masthmagaa.com:
ಯುಕ್ರೇನ್-ರಷ್ಯಾ ಬಡಿದಾಟದಲ್ಲಿ ನ್ಯೂಕ್ಲಿಯರ್ ಪ್ಲಾಂಟ್ಗಳಿಗೆ ಹಾನಿಯಾಗಿ, ದೊಡ್ಡ ದುರಂತಕ್ಕೆ ಏನಾದ್ರೂ ಆಹ್ವಾನ ಕೊಡ್ತಾರಾ ಅನ್ನೋ ಆತಂಕ ಹೆಚ್ಚಾಗ್ತಿದೆ. ಯಾಕಂದ್ರೆ ಯುದ್ಧದಲ್ಲಿ ಯುಕ್ರೇನ್ನ ಎರಡನೇ ಪರಮಾಣು ಸಂಸ್ಥೆಗೆ ಡ್ಯಾಮೇಜ್ ಆಗಿದೆ ಅಂತ ಇಂಟರ್ನ್ಯಾಷನಲ್ ಆಟೊಮಿಕ್ ಎನರ್ಜಿ ಏಜೆನ್ಸಿ ಹೇಳಿದೆ. ಖಾರ್ಕಿವ್ ನಗರದಲ್ಲಿ ವೈದ್ಯಕೀಯ ಮತ್ತು ಕೈಗಾರಿಕಾ ಉದ್ದೇಶಕ್ಕೆ ರೇಡಿಯೋಐಸೋಟೋಪ್ಗಳನ್ನ ಉತ್ಪಾದಿಸುತ್ತಿದ್ದ Kharkiv Institute of Physics and Technology ಹಾನಿಯಾಗಿದೆ. ಅದೃಷ್ಟವಶಾತ್ ಘಟಕದಲ್ಲಿದ್ದ ರೇಡಿಯೋಆ್ಯಕ್ಟಿವ್ ಮೆಟೀರಿಯಲ್ ಪ್ರಮಾಣ ಕಮ್ಮಿ ಇದ್ದಿದ್ದರಿಂದ ರೇಡಿಯೇಷನ್ ಲೆವೆಲ್ ಏರಿಕೆ ಕಂಡಿಲ್ಲ ಅಂತ ಇಂಟರ್ನ್ಯಾಷನಲ್ ಆಟೊಮಿಕ್ ಎನರ್ಜಿ ಏಜೆನ್ಸಿ ಹೇಳಿದೆ. ಈ ಹಿಂದೆ ಯುರೋಪ್ನ ಅತಿದೊಡ್ಡ ಪರಮಾಣು ಘಟಕವಾಗಿದ್ದ ಝಪೊರಿಝಿಯಾ ಮೇಲೆಯೂ ದಾಳಿ ನಡೆದಿತ್ತು. ಅಲ್ಲದೆ ಶಾಶ್ವತವಾಗಿ ಬಂದ್ ಆಗಿರೋ ಚೆರ್ನೊಬಿಲ್ ನ್ಯೂಕ್ಲಿಯರ್ ಪ್ಲಾಂಟ್ ಕೂಡ ರಷ್ಯಾ ಸೇನೆಯ ಕಂಟ್ರೋಲ್ನಲ್ಲಿದೆ. ಅಲ್ಲಿ ಕೆಲಸ ಮಾಡ್ತಿರೋ ಸಿಬ್ಬಂದಿಯನ್ನ ಹೊರಗೆ ಹೋಗೋಕೂ ಬಿಡ್ತಿಲ್ಲ ರಷ್ಯಾ ಸೇನೆ. ಅವರು ಹೊರಗೆ ಬರದೇ 13 ಆಯ್ತು. ಅವರಿಗೆ ಸರಿಯಾದ ಆಹಾರ ಕೂಡ ಕೊಡ್ತಿಲ್ಲ ಅನ್ನೋ ಆರೋಪ ಇದೆ. ಅಲ್ಲಿ ನಿಯೋಜನೆಗೊಂಡಿದ್ದ ಸುಮಾರು 200 ಯುಕ್ರೇನ್ ಗಾರ್ಡ್ಸ್ ಕೂಡ ರಷ್ಯಾ ವಶದಲ್ಲಿದ್ದಾರೆ. ಆದ್ರೆ ರಷ್ಯಾ ಮಾತ್ರ ನಾವು ಮತ್ತು ಯುಕ್ರೇನ್ ಗಾರ್ಡ್ಸ್ ಇಬ್ಬರೂ ಜಂಟಿಯಾಗಿ ಚೆರ್ನೋಬಿಲ್ ಸೈಟ್ಗೆ ರಕ್ಷಣೆ ಕೊಡ್ತಿದ್ದೀವಿ ಅಂತೇಳ್ತಿದೆ.
-masthmagaa.com
Contact Us for Advertisement