masthmagaa.com:
ಕಳೆದ ವಾರ ನಡೆದ ಹೈಟಿ ದೇಶದ ಅಧ್ಯಕ್ಷ ಜೊವೆನೆಲ್ ಮೋಯಿಸ್ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅರೆಸ್ಟ್ ಆಗಿರೋರಲ್ಲಿ ಓರ್ವ ಅಮೆರಿಕದ ಡ್ರಗ್ ಎನ್ಫೋರ್ಸ್ಮೆಂಟ್ ಅಡ್ಮಿನಿಸ್ಟ್ರೇಶನ್ನ ಮಾಜಿ ಮಾಹಿತಿದಾರ ಅಂತ ಹೈಟಿಯ ಡ್ರಗ್ ಎನ್ಫೋರ್ಸ್ಮೆಂಟ್ ಏಜೆನ್ಸಿ ಹೇಳಿದೆ. ಆದ್ರೆ ಹತ್ಯೆ ನಡೆಯೋ ಟೈಮಲ್ಲಿ ಈತ ಸಕ್ರಿಯ ಮಾಹಿತಿದಾರ ಆಗಿರಲಿಲ್ಲ ಅಂತ ಹೈಟಿ ಸರ್ಕಾರಿ ಮೂಲಗಳು ತಿಳಿಸಿವೆ. ಅಂದ್ಹಾಗೆ ಜೊವೆನೆಲ್ ಮೋಯಿಸ್ ಹತ್ಯೆ ಪ್ರಕರಣದಲ್ಲಿ ಮೂವರು ಹೈಟಿ-ಅಮೆರಿಕನ್ನರು ಮತ್ತು 26 ಕೊಲಂಬಿಯನ್ನರನ್ನ ಬಂಧಿಸಲಾಗಿತ್ತು. ಹತ್ಯೆಯಲ್ಲಿ ಹೈಟಿ-ಅಮೆರಿಕನ್ನರು ಯಾಕೆ ಭಾಗವಹಿಸಿದ್ರು ಅನ್ನೋ ಬಗ್ಗೆ ತನಿಖೆ ನಡೆಸುತ್ತಿದ್ದೇವೆ ಅಂತ ಅಮೆರಿಕ ಹೇಳಿದೆ. ಅಲ್ಲದೆ ತನಿಖೆಗೆ ಸಹಕಾರ ನಿಡುವಂತೆಯೂ ಹೈಟಿಗೆ ಮನವಿ ಮಾಡಿದೆ ಅಮೆರಿಕ.
-masthmagaa.com
Contact Us for Advertisement