masthmagaa.com:
ಭಾರತ-ಆಸ್ಟ್ರೇಲಿಯಾ ನಡುವಿನ 2ನೇ ಟೆಸ್ಟ್ನಲ್ಲಿ ಟೀಂ ಇಂಡಿಯಾ ಗೆಲುವಿನತ್ತ ದಾಪುಗಾಲು ಹಾಕಿದಂತೆ ಕಾಣ್ತಿದೆ. ಮೊದಲ ಇನ್ನಿಂಗ್ಸ್ನಲ್ಲಿ ನಿನ್ನೆ 277 ರನ್ಗೆ 5 ವಿಕೆಟ್ ಕಳೆದುಕೊಂಡಿದ್ದ ಭಾರತ ಮೂರನೇ ದಿನವಾದ ಇವತ್ತು ಬ್ಯಾಟಿಂಗ್ ಮುಂದುವರಿಸಿ 326 ರನ್ಗೆ ಆಲೌಟ್ ಆಯ್ತು. ನಂತರ ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಆಸ್ಟ್ರೇಲಿಯಾ 3ನೇ ದಿನದಾಟದ ಅಂತ್ಯಕ್ಕೆ 133 ರನ್ಗೆ 6 ವಿಕೆಟ್ ಕಳೆದುಕೊಂಡಿದೆ. ಈ ಮೂಲಕ ಮೊದಲ ಇನ್ನಿಂಗ್ಸ್ನಲ್ಲಿ 195 ರನ್ಗೆ ಆಲೌಟ್ ಆಗಿದ್ದ ಆಸ್ಟ್ರೇಲಿಯಾ ಎರಡನೇ ಇನ್ನಿಂಗ್ಸ್ನಲ್ಲಿ ಕೇವಲ 2 ರನ್ ಮುನ್ನಡೆ ಸಾಧಿಸಿದಂತಾಗಿದೆ. ಅಲ್ಲದೆ ಇನ್ನು ಉಳಿದಿರೋದು 4 ವಿಕೆಟ್ ಮಾತ್ರ. ಆಸ್ಟ್ರೇಲಿಯಾವನ್ನ ಬೇಗ ಆಲೌಟ್ ಮಾಡಿದ್ರೆ ಟೀಂ ಇಂಡಿಯಾಗೆ ಗೆಲುವು ಮತ್ತಷ್ಟು ಸುಲಭವಾಗಲಿದೆ. ಆದ್ರೆ ಕ್ರೀಸ್ನಲ್ಲಿರುವ ಕೆಮರೂನ್ ಗ್ರೀನ್ ಮತ್ತು ಪ್ಯಾಟ್ ಕಮಿನ್ಸ್ ಇಬ್ಬರೂ ಕೂಡ 50ಕ್ಕೂ ಹೆಚ್ಚು ಬಾಲ್ಗಳನ್ನ ಆಡಿ ಸೆಟ್ ಆಗಿದ್ದಾರೆ. ಈ ಪಾರ್ಟನರ್ಶಿಪ್ ಅನ್ನ ಮುರಿಯಬೇಕಿದೆ. ಭಾರತ ಪರ ಇವತ್ತು ರವೀಂದ್ರ ಜಡೇಜ 2 ಮತ್ತು ಉಳಿದ ಬೌಲರ್ಗಳು ತಲಾ ಒಂದೊಂದು ವಿಕೆಟ್ ಪಡೆದು ಮಿಂಚಿದ್ರು. ಒಂದ್ವೇಳೆ ಟೀಂ ಇಂಡಿಯಾ ಈ ಟೆಸ್ಟ್ ಗೆದ್ರೆ 4 ಪಂದ್ಯಗಳ ಟೆಸ್ಟ್ ಸರಣಿ 1-1 ಸಮಬಲವಾಗಲಿದೆ.
ಆಸ್ಟ್ರೇಲಿಯಾ: 195 ಮತ್ತು 133/6
ಭಾರತ : 326
-masthmagaa.com
Contact Us for Advertisement