ದೀಪ್ ಸಿಧು ಎಫ್​​ಬಿ ಅಕೌಂಟ್​​ಗೆ ವಿಡಿಯೋ ಹಾಕ್ತಿರೋರು ಯಾರು..?

masthmagaa.com:

ದೆಹಲಿ: ಜನವರಿ 26ರ  ಗಣರಾಜ್ಯೋತ್ಸವದಂದು ನಡೆದ ಹಿಂಸಾಚಾರ ಪ್ರಕರಣ ಸಂಬಂಧ ಪಂಜಾಬಿ ನಟ ದೀಪ್ ಸಿಧು ಅವರಿಗಾಗಿ ಪೊಲೀಸರು ಹುಡುಕಾಟ ನಡೆಸ್ತಿದ್ದಾರೆ. ಅವತ್ತಿನ ಬಳಿಕ ಅವರು ಎಲ್ಲಿ ಹೋದ್ರು ಅಂತ ಯಾರಿಗೂ ಗೊತ್ತಿಲ್ಲ.

ಆದ್ರೆ ಅವರ ಫೇಸ್​​ಬುಕ್ ಖಾತೆಗೆ ಮಾತ್ರ ನಿರಂತರವಾಗಿ ವಿಡಿಯೋಗಳು ಅಪ್​ಲೋಡ್ ಆಗುತ್ತಲೇ ಇವೆ.. ಇದ್ರ ಮೂಲ ಹುಡುಕಿದ ಪೊಲೀಸರಿಗೆ ಈ ವಿಡಿಯೋಗಳನ್ನು ದೀಪ್ ಸಿಧು ಅಪ್​ಲೋಡ್ ಮಾಡ್ತಿರೋದಲ್ಲ.. ಆತನ ವಿದೇಶದಲ್ಲಿರುವ ಗೆಳತಿಯೊಬ್ಬರು ಆಗಾಗ ಒಂದೊಂದು ವಿಡಿಯೋ ಅಪ್​ಲೋಡ್ ಮಾಡ್ತಿದ್ದಾರೆ.. ಈ ಕಡೆಯಿಂದ ಸಿಧು ವಿಡಿಯೋ ರೆಕಾರ್ಡ್​ ಮಾಡಿ ಆಕೆಗೆ ಕಳುಹಿಸಿಕೊಡ್ತಿದ್ದಾರೆ ಅಂತ ತಿಳಿದು ಬಂದಿದೆ. ಈ ವಿಡಿಯೋಗಳಲ್ಲಿ ರೈತರ ಪ್ರತಿಭಟನೆ ಬಗ್ಗೆ ವಿವಿಧ ರೀತಿಯ ಹೇಳಿಕೆಗಳನ್ನು ನೀಡಲಾಗ್ತಿದೆ. ಸಿಧುವನ್ನು ಹುಡುಕಲು ಪಂಜಾಬ್​ನ ಕ್ರೈಂ ಬ್ರಾಂಚ್ ಮತ್ತು ಸ್ಪೆಷಲ್ ಸೆಲ್​​ನ ಒಂದು ತಂಡ ಅವರ ಹಿಂದೆ ಬಿದ್ದಿದೆ. ಅವರ ಮೇಲೆ 1 ಲಕ್ಷ ರೂಪಾಯಿ ಇನಾಮು ಕೂಡ ಘೋಷಿಸಲಾಗಿದೆ.

ಇನ್ನು ದೆಹಲಿ ಪೊಲೀಸ್ ಕೂಡ ಜನವರಿ 26ರ ಹಿಂಸೆಯಲ್ಲಿ ಭಾಗಿಯಾದವರನ್ನು ಬಂಧಿಸಲು ಸಹಕರಿಸಿದ್ರೆ 50 ಸಾವಿರದಿಂದ 1 ಲಕ್ಷ ರೂಪಾಯಿವರೆಗೆ ಇನಾಮು ನೀಡೋದಾಗಿ ಘೋಷಿಸಿದೆ.

-masthmagaa.com