masthmagaa.com:
ಕೊರೋನಾ ವೈರಸ್ ಮೊದಲು ಕಾಣಿಸಿಕೊಂಡ ಚೀನಾದಲ್ಲಿ ಮಹಾಮಾರಿ ಸಂಪೂರ್ಣವಾಗಿ ನಿಯಂತ್ರಣಕ್ಕೆ ಬಂದಿದೆ ಅಂತ ಚೀನಾ ಹೇಳ್ತಿದೆ. ಎಷ್ಟರಮಟ್ಟಿಗೆ ಅಂದ್ರೆ ಕಳೆದ 23 ದಿನಗಳಿಂದ ಒಂದೇ ಒಂದು ಸ್ಥಳೀಯ ಪ್ರಕರಣ ದೃಢಪಟ್ಟಿಲ್ಲ. ಈ ಅವಧಿಯಲ್ಲಿ ಪತ್ತೆಯಾಗಿರುವ ಎಲ್ಲಾ ಪ್ರಕರಣಗಳು ವಿದೇಶದಿಂದ ಬಂದವರು ಅಂತ ಚೀನಾ ಹೇಳಿಕೊಂಡಿದೆ. ಆದ್ರೆ ಕೊರೋನಾ ಸೋಂಕಿತರ ವಿಚಾರದಲ್ಲಿ ಚೀನಾ ಸುಳ್ಳು ಹೇಳ್ತಿದೆ ಅನ್ನೋದಕ್ಕೆ ಮತ್ತೊಂದು ಸಾಕ್ಷ್ಯ ಸಿಕ್ಕಿದಂತೆ ಕಾಣ್ತಿದೆ.
ಏನಾಗಿದೆ ಅಂದ್ರೆ, ಆಗಸ್ಟ್ 16ರಿಂದ ಇಲ್ಲಿಯವರೆಗೆ ಚೀನಾದಿಂದ ದಕ್ಷಿಣ ಕೊರಿಯಾಗೆ ಬಂದ ಐವರು ಪ್ರಯಾಣಿಕರಿಗೆ ಕೊರೋನಾ ಪಾಸಿಟಿವ್ ಬಂದಿದೆ ದಕ್ಷಿಣ ಕೊರಿಯಾದ ಆರೋಗ್ಯ ಇಲಾಖೆ ತಿಳಿಸಿದೆ. ಇದರಲ್ಲಿ ಇಬ್ಬರು ದಕ್ಷಿಣ ಕೊರಿಯಾ ಪ್ರಜೆಗಳಾಗಿದ್ರೆ, ಮೂವರು ಚೀನಾ ಪ್ರಜೆಗಳಾಗಿದ್ದಾರೆ. ಈ ಮೂಲಕ ಕಳೆದ ಮೂರು ವಾರಗಳಿಂದ ಸ್ಥಳೀಯ ಪ್ರಕರಣಗಳೇ ದೃಢಪಟ್ಟಿಲ್ಲ, ವಿದೇಶದಿಂದ ಬಂದವರಲ್ಲಿ ಮಾತ್ರ ಸೋಂಕು ದೃಢಪಡುತ್ತಿದೆ ಅಂತಿದ್ದ ಚೀನಾದ ಕಳ್ಳಾಟ ಬಯಲಾಗಿದೆ.
ಮತ್ತೊಂದುಕಡೆ ಇವತ್ತು ಚೀನಾದ ಕೊರೋನಾ ವಾರಿಯರ್ಸ್ಗೆ ಗೌರವಿಸುವ ಕಾರ್ಯಕ್ರಮವನ್ನು ಜಿನ್ಪಿಂಗ್ ಆಯೋಜಿಸಿದ್ದರು. ಈ ವೇಳೆ ಮಾತನಾಡಿದ ಅವರು, ಕೊರೋನಾ ವಿರುದ್ಧ ನಾವು ಗೆದ್ದಿದ್ದೇವೆ ಅಂತ ಘೋಷಿಸಿದ್ದಾರೆ. ಜೊತೆಗೆ ಕೊರೋನಾ ವಿರುದ್ಧ ಚೀನಾ ಪಾರದರ್ಶಕವಾಗಿಯೇ ಕೆಲಸ ಮಾಡಿದೆ. ಯಾವುದನ್ನೂ ಮುಚ್ಚುಮರೆ ಮಾಡಿಲ್ಲ ಅಂತ ಹೇಳಿದ್ದಾರೆ. ಜಿನ್ಪಿಂಗ್ ಹೀಗೆ ಹೇಳ್ತಿದ್ರೆ, ಅತ್ತ ಚೀನಾದಿಂದ ದಕ್ಷಿಣ ಕೊರಿಯಾಗೆ ಬಂದಿದ್ದ ಪ್ರಯಾಣಿಕರಿಗೆ ಸೋಂಕು ತಗುಲಿರೋದು ಚೀನಾವನ್ನು ಅನುಮಾನದ ಕಣ್ಣುಗಳಿಂದ ನೋಡುವಂತೆ ಮಾಡಿದೆ.
-masthmagaa.com
Contact Us for Advertisement