masthmagaa.com:
ಕೊರೋನಾ ಹಾವಳಿ ನಡುವೆಯೇ ಚೀನಾದಲ್ಲಿ ಹಕ್ಕಿಜ್ವರದ ಹೆಚ್10ಎನ್3 ತಳಿ ಮನುಷ್ಯನಲ್ಲಿ ಕಾಣಿಸಿಕೊಂಡಿದೆ. ಮನುಷ್ಯನಲ್ಲಿ ಬರ್ಡ್ ಫ್ಲೂನ ಹೆಚ್10ಎನ್3 ತಳಿಯ ಸೋಂಕು ಕಾಣಿಸಿಕೊಂಡಿರೋದು ಜಗತ್ತಿನಲ್ಲಿ ಇದೇ ಮೊದಲು ಅಂತ ಚೀನಾದ ನ್ಯಾಷನಲ್ ಹೆಲ್ತ್ ಕಮಿಷನ್ ಹೇಳಿದೆ. ಅಂದ್ಹಾಗೆ ಚೀನಾದ ಜಿಯಾಂಗ್ಸು ಪ್ರಾಂತ್ಯದ ಝೆನ್ಜಿಯಾಂಗ್ ನಗರದ 41 ವರ್ಷದ ವ್ಯಕ್ತಿಗೆ ಈ ವೈರಸ್ ತಗುಲಿದೆ. ಸದ್ಯ ಆಸ್ಪತ್ರೆಯಲ್ಲಿರೋ ಈತನ ಆರೋಗ್ಯ ಸ್ಥಿರವಾಗಿದ್ದು ಡಿಸ್ಚಾರ್ಜ್ಗೆ ರೆಡಿಯಾಗಿದ್ದಾನೆ ಅಂತ ಅಧಿಕಾರಿಗಳು ತಿಳಿಸಿದ್ದಾರೆ. ಆದ್ರೆ ಈತನಿಗೆ ಸೋಂಕು ತಗುಲಿದ್ದು ಹೇಗೆ ಅನ್ನೋ ಬಗ್ಗೆ ಮಾಹಿತಿ ನೀಡಿಲ್ಲ. ಚೀನಾದಲ್ಲಿ ಹಕ್ಕಿಜ್ವರದ ವಿವಿಧ ತಳಿಗಳಿವೆ. ಅದರಲ್ಲಿ ಕೆಲವೊಂದು ತಳಿಗಳು ಪೌಲ್ಟ್ರಿಯಲ್ಲಿ ಕೆಲಸ ಮಾಡೋರಿಗೆ ತಗುಲುತ್ತಿರುತ್ತೆ. ಆದ್ರೆ ಈ ತಳಿ ತಗುಲಿರೋದು ಇದೇ ಫಸ್ಟ್ ಟೈಂ. ಈ ವೈರಸ್ ಕಡಿಮೆ ರೋಗಕಾರಕವಾಗಿದೆ. ಜೊತೆಗೆ ದೊಡ್ಡ ಪ್ರಮಾಣದ ಔಟ್ಬ್ರೇಕ್ಗೂ ಕಾರಣವಾಗಲ್ಲ ಅಂತಾನೂ ಚೀನಾ ಹೇಳಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ವಿಶ್ವ ಆರೋಗ್ಯ ಸಂಸ್ಥೆ, ರೋಗಿಗೆ ಈ ವೈರಸ್ ತಗುಲಿದ್ದು ಹೇಗೆ, ಅದರ ಮೂಲ ಯಾವ್ದು ಅಂತ ಗೊತ್ತಾಗಿಲ್ಲ. ಜೊತೆಗೆ ಆ ಪ್ರದೇಶದಲ್ಲಿ ಬೇರೆ ಪ್ರಕರಣ ವರದಿಯಾಗಿಲ್ಲ. ಸದ್ಯ ಮನುಷ್ಯನಿಂದ ಮನುಷ್ಯನಿಗೆ ಈ ವೈರಸ್ ಹರಡುತ್ತೆ ಅನ್ನೋ ಸೂಚನೆಗಳಿಲ್ಲ ಅಂತ ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.
-masthmagaa.com
Contact Us for Advertisement