masthmagaa.com:
ಅಮೆರಿಕ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ 1 ಗಂಟೆ 25 ನಿಮಿಷಗಳವರೆಗೆ ಅಮೆರಿಕ ಅಧ್ಯಕ್ಷರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಅಧ್ಯಕ್ಷ ಜೋ ಬೈಡೆನ್ ರೊಟೀನ್ ಮೆಡಿಕಲ್ ಚೆಕಪ್ಗಾಗಿ ಅನಸ್ತೇಷಿಯಾಗೆ ಒಳಗಾಗಿದ್ರು. ಇದಕ್ಕೂ ಮುನ್ನ ಅಂದ್ರೆ ಅಮೆರಿಕದ ಟೈಮಿಂಗ್ಸ್ನಲ್ಲಿ ಬೆಳಗ್ಗೆ 10.10ಕ್ಕೆ ಕಮಲಾ ಹ್ಯಾರಿಸ್ಗೆ ಎಲ್ಲಾ ಅಧಿಕಾರವನ್ನು ಹಸ್ತಾಂತರ ಮಾಡಿದ್ರು. ನಂತರ ಅನಸ್ತೇಷಿಯಾದಿಂದ ಹೊರಬಂದ ಬಳಿಕ ಅಂದ್ರೆ 11.35ಕ್ಕೆ ಪುನಃ ಅಧಿಕಾರ ಸ್ವೀಕರಿಸಿದ್ದಾರೆ. ಈ ಅವಧಿಯಲ್ಲಿ ಕಮಲಾ ಹ್ಯಾರಿಸ್ ಅಧ್ಯಕ್ಷರಾಗಿ ಕೆಲಸ ಮಾಡಿದ್ದಾರೆ ಅಂತ ವೈಟ್ ಹೌಸ್ ಹೇಳಿಕೆ ಬಿಡುಗಡೆ ಮಾಡಿದೆ. ಇನ್ನು ಚೆಕಪ್ ಬಗ್ಗೆ ಪ್ರತಿಕ್ರಿಯಿಸಿರೋ ವೈಟ್ ಹೌಸ್ ವೈದ್ಯ ಕೇವಿನ್ ಒ ಕೊನ್ನರ್, ಅಧ್ಯಕ್ಷ ಜೋ ಬೈಡೆನ್ ಆರೋಗ್ಯಕರವಾಗಿದ್ದಾರೆ. ಅಧ್ಯಕ್ಷ ಹುದ್ದೆಯನ್ನು ಯಶಸ್ವಿಯಾಗಿ ನಿಭಾಯಿಸಲು ಶಕ್ತರಾಗಿದ್ದಾರೆ ಅಂತ ಹೇಳಿದ್ದಾರೆ. ಜೊತೆಗೆ ಒಂದು ವರ್ಷದ ಹಿಂದೆ ಜೋ ಬೈಡೆನ್ ನಿಧಾನವಾಗಿ ನಡೆಯೋದು, ಮಾತನಾಡುವಾಗ ಕೆಮ್ಮೋದು ತುಂಬಾ ಚರ್ಚೆಗೆ ಕಾರಣವಾಗಿತ್ತು. ಆದ್ರೆ ಇದೇನೂ ಆತಂಕದ ವಿಚಾರವಲ್ಲ. ಹೃದಯ ವೈಫಲ್ಯದ ಸಂಕೇತ ಇಲ್ಲ. ಹಲ್ಲಿನ ಸಮಸ್ಯೆಯಿಲ್ಲ. ಚರ್ಮ, ಕಣ್ಣು ಕೂಡ ಆರೋಗ್ಯಕರವಾಗಿದೆ ಅಂತ ವೈದ್ಯರು ಸರ್ಟಿಫಿಕೇಟ್ ಕೊಟ್ಟಿದ್ದಾರೆ.
-masthmagaa.com
Contact Us for Advertisement