masthmagaa.com:
ಸುಳ್ಳು ಸುದ್ದಿ ಹರಡಿದ ಆರೊಪದ ಮೇಲೆ ಯೂನಿವರ್ಸಿಟಿಯ ವಿದ್ಯಾರ್ಥಿಯನ್ನು 4 ವರ್ಷಗಳ ಕಾಲ ಜೈಲು ಶಿಕ್ಷೆಗೆ ಗುರಿಪಡಿಸಲಾಗಿದೆ. ಈಜಿಪ್ಟ್ನ ಅಹ್ಮದ್ ಸಮಿರ್ ಆಸ್ಟ್ರಿಯಾದ ವಿಯೆನ್ನಾದಲ್ಲಿರೋ ಸೆಂಟ್ರಲ್ ಯೂರೋಪಿಯನ್ ಯೂನಿವರ್ಸಿಟಿಯಲ್ಲಿ ಮಕ್ಕಳ ಸಂತಾನೋತ್ಪತ್ತಿಯ ಹಕ್ಕುಗಳ ಕುರಿತು ಅಧ್ಯಯನ ನಡೆಸ್ತಿದ್ರು. ಕಳೆದ ಫೆಬ್ರವರಿಯಲ್ಲಿ ತಮ್ಮ ಕುಟುಂಬದವನ್ನು ಭೇಟಿಯಾಗಲು ಈಜಿಪ್ಟ್ಗೆ ಬಂದಿದ್ದಾಗ ಸಮಿರ್ನನ್ನು ಅರೆಸ್ಟ್ ಮಾಡಲಾಗಿತ್ತು. ಅರೆಸ್ಟ್ ಯಾಕೆ ಮಾಡಿದ್ದು ಆಗ ಅಧಿಕಾರಿಗಳು ಹೇಳೇ ಇರಲಿಲ್ಲ. ನಂತರದಲ್ಲಿ ಸಮೀರ್ ಸುಳ್ಳು ಸುದ್ದಿ ಹರಡೋದ್ರ ಜೊತೆಗೆ ಉಗ್ರ ಸಂಘಟನೆಗೆ ಸೇರಿದವನಾಗಿದ್ದಾನೆ ಅನ್ನೋ ಆರೋಪ ಮಾಡಿ ಕೇಸ್ ಹಾಕಲಾಗಿತ್ತು. ಅದರಂತೆ ಈಗ ಈಜಿಪ್ಟ್ನ ನ್ಯೂ ಕೈರೋ ಕೋರ್ಟ್ 4 ವರ್ಷ ಜೈಲು ಶಿಕ್ಷೆ ವಿಧಿಸಿ, 30 ಡಾಲರ್ ದಂಡ ವಿಧಿಸಿದೆ. ಈ ಬಗ್ಗೆ ಫೇಸ್ಬುಕ್ನಲ್ಲಿ ಮಾಹಿತಿ ನೀಡಿರೋ ಈಜಿಪ್ಟ್ ಮಾನವ ಹಕ್ಕು ಆಯೋಗ ಫೇಸ್ಬುಕ್ ಪೇಜ್ನಲ್ಲಿ ಮಾಹಿತಿ ನೀಡಿ, ಇದೊಂದು ಅತಿರೇಖದ ವರ್ತನೆ ಅಂತ ಹೇಳಿದೆ.
-masthmagaa.com
Contact Us for Advertisement