masthmagaa.com:
ಜಗತ್ತಿಗೆ ಕೊರೊನಾ ಸೇರಿದಂತೆ ಹಲವು ರೋಗಗಳನ್ನ ನೀಡಿ ಜನರು ತತ್ತರಿಸಿ ಹೋಗುವಂತೆ ಮಾಡಿರೊ ಚೀನಾ ಈಗ ತನ್ನ ಕುಚಿಕು ದೋಸ್ತ್‌ ಪಾಕಿಸ್ತಾನ್‌ ಜೊತೆ ಸೇರಿ ಮತ್ತೊಂದು ಸಂಚು ನಡೆಸುತ್ತಿದೆ ಅಂತ ವರದಿಯಾಗಿದೆ. ಹೌದು ಎರಡು ದೇಶಗಳು ಸೇರಿ ಮತ್ತೊಂದು ಭಯಾನಕ ವೈರಸ್‌ ಕುರಿತು ಸಂಶೋಧನೆ ಮಾಡ್ತಿವೆ ಅಂತ ಸುದ್ದಿಗಳು ಕೇಳಿ ಬಂದಿವೆ. ಪಾಕ್‌ನ ರಾವಲ್‌ಪಿಂಡಿ ಬಳಿ ಈ ಬಯೋವೆಪನ್‌ ಅಥ್ವಾ ಜೈವಿಕ ಶಸ್ತ್ರಾಸ್ತ್ರದ ಬಗ್ಗೆ ರಿಸರ್ಚ್‌ ನಡೆಸ್ತಿವೆ ಅಂತ ಮಾಧ್ಯಮಗಳು ವರದಿ ಮಾಡಿವೆ. ಚೀನಾದ ವುಹಾನ್ ಇನ್‌ಸ್ಟಿಟ್ಯುಟ್‌ ಆಫ್‌ ವೈರಾಲಜಿ ಮತ್ತು ಪಾಕ್‌ ಸೇನಾ ಮಾಲೀಕತ್ವದ ಡಿಫೆನ್ಸ್‌ ಸೈನ್ಸ್‌ ಆಂಡ್‌ ಟೆಕ್ನಾಲಜಿ ಆರ್ಗನೈಸೇಶನ್‌ (DSTO) ಸಂಸ್ಥೆಗಳು ಸೇರಿ ಪಾಕ್‌ನಲ್ಲಿ ಅಡ್ವಾನ್ಸ್ಡ್‌ ಆಗಿರೊ ವೈಜ್ಞಾನಿಕ ಘಟಕ ಒಂದನ್ನ ನಿರ್ಮಿಸಿವೆ. ಇಲ್ಲಿ ಈ ಭಯಾನಕ ಪ್ಯಾಥೊಜನ್‌ಗಳು ಅಂದ್ರೆ ಅಪಾಯಕಾರಿ ವೈರಸ್‌ಗಳ ಬಗ್ಗೆ ಸಂಶೋಧನೆಗಳನ್ನ ನಡೆಸಲಾಗ್ತಿದೆ ಅಂತ ಮೂಲಗಳು ತಿಳಿಸಿವೆ. ಅಂದ್ಹಾಗೆ ಮೂರು ವರ್ಷದ ಹಿಂದೆ ಕೊರೊನಾ ಮಾಹಾಮಾರಿಯನ್ನ ಕೂಡ ಇದೇ ರೀತಿ ಚೀನಾ ವಿಶ್ವಕ್ಕೆ ನೀಡಿತ್ತು. ಆವಾಗ್ಲೂ ಕೂಡ ಚೀನಾದ ಲ್ಯಾಬ್‌ ಒಂದ್ರಲ್ಲಿ ರಿಸರ್ಚ್‌ ಮಾಡೋವಾಗ ವೈರಸ್‌ ಹರಡಿತ್ತು ಅಂತ ಸುದ್ದಿಗಳು ಕೇಳಿ ಬಂದಿದ್ವು. ಈಗ ಮತ್ತ ಅದೇ ಕೆಲಸ ಮಾಡೋಕೆ ಉಭಯ ದೇಶಗಳು ಮುಂದಾಗಿರೋ ರೀತಿ ಕಾಣ್ತಿದೆ.
-masthmagaa.com
Contact Us for Advertisement