masthmagaa.com:
ಆತ್ಮನಿರ್ಭರ್ ಭಾರತ್ ಸ್ಲೋಗನ್ನಡಿ ಆರಂಭದಲ್ಲಿ ಸ್ವದೇಶಿ ನಿರ್ಮಿತ ಲಸಿಕೆಗೆ ಒತ್ತು ನೀಡಿದ್ದ ಭಾರತ ಈಗ ಎಲ್ಲಾ ವಿದೇಶಿ ಲಸಿಕೆಗಳಿಗೆ ಗ್ರೀನ್ ಸಿಗ್ನಲ್ ನೀಡಲು ಮುಂದಾಗಿದೆ ಅಂತ ಗೊತ್ತಾಗಿದೆ. ಜಾನ್ಸನ್ & ಜಾನ್ಸನ್, ಜೈಡಸ್ ಕ್ಯಾಡಿಲಾ, ಸೀರಂನ ನೋವಾವ್ಯಾಕ್ಸ್ ಮತ್ತು ಭಾರತ್ ಬಯೋಟೆಕ್ನ ಮೂಗಿಗೆ ಹಾಕುವ ವ್ಯಾಕ್ಸಿನ್ಗೂ ಸದ್ಯದಲ್ಲೇ ಗ್ರೀನ್ ಸಿಗ್ನಲ್ ಸಿಗಲಿದೆ. ಭಾರತ ಆರಂಭದಲ್ಲಿ ಹಲವು ದೇಶಗಳಿಗೆ ಲಸಿಕೆಯನ್ನು ರಫ್ತು ಮಾಡಿದ್ರೂ ಈಗ ಲಸಿಕೆ ಕೊರತೆ ಎದುರಾಗಿದೆ. ಮಹಾರಾಷ್ಟ್ರ, ಪಂಜಾಬ್, ದೆಹಲಿ. ರಾಜಸ್ಥಾನ ಮತ್ತು ತೆಲಂಗಾಣದಲ್ಲಿ ಲಸಿಕೆ ಸ್ಟಾಕ್ ಇಲ್ಲ ಅಂತ ರಾಜ್ಯ ಸರ್ಕಾರಗಳು ಈಗಾಗಲೇ ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆದಿದ್ದವು. ಅದ್ರ ಬೆನ್ನಲ್ಲೇ ಕೇಂದ್ರ ಸರ್ಕಾರ ಈ ಮಹತ್ವದ ಹೆಜ್ಜೆ ಇಟ್ಟಿದೆ.
ಇನ್ನು ನಿನ್ನೆಯಷ್ಟೇ ರಷ್ಯಾದ ಸ್ಪುಟ್ನಿಕ್ 5 ಲಸಿಕೆ ಸೇಫ್ ಎಂದು ತಜ್ಞರು ಸಮಿತಿ ಶಿಫಾರಸು ಮಾಡಿದ ಬೆನ್ನಲ್ಲೇ, ಇವತ್ತು ಭಾರತೀಯ ಔಷಧಿ ನಿಯಂತ್ರಣ ಪ್ರಾಧಿಕಾರ ಡಿಜಿಸಿಎ ಸ್ಪುಟ್ನಿಕ್ 5ಗೆ ಗ್ರೀನ್ ಸಿಗ್ನಲ್ ನೀಡಿದೆ. ಈ ತಿಂಗಳ ಅಂತ್ಯದಲ್ಲಿ ಅಥವಾ ಮುಂದಿನ ತಿಂಗಳ ಆರಂಭದಲ್ಲಿ ಈ ಲಸಿಕೆ ಲಭ್ಯವಾಗಲಿದೆ. ಭಾರತದಲ್ಲಿ ಈ ಲಸಿಕೆಯನ್ನು 5 ಫಾರ್ಮಾ ಸಂಸ್ಥೆಗಳು ಉತ್ಪಾದಿಸಲಿದ್ದು, ವರ್ಷಾಂತ್ಯಕ್ಕೆ 85 ಕೋಟಿ ಲಸಿಕೆ ಉತ್ಪಾದನೆಯಾಗೋ ಗುರಿ ಇದೆ.
ಆದ್ರೆ ರಷ್ಯಾದ ಸ್ಪುಟ್ನಿಕ್ 5 ಲಸಿಕೆಯ ರೇಟ್ ಎಷ್ಟಿರುತ್ತೆ ಅನ್ನೋದು ದೊಡ್ಡ ವಿವಾದದ ವಿಚಾರ ಆಗ್ತಿದೆ. ಯಾಕಂದ್ರೆ ಅಂತಾರಾಷ್ಟ್ರೀಯ ಮಾರ್ಕೆಟ್ನಲ್ಲಿ ಸ್ಪುಟ್ನಿಕ್ 5ಗೆ ಒಂದು ಡೋಸ್ಗೆ 750 ರೂಪಾಯಿ ಇದೆ. ಆದ್ರೆ ಭಾರತದಲ್ಲಿ ಸದ್ಯ ಬಳಕೆಯಲ್ಲಿರೋ ಎರಡೂ ಲಸಿಕೆಗಳ ರೇಟು 250 ರೂಪಾಯಿ ಫಿಕ್ಸ್ ಮಾಡಲಾಗಿದೆ. ಈ ಬಗ್ಗೆ ಮಾತಾಡಿರೋ ಸ್ಪುಟ್ನಿಕ್ 5 ಕಂಡುಹಿಡಿದಿರೋ ರಷ್ಯಾದ ಆರ್ಡಿಐಎಫ್, ನಮಗೆ ಅಷ್ಟು ಕಮ್ಮಿ ರೇಟಿಗೆ ಕೊಡಕ್ಕಾಗಲ್ಲ ಅಂದಿದೆ. ನಮಗೆ ಭಾರೀ ಲಾಭ ಬರ್ಲಿ ಅಂತ ಕಾಯ್ತಿಲ್ಲ. ಬದಲಿಗೆ ಅಟ್ಲೀಸ್ಟ್ ಹಾಕಿದ ದುಡ್ದಾದ್ರೂ ಬರ್ಬೇಕಲ ಅಂತ ಹೇಳಿದ್ದಾರೆ ಆರ್ಡಿಐಎಫ್ನ ಕಿರಿಲ್ ಡಿಮಿಟ್ರೀ.
-masthmagaa.com
Contact Us for Advertisement