masthmagaa.com:
ಆನ್ಲೈನ್ ದಿಗ್ಗಜ ಸಂಸ್ಥೆಗಳಾದ ಅಮೆಜಾನ್ ಮತ್ತು ಫ್ಲಿಪ್ಕಾರ್ಟ್ಗೆ ಸುಪ್ರೀಂಕೋರ್ಟ್ ಡಿಚ್ಚಿ ಕೊಟ್ಟಿದೆ. ತನ್ನ ವ್ಯವಹಾರದ ಕುರಿತು ತನಿಖೆ ನಡೆಸಬಾರದು ಅಂತ ಸಂಸ್ಥೆಗಳು ಸಲ್ಲಿಸಿದ್ದ ಅರ್ಜಿಯನ್ನು ಸುಪ್ರೀಂಕೋರ್ಟ್ ತಿರಸ್ಕರಿಸಿದೆ. ಅಷ್ಟೇ ಅಲ್ಲ.. ಅಮೆಜಾನ್, ಫ್ಲಿಪ್ಕಾರ್ಟ್ ದೊಡ್ಡ ಸಂಸ್ಥೆಗಳು.. ತನಿಖೆ ಮತ್ತು ಪಾರದರ್ಶಕತೆಗೆ ನೀವೇ ಮುಂದಾಗಬೇಕು. ನಿಮಗೆ ಇಷ್ಟವಿಲ್ಲದಿದ್ದರೂ ತನಿಖೆ ನಡೆಯಲೇಬೇಕು ಅಂತ ಸುಪ್ರೀಂಕೋರ್ಟ್ ಚೀಫ್ ಜಸ್ಟೀಸ್ ಎನ್.ವಿ ರಮಣ ಅಭಿಪ್ರಾಯಪಟ್ಟಿದ್ದಾರೆ. ತನಿಖೆಯಲ್ಲಿ ಭಾಗಿಯಾಗಲು 4 ವಾರ ಟೈಂ ಕೂಡ ನೀಡಲಾಗಿದೆ. ಈ ಸಂಸ್ಥೆಗಳು ಆಯ್ದ ಕೆಲ ಸೆಲ್ಲರ್ಗಳನ್ನು ಪ್ರಮೋಟ್ ಮಾಡ್ತಾರೆ. ಕಾಂಪಿಟಿಷನ್ ಹತ್ತಿಕ್ಕಲು ದೊಡ್ಡಮಟ್ಟದ ಡಿಸ್ಕೌಂಟ್ ನೀಡಲಾಗುತ್ತೆ ಅನ್ನೋ ಆರೋಪ ಕೇಳಿ ಬಂದಿತ್ತು. ಇದ್ರ ಬೆನ್ನಲ್ಲೇ ದಿ ಕಾಂಪಿಟಿಷನ್ ಕಮಿಷನ್ ಆಫ್ ಇಂಡಿಯಾ ಕಳೆದ ವರ್ಷ ಈ ಬಗ್ಗೆ ತನಿಖೆಗೆ ಆದೇಶಿಸಿತ್ತು. ಅದನ್ನು ಪ್ರಶ್ನಿಸಿ ಅಮೆಜಾನ್ ಮತ್ತು ಫ್ಲಿಪ್ಕಾರ್ಟ್ ಹೈಕೋರ್ಟ್ ಮೆಟ್ಟಿಲೇರಿದ್ವು. ಅಲ್ಲಿ ಅರ್ಜಿ ತಿರಸ್ಕಾರವಾದ್ದರಿಂದ ಈ ಸಂಸ್ಥೆಗಳು ಸುಪ್ರೀಂಕೋರ್ಟ್ ಮೆಟ್ಟಿಲೇರಿದ್ವು.
-masthmagaa.com
Contact Us for Advertisement