masthmagaa.com:
ಕೇಂದ್ರ ಸರ್ಕಾರದ 3 ಕೃಷಿ ಕಾನೂನುಗಳಿಗೆ ವಿಶ್ವದ ದೊಡ್ಢಣ್ಣ ಅಮೆರಿಕ ಬೆಂಬಲ ಸೂಚಿಸಿದೆ. ಹೊಸ ಕಾನೂನುಗಳಿಂದ ಭಾರತದ ಮಾರುಕಟ್ಟೆಗಳ ದಕ್ಷತೆ ಸುಧಾರಿಸುತ್ತೆ, ಹೆಚ್ಚೆಚ್ಚು ಖಾಸಗಿ ಬಂಡವಾಳವನ್ನ ಅಟ್ರಾಕ್ಟ್ ಮಾಡುತ್ತೆ ಅಂತ ಹೇಳಿದೆ. ಅಟ್ ದಿ ಸೇಮ್ ಟೈಂ, ಶಾಂತಿಯುತ ಪ್ರತಿಭಟನೆಯು ಪ್ರವರ್ಧಮಾನಕ್ಕೆ ಬರುತ್ತಿರುವ ಪ್ರಜಾಪ್ರಭುತ್ವದ ಲಕ್ಷಣವಾಗಿದೆ. ಭಾರತದ ಸುಪ್ರೀಂಕೋರ್ಟ್ ಕೂಡ ಅದನ್ನೇ ಹೇಳಿದೆ. ಹೀಗಾಗಿ ಸರ್ಕಾರ ಮತ್ತು ರೈತರ ನಡುವೆ ಏನಾದ್ರೂ ಭಿನ್ನಾಭಿಪ್ರಾಯ ಇದ್ರೆ ಅದನ್ನ ಮಾತುಕತೆ ಮೂಲಕವೇ ಬಗೆಹರಿಸಿಕೊಳ್ಳಬೇಕು ಅಂತ ಅಮೆರಿಕ ಹೇಳಿದೆ. ಈ ಮೂಲಕ 3 ಕೃಷಿ ಕಾನೂನುಗಳನ್ನ ಜಾರಿಗೆ ತಂದಿರುವ ಸರ್ಕಾರದ ನಡೆ ಮತ್ತು ರೈತರ ಶಾಂತಿಯುತ ಪ್ರತಿಭಟನೆ.. ಎರಡನ್ನೂ ಅಮೆರಿಕದ ಬೈಡೆನ್ ಸರ್ಕಾರ ಬೆಂಬಲಿಸಿದೆ.
ಭಾರತದ ವಿದೇಶಾಂಗ ಇಲಾಖೆ ನಿನ್ನೆಯಷ್ಟೇ ಒಂದು ಹೇಳಿಕೆ ಬಿಡುಗಡೆ ಮಾಡಿತ್ತು. ಅದರಲ್ಲಿ, ಕೃಷಿ ಕ್ಷೇತ್ರದ ಸುಧಾರಣೆಗಾಗಿ ಈ ಕಾನೂನುಗಳನ್ನ ಭಾರತದ ಸಂಸತ್ ಪಾಸ್ ಮಾಡಿದೆ ಅನ್ನೋದನ್ನ ಹೈಲೆಟ್ ಮಾಡಿತ್ತು. ಜೊತೆಗೆ ರೈತ ಸಮುದಾಯದ ಒಂದು ಸಣ್ಣ ವರ್ಗ ಮಾತ್ರ ಈ ಕಾನೂನುಗಳ ಬಗ್ಗೆ ಆಕ್ಷೆಪ ಎತ್ತಿದೆ. ಹೀಗಾಗಿ ಮಾತುಕತೆ ನಡೆಸುವವರೆಗೆ ಆ ಕಾನೂನುಗಳನ್ನ ತಡೆ ಹಿಡಿಯಲಾಗಿದೆ ಅಂತ ವಿದೇಶಾಂಗ ಇಲಾಖೆ ಹೇಳಿತ್ತು.
-masthmagaa.com
Contact Us for Advertisement