್ಥ. ಕೊರೋನಾದ ಮೂರನೇ ಅಲೆಗೆ ಒಮೈಕ್ರಾನ್ ರೂಪಾಂತರಿಯೇ ಕಾರಣವಾಗಬಹುದು. 15ಕ್ಕೂ ಹೆಚ್ಚು ದೇಶಗಳಿಗೆ ಬಂದಿದೆ ಅಂದ್ರೆ ಅದು ಭಾರತಕ್ಕೂ ಬರುತ್ತೆ, ನಮ್ಗೂ ಬರುತ್ತೆ. ಆದ್ರೆ ನನ್ನ ಪ್ರಕಾರ ಜನ ಯೋಚ್ನೆ ಮಾಡುವಷ್ಟು ಒಮೈಕ್ರಾನ್ ಅಪಾಯಕಾರಿ ಅಲ್ಲ. ಹಾಗಂತ ನಿರ್ಲಕ್ಷ್ಯ ತೋರಬಾರ್ದು, ಮುಂಜಾಗ್ರತೆ ವಹಿಸಬೇಕು. ಒಮೈಕ್ರಾನ್ ಬಗ್ಗೆ ಹೆದರುವ ಅಗತ್ಯವಿಲ್ಲ.
– ಡಾ. ದೇವಿ ಶೆಟ್ಟಿ, ನಾರಾಯಣ ಹೆಲ್ತ್ ಚೇರ್ಮನ್
-masthmagaa.com
Contact Us for Advertisement