masthmagaa.com:
ಅಮೆರಿಕ ಮೂಲದ ಓರ್ವ ಪತ್ರಕರ್ತನನ್ನು ಮಯನ್ಮಾರ್ನಲ್ಲಿ ವಶಕ್ಕೆ ಪಡೆಯಲಾಗಿದೆ. ಮಯನ್ಮಾರ್ನಲ್ಲಿ ಮಿಲಿಟರಿ ಆಡಳಿತ ವಿರುದ್ಧ ಹೋರಾಟ ನಾಗರಿಕ ಯುದ್ಧದ ರೂಪ ಪಡೀತಿರೋ ಬೆನ್ನಲ್ಲೇ ಅಮೆರಿಕ ಮೂಲದ ಪತ್ರಕರ್ತ ಡ್ಯಾನಿ ಫೆನ್ಸ್ಟರ್ ದೇಶ ತೊರೆಯಲು ಯತ್ನಿಸಿದ್ರು. ಇದಕ್ಕಾಗಿ ಯಾಂಗೋನ್ ವಿಮಾನ ನಿಲ್ದಾಣಕ್ಕೂ ಹೋಗಿದ್ರು. ಆದ್ರೆ ಈ ವೇಳೆ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ. ಫ್ರಂಟಿಯರ್ ಮಯನ್ಮಾರ್ ಅನ್ನೋ ಮ್ಯಾಗ್ಜೀನ್ನಲ್ಲಿ ಡ್ಯಾನಿ ಕೆಲಸ ಮಾಡ್ತಿದ್ರು. ಈ ಬಗ್ಗೆ ಮಾಹಿತಿ ನೀಡಿರೋ ಫ್ರಂಟಿಯಾರ್ ಮಯನ್ಮಾರ್, ಡ್ಯಾನಿಯನ್ನು ಯಾಕೆ ಅರೆಸ್ಟ್ ಮಾಡಿದ್ದಾರೆ ಅಂತ ಗೊತ್ತಿಲ್ಲ. ಅವರನ್ನ ಸಂಪರ್ಕಿಸಲು ಸಾಧ್ಯವಾಗ್ತಿಲ್ಲ. ಡ್ಯಾನಿಯನ್ನು ಕೂಡಲೇ ಬಿಡುಗಡೆ ಮಾಡಬೇಕು ಅಂತ ಒತ್ತಾಯಿಸಿದೆ. ಮಯನ್ಮಾರ್ನಲ್ಲಿ ಫೆಬ್ರವರಿಯಲ್ಲಿ ಮಿಲಿಟರಿ ಕ್ಷಿಪ್ರಕ್ರಾಂತಿಯಾದ ಬಳಿಕ ಹಿಂಸಾಚಾರ ಮುಂದುವರಿದುಕೊಂಡೇ ಬಂದಿದೆ. ಈವರೆಗೆ ಸುಮಾರು 34 ಮಂದಿ ಪತ್ರಕರ್ತರನ್ನು ಮಯನ್ಮಾರ್ ಮಿಲಿಟರಿ ಸರ್ಕಾರ ಬಂಧನದಲ್ಲಿಟ್ಟಿದೆ. ಅದೇ ರೀತಿ ಡ್ಯಾನಿ ಫೆನ್ಸ್ಟರ್ರನ್ನು ಕೂಡ ಯಾಂಗೋನ್ನ ಜೈಲಲ್ಲಿ ಇಟ್ಟಿರೋ ಸಾಧ್ಯತೆ ಇದೆ. ಇವರು ಅಮೆರಿಕ ಪ್ರಜೆಯಾಗಿರೋದ್ರಿಂದ ಅಮೆರಿಕ ಯಾವ ರೀತಿ ಪ್ರತಿಕ್ರಿಯಿಸುತ್ತೆ ಅಂತ ಕಾದು ನೋಡಬೇಕು.
-masthmagaa.com
Contact Us for Advertisement