masthmagaa.com:
ಭಾರತ-ಆಸ್ಟ್ರೇಲಿಯಾ ನಡುವೆ ಸಿಡ್ನಿಯಲ್ಲಿ ನಡೆದ 3ನೇ ಟೆಸ್ಟ್ ಡ್ರಾ ಆಗಿದೆ. ಗೆಲ್ಲಲು 407 ರನ್ ಟಾರ್ಗೆಟ್ ಬೆನ್ನಟ್ಟಿದ ಭಾರತ ಎರಡನೇ ಇನ್ನಿಂಗ್ಸ್ನಲ್ಲಿ 5 ವಿಕೆಟ್ ಕಳೆದುಕೊಂಡು 334 ರನ್ ಗಳಿಸಲಷ್ಟೇ ಶಕ್ತವಾಯ್ತು. ಟೀಂ ಇಂಡಿಯಾ ಪರ ರಿಷಬ್ ಪಂತ್ ಟೆಸ್ಟ್ನಲ್ಲಿ ಒಂಡೇ ರೀತಿ ಹೊಡಿಬಡಿ ಆಟವಾಡಿದ್ರು. 118 ಬಾಲ್ ಆಡಿದ ಪಂತ್ 97 ರನ್ ಸಿಡಿಸಿ ಮಿಂಚಿದ್ರು. ಇದರಲ್ಲಿ 3 ಸಿಕ್ಸ್, 12 ಫೋರ್ ಸೇರಿದೆ. ಪಂತ್ ಇನ್ನೊಂದು ಸ್ವಲ್ಪ ಹೊತ್ತು ಕ್ರೀಸ್ನಲ್ಲಿ ನಿಂತಿದ್ರೆ ಟೀಂ ಇಂಡಿಯಾ ಈ ಪಂದ್ಯ ಗೆಲ್ಲೋ ಚಾನ್ಸಸ್ ಜಾಸ್ತಿ ಇತ್ತು. ಪಂತ್ಗೆ ಉತ್ತಮ ಸಾಥ್ ನೀಡಿದ ಪೂಜಾರ 77 ರನ್ ಬಾರಿಸಿ ಔಟಾದ್ರು. ಪಂತ್ ಮತ್ತು ಪೂಜಾರ ವಿಕೆಟ್ ಕಳೆದುಕೊಂಡು ಸೋಲಿನ ದವಡೆಗೆ ಸಿಲುಕಿದ್ದ ಟೀಂ ಇಂಡಿಯಾವನ್ನ ಸೇವ್ ಮಾಡಿದ್ದು ಹನುಮ ವಿಹಾರಿ ಮತ್ತು ಆರ್. ಅಶ್ವಿನ್. ಇವರಿಬ್ಬರು ಸೇರಿ ಪಂದ್ಯವನ್ನ ಡ್ರಾ ಮಾಡಿದ್ರು. ಹನುಮ ವಿಹಾರಿ 161 ಎಸೆತಗಳಲ್ಲಿ 23 ರನ್ ಮತ್ತು ಅಶ್ವಿನ್ 128 ಎಸೆತಗಳಲ್ಲಿ 39 ರನ್ ಸಿಡಿಸಿ ಅಜೇಯರಾಗಿ ಉಳಿದ್ರು. 4 ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 3 ಪಂದ್ಯಗಳು ಮುಗಿದಿದ್ದು ಎರಡೂ ತಂಡಗಳು ಒಂದೊಂದು ಮ್ಯಾಚ್ ಗೆದ್ದಿವೆ. 4ನೇ ಮತ್ತು ಕೊನೇ ಟೆಸ್ಟ್ ಜನವರಿ 15ರಿಂದ ಬ್ರಿಸ್ಬೇನ್ನಲ್ಲಿ ಆರಂಭವಾಗಲಿದೆ.
ಆಸ್ಟ್ರೇಲಿಯಾ: 338 & 312/6
ಭಾರತ: 244 & 334/5
-masthmagaa.com
Contact Us for Advertisement