masthmagaa.com:
ಪಶ್ಚಿಮ ಆಫ್ರಿಕಾದ ದೇಶವಾದ ಮಾಲಿಯಲ್ಲಿ ಸೈನಿಕರು ದಂಗೆ ಎದ್ದಿದ್ದು, ದೇಶದ ಹಂಗಾಮಿ ಅಧ್ಯಕ್ಷ ಬಾಹ್ ಎನ್ ದಾವ್ ಮತ್ತು ಪ್ರಧಾನಿ ಮೋಕ್ಟಾರ್ ಓವಾನೇಯನ್ನು ಅರೆಸ್ಟ್ ಮಾಡಿದ್ದಾರೆ. 9 ತಿಂಗಳ ಹಿಂದೆ ಬಂಡೆದಿದ್ದ ಸೇನೆ ಹಂಗಾಮಿ ಸರ್ಕಾರ ರಚಿಸಿ, ಅದ್ರಲ್ಲಿ ತನ್ನಿಬ್ಬರನ್ನು ನಿಯೋಜಿಸಿತ್ತು. ಆದ್ರೀಗ ಮಾಲಿ ಸರ್ಕಾರದಲ್ಲಿ ಕೆಲವೊಂದು ಬದಲಾವಣೆಗಳನ್ನು ಮಾಡಿ, ಕ್ಯಾಬಿನೆಟ್ನಿಂದ ಸೇನೆಗೆ ಸೇರಿದ ಇಬ್ಬರನ್ನು ಹೊರಹಾಕಲಾಗಿತ್ತು. ಅದ್ರ ಬೆನ್ನಲ್ಲೇ ಸೇನೆ ಬಂಡೆದ್ದು, ಅಧ್ಯಕ್ಷ ಮತ್ತು ಪ್ರಧಾನಿಯ ಜೊತೆಗೆ ರಕ್ಷಣಾ ಸಚಿವರನ್ನು ಕೂಡ ಅರೆಸ್ಟ್ ಮಾಡಿದೆ. ಆಫ್ರಿಕಾ ಯೂನಿಯನ್ ಮತ್ತು ವಿಶ್ವಸಂಸ್ಥೆ ಈ ಬಗ್ಗೆ ಮಾಹಿತಿ ನೀಡಿದೆ. ಅಂತಾಷ್ಟ್ರೀಯ ಸಮುದಾಯ ಈಗಾಗಲೇ ಮಾಲಿ ಸೇನೆ ಅಧ್ಯಕ್ಷ ಬಾಹ್ ಎನ್ ದಾವ್ ಮತ್ತು ಪ್ರಧಾನಿ ಮೋಕ್ಟಾರ್ ಓವಾನೇಯನ್ನು ಬಿಡುಗಡೆಗೊಳಿಸಬೇಕು.. ಒಂದ್ವೇಳೆ ಮಿಲಿಟರಿ ಸರ್ಕಾರ ಅವರಿಬ್ಬರ ಬಳಿ ರಾಜೀನಾಮೆ ಕೊಡಿಸಿದ್ರೂ ಅದನ್ನು ಒಪ್ಪಿಕೊಳ್ಳೋದಿಲ್ಲ ಅಂತ ಕರೆ ಕೊಟ್ಟಿದೆ. ಸದ್ಯ ಅಧ್ಯಕ್ಷ ಪ್ರಧಾನಿ ಇಬ್ಬರನ್ನೂ ಸೇನೆಯ ಮುಖ್ಯ ಕಚೇರಿಯಲ್ಲಿ ಇರಿಸಲಾಗಿದೆ. ಈ ಹಿಂದೆ ದಂಗೆ ಎದ್ದಿದ್ದ ಸೇನೆ ಅಂತಾರಾಷ್ಟ್ರೀಯ ಒತ್ತಡದ ಬಳಿಕ ಕಳೆದ ಡಿಸೆಂಬರ್ನಲ್ಲಿ ಸರ್ಕಾರ ರಚಿಸಿ, ಬಾಹ್ ಎನ್ ದಾವ್ರನ್ನು ಅಧ್ಯಕ್ಷ ಮತ್ತು ಮೋಕ್ಟಾರ್ ಓವಾನೇಯನ್ನು ಪ್ರಧಾನಿಯನ್ನಾಗಿ ಮಾಡಿತ್ತು. ಮಾಲಿಯಲ್ಲಿ ಶಾಂತಿ ಸ್ಥಾಪನೆಗೆ ವಿಶ್ವಸಂಸ್ಥೆ ಪ್ರತಿ ವರ್ಷ 1.2 ಬಿಲಿಯನ್ ಡಾಲರ್ ಅಂದ್ರೆ ಸುಮಾರು 8ರಿಂದ 9 ಸಾವಿರ ರೂಪಾಯಿ ಖರ್ಚು ಮಾಡ್ತಿದೆ. ಅಲ್ಲಿನ ಸ್ಥಿತಿ ನೋಡಿದ್ರೆ ಹೀಗೆ..
-masthmagaa.com
Contact Us for Advertisement