masthmagaa.com:
ಭಾರತ-ಚೀನಾ ನಡುವೆ ಕಳೆದೊಂದು ವರ್ಷದಿಂದ ಸಂಘರ್ಷ ನಡೀತಿದ್ದ ಪೂರ್ವ ಲಡಾಖ್ನಲ್ಲಿ ಎರಡೂ ದೇಶದ ಸೇನೆಗಳು ನಿನ್ನೆಯಿಂದ ಡಿಸ್ಎಂಗೇಜ್ಮೆಂಟ್ ಪ್ರೋಸೆಸ್ ಶುರು ಮಾಡಿವೆ.. ಅಂದ್ರೆ ಸೇನೆಯನ್ನ ಹಿಂದಕ್ಕೆ ಕರೆಸಿಕೊಳ್ಳೋದು ಅಂತ ಹೇಳ್ಬೋದು. ಈ ಡಿಸ್ಎಂಗೇಜ್ಮೆಂಟ್ ಪ್ರೋಸೆಸ್ ಹೇಗೆ ನಡೆಯುತ್ತೆ, ಅಲ್ಲಿನ ಪರಿಸ್ಥಿತಿ ಹೇಗಿದೆ ಅನ್ನೋದನ್ನ ನೋಡೋ ಕುತೂಹಲ ಸಾಕಷ್ಟು ಜನರಿಗೆ ಇರುತ್ತೆ. ಈ ಡಿಸ್ಎಂಗೇಜ್ಮೆಂಟ್ ಪ್ರೋಸೆಸ್ನ ವಿಡಿಯೋವನ್ನ ಭಾರತೀಯ ಸೇನೆ ಬಿಡುಗಡೆ ಮಾಡಿದೆ. ಒಂದೂಕಾಲು ನಿಮಿಷದ ಈ ವಿಡಿಯೋದಲ್ಲಿ, ಭಾರತ ಮತ್ತು ಚೀನಾ ಯೋಧರು, ಸೇನಾಧಿಕಾರಿಗಳು ಎದುರು-ಬದುರು ನಿಂತ್ಕೊಂಡು ಮೊದಲು ಸೆಲ್ಯೂಟ್ ಹೊಡೀತಾರೆ. ಕೊರೋನಾ ಹಿನ್ನೆಲೆ ಎಲ್ಲರೂ ಮಾಸ್ಕ್ ಧರಿಸಿದ್ದಾರೆ. ನಂತ್ರ ಉಭಯ ದೇಶಗಳ ಸೇನಾಧಿಕಾರಿಗಳು ಒಂದು ಬುಕ್ನಲ್ಲಿ ಸಹಿ ಹಾಕಿ ಪರಸ್ಪರ ಹಸ್ತಲಾಘವ ಮಾಡ್ತಾರೆ. ಇದಾದ ಬಳಿಕ ಚೀನಾದ ಪೀಪಲ್ಸ್ ಲಿಬರೇಷನ್ ಆರ್ಮಿಯ (PLA) ಮೊದಲ ಟ್ಯಾಂಕ್ ಯು-ಟರ್ನ್ ಹೊಡೆದು ವಾಪಸ್ ಹೊಗುತ್ತೆ. ನಂತ್ರ ಚೀನಾದ ಎರಡನೇ ಟ್ಯಾಂಕ್ ಹಿಂದಕ್ಕೆ ಹೋಗುತ್ತೆ. ಅದಾದ ಬಳಿಕ ಭಾರತದ ಟ್ಯಾಂಕ್ ವಾಪಸ್ ಹೋಗುತ್ತೆ. ಕೊನೆಗೆ ಚೀನಾದ ಮೂರನೇ ಟ್ಯಾಂಕ್ ವಾಪಸ್ ಹೋಗೋದನ್ನ ತೋರಿಸಲಾಗಿದೆ.
-masthmagaa.com
Contact Us for Advertisement