masthmagaa.com
ಬೆಂಗಳೂರು: ಮಾಲ್, ಥಿಯೇಟರ್, ಪಬ್, ಕ್ಲಬ್ ಬಳಿಕ ಕರ್ನಾಟಕ ಹೈಕೋರ್ಟ್ಗೂ ಕೊರೋನಾ ಬಿಸಿ ತಾಗಿದೆ. ಇವತ್ತು ಕೋರ್ಟ್ನ ಹಾಲ್ ನಂಬರ್ 1ರಲ್ಲಿ ವಕೀಲರೊಬ್ಬರು ಮಾಸ್ಕ್ ಧರಿಸಿಕೊಂಡು ವಾದ ಮಂಡನೆ ಮಾಡುತ್ತಿದ್ದರು. ಈ ವೇಳೆ ನ್ಯಾಯಾಧೀಶರು, ಮಾಸ್ಕ್ ಧರಿಸಿ ಯಾಕೆ ವಾದ ಮಂಡಿಸುತ್ತಿದ್ದೀರಿ ಎಂದು ಪ್ರಶ್ನಿಸಿದ್ರು. ಈ ವೇಳೆ ಸಮಜಾಯಿಷಿ ನೀಡಿದ ವಕೀಲರು, ವಿದೇಶದಿಂದ ಬಂದಿದ್ದ ಸ್ನೇಹಿತರಿಬ್ಬರು ನನ್ನನ್ನು ಭೇಟಿಯಾಗಿದ್ರು. ನಂತರದಲ್ಲಿ ಅವರಿಗೆ ಕೊರೋನಾ ವೈರಸ್ ಇರೋದು ಪತ್ತೆಯಾಗಿದೆ. ಹೀಗಾಗಿ ಮುಂಜಾಗ್ರತೆ ಕ್ರಮವಾಗಿ ಮಾಸ್ಕ್ ಧರಿಸಿ ಬಂದಿದ್ದೇನೆ ಎಂದಿದ್ದಾರೆ. ಆಗ ನ್ಯಾಯಾಧೀಶರು, ನೀವು ವಾದ ಮಂಡಿಸೋದನ್ನು ನಿಲ್ಲಿಸಿ, ಕೂಡಲೇ ಕೋರ್ಟ್ ಹಾಲ್ನಿಂದ ಹೊರಹೋದ್ರೆ ಅದೇ ಮುನ್ನೆಚ್ಚರಿಕೆ ಎಂದಿದ್ದಾರೆ. ಆಗ ವಕೀಲರು ವಾದ ಮಂಡನೆ ನಿಲ್ಲಿಸಿ, ಸೀದಾ ಕೋರ್ಟ್ ಹಾಲ್ನಿಂದ ಹೊರನಡೆದಿದ್ದಾರೆ ಅಂತ ತಿಳಿದುಬಂದಿದೆ.
masthmagaa.com
Contact Us for Advertisement