masthmagaa.com:
ಸೈಕಲ್ ರೇಸ್ ನೋಡೋಕೆ ಅಂತ ಹೋಗಿದ್ದ ಪ್ರೇಕ್ಷಕಿಯೊಬ್ಬಳು ಗೊತ್ತಿಲ್ಲದೇ ಮಾಡಿದ ಯಡವಟ್ಟಿಗೆ ಈಗ ಜೈಲು ಸೇರಿದ್ದಾಳೆ. ಅಂದ್ಹಾಗೆ ಆಗಿದ್ದು ಇಷ್ಟೇ.. ಜೂನ್ 24ರಂದು ಫ್ರಾನ್ಸ್ನಲ್ಲಿ ಟೂರ್ ಡೆ ಫ್ರಾನ್ಸ್ ಅನ್ನೋ ಸೈಕಲ್ ರೇಸ್ನ ಮೊದಲ ಹಂತ ನಡೀತಿತ್ತು. ಜಗತ್ತಿನಲ್ಲಿ ನಡೆಯೋ ಅತಿದೊಡ್ಡ ಸೈಕ್ಲಿಂಗ್ ಈವೆಂಟ್ ಅಂದ್ರೆ ಅದು ಟೂರ್ ಡೆ ಫ್ರಾನ್ಸ್. ಇಷ್ಟುದೊಡ್ಡ ಈವೆಂಟ್ ವೇಳೆ ಪ್ರೇಕ್ಷಕಿಯೊಬ್ಬಳು ರಟ್ಟಿನ ಭಿತ್ತಿಪತ್ರ ಇಟ್ಕೊಂಡು ಕ್ಯಾಮರಾಗೆ ಪೋಸ್ ನೀಡ್ತಾ ಇದ್ಳು. ಆದ್ರೆ ಆಕೆಯ ಭಿತ್ತಿಪತ್ರ ಸೈಕ್ಲಿಸ್ಟ್ಗಳ ಟ್ರಾಕ್ಗೆ ಸ್ವಲ್ಪ ಅಡ್ಡ ಬಂದಿತ್ತು. ಅದೇ ಟೈಮಲ್ಲಿ ಸೈಕ್ಲಿಸ್ಟ್ಗಳ ಗುಂಪು ಅಲ್ಲಿಗೆ ಬಂದಿದೆ. ಆಗ ಒಬ್ಬ ಸೈಕ್ಲಿಸ್ಟ್ಗೆ ಆಕೆ ಇಟ್ಕೊಂಡಿದ್ದ ಕಾರ್ಡ್ಬೋರ್ಡ್ ಸೈನ್ ತಾಗಿ ಆತ ಅಲ್ಲೇ ಅಡ್ಡ ಬಿದ್ದಿದ್ದಾನೆ. ಇದರ ಬೆನ್ನಲ್ಲೇ ಆತ ಹಿಂದೆ ಇದ್ದೋರೆಲ್ಲಾ ಒಬ್ಬರಾದ ಮೇಲೊಬ್ಬರಂತೆ ಬಿದ್ದಿದ್ದಾರೆ. ಇದೀಗ ಆಕೆಯ ಮೇಲೆ ಬೇರೆಯವರ ಜೀವವನ್ನ ಅಪಾಯಕ್ಕೆ ತಳ್ಳಿದ ಕೇಸ್ನಲ್ಲಿ ಅರೆಸ್ಟ್ ಮಾಡಲಾಗಿದೆ.
-masthmagaa.com
Contact Us for Advertisement