masthmagaa.com:
ಪಾಕಿಸ್ತಾನದಲ್ಲಿ ಬದಲಾವಣೆ ತರಲು ತಾನು ವಿಫಲವಾಗಿದ್ದೀನಿ ಅಂತ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಒಪ್ಪಿಕೊಂಡಿದ್ದಾರೆ. ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ನಾವು ಅಧಿಕಾರಕ್ಕೆ ಬರುವಾಗ ಕ್ರಾಂತಿಕಾರಿ ಹೆಜ್ಜೆಗಳ ಮೂಲಕ ತಕ್ಷಣ ಬದಲಾವಣೆ ತರಬೇಕು ಅಂತ ಅಂದುಕೊಂಡಿದ್ವಿ. ಆದ್ರೆ ಶಾಕ್ಗಳನ್ನ ಅಬ್ಸಾರ್ಬ್ ಮಾಡಿಕೊಳ್ಳಲು ನಮ್ಮ ವ್ಯವಸ್ಥೆ ಅಸಮರ್ಥವಾಗಿದೆ ಅನ್ನೋದು ಆಮೇಲೆ ಅರಿವಾಯ್ತು ಅಂತ ಇಮ್ರಾನ್ ಖಾನ್ ಹೇಳಿದ್ದಾರೆ. ಜೊತೆಗೆ ಸರ್ಕಾರ ಮತ್ತು ದೇಶದ ಹಿತಾಸಕ್ತಿ ಮಧ್ಯೆ ಯಾವುದೇ ಸಂಬಂಧ ಇಲ್ಲದಿರೋದೇ ದೊಡ್ಡ ಸಮಸ್ಯೆಯಾಗಿದೆ.
ಸರ್ಕಾರ ಮತ್ತು ಸಚಿವಾಲಯಗಳು ನಿರೀಕ್ಷಿತ ಮಟ್ಟದಲ್ಲಿ ಕೆಲಸ ಮಾಡಿಲ್ಲ ಅಂತಾನೂ ಇಮ್ರಾನ್ ಖಾನ್ ಹೇಳಿದ್ದಾರೆ. ಹೀಗೆ ಸರ್ಕಾರ ಮತ್ತು ಸಚಿವಾಲಯ ಸರಿಯಾಗಿ ಕೆಲಸ ಮಾಡಿಲ್ಲ ಅಂತ ಹೇಳಿದ್ದು ಯಾವ ಕಾರ್ಯಕ್ರಮದಲ್ಲಿ ಗೊತ್ತಾ, ಟಾಪ್ ಟೆನ್ ಸಚಿವಾಲಯಗಳಿಗೆ ಪ್ರಶಸ್ತಿಗಳನ್ನ ನೀಡುವ ಕಾರ್ಯಕ್ರಮದಲ್ಲಿ.. ಒಂದ್ಕಡೆ ಟೀಕೆ ನಾಡೋದು, ಮತ್ತೊಂದ್ಕಡೆ ಅವಾರ್ಡ್ ಕೊಡೋದು..
ಇನ್ನು ಇಮ್ರಾನ್ ಖಾನ್ ಇತ್ತೀಚೆಗೆ ಚೀನಾಗೆ ಹೋಗಿ ಬೀಜಿಂಗ್ ವಿಂಟರ್ ಒಲಿಂಪಿಕ್ಸ್ನ ಓಪನಿಂಗ್ ಸೆರಮನಿಯಲ್ಲಿ ಭಾಗವಹಿಸಿದ್ರು. ಈ ವೇಳೆ ಕುಚಿಕು ದೋಸ್ತ್ ಜಿನ್ಪಿಂಗ್ ಭೇಟಿಯಾಗಿ, ಸಾಲಕ್ಕೆ ಬೇಡಿಕೆ ಇಟ್ಟಿದ್ರು ಇಮ್ರಾನ್ ಖಾನ್. ಆದ್ರೆ ಇಮ್ರಾನ್ರ ಚೀನಾ ಭೇಟಿ ಬರೀ ಸಾಲ ಕೇಳೋದು ಮಾತ್ರವಾಗಿರಲಿಲ್ಲ, ಕ್ಷೀಣಿಸುತ್ತಿರುವ ಅವರ ರಾಜಕೀಯ ಪ್ರಭಾವವನ್ನ ಬಲಪಡಿಸೋದು ಕೂಡ ಆಗಿತ್ತು ಅಂತ ಪಾಲಿಸಿ ರಿಸರ್ಚ್ ಗ್ರೂಪ್ (POREG) ಹೇಳಿದೆ. ಒಂದ್ಕಡೆ ಇಮ್ರಾನ್ ಮತ್ತು ಪಾಕ್ ಸೇನೆ ನಡುವೆ ಸಂಘರ್ಷ ನಡೀತಿದೆ, ಇಮ್ರಾನ್ ಖಾನ್ ಕ್ಯಾಬಿನೆಟ್ನಲ್ಲೇ ಭಿನ್ನಾಭಿಪ್ರಾಯ ಇದೆ, ಅಫ್ಘನಿಸ್ತಾನ ಜೊತೆಗೆ ಗಡಿ ಸಂಘರ್ಷ, ಅಮೆರಿಕ ಜೊತೆಗಿನ ಹಗೆತನ ಹಾಗೂ ಹದಗೆಟ್ಟಿರೋ ಆರ್ಥಿಕ ಪರಿಸ್ಥಿತಿಗಳು ಕೂಡ ಇಮ್ರಾನ್ ಖಾನ್ ಚೀನಾ ಭೇಟಿಯಲ್ಲಿ ಪ್ರಮುಖ ಪಾತ್ರ ವಹಿಸಿರಬಹುದು ಅಂತ ಪಾಲಿಸಿ ರಿಸರ್ಚ್ ಗ್ರೂಪ್ ಹೇಳಿದೆ.
-masthmagaa.com
Contact Us for Advertisement