masthmagaa.com:
ಮಹಾರಾಷ್ಟ್ರ: ಸುಶಾಂತ್ ಸಿಂಗ್ ರಜಪೂತ್ ನಿಗೂಢ ಸಾವಿನ ಸಂಬಂಧ ಸಿಬಿಐ ಅಧಿಕಾರಿಗಳು ತನಿಖೆ ತೀವ್ರಗೊಳಿಸಿದ್ದಾರೆ. ಇದೀಗ ಸಹೋದರಿ ಪ್ರಿಯಾಂಕ ಡಿಪ್ರೆಶನ್ಗೆ ಕೆಲವೊಂದು ಮಾತ್ರೆಗಳನ್ನು ತೆಗೆದುಕೊಳ್ಳುವಂತೆ ಸುಶಾಂತ್ಗೆ ಸಲಹೆ ನೀಡಿದ್ದರು ಅನ್ನೋದು ಮೆಸೆಂಜರ್ ಆ್ಯಪ್ನಲ್ಲಿ ನಡೆದಿದ್ದ ಚಾಟ್ ಮೂಲಕ ಗೊತ್ತಾಗಿದೆ. ಅಂದ್ರೆ ಜೂನ್ 8ರಂದು ಸುಶಾಂತ್ ಸಹೋದರಿ ಪ್ರಿಯಾಂಕ ಜೊತೆ ಮೆಸೆಂಜರ್ ಆ್ಯಪ್ನಲ್ಲಿ ಮಾತನಾಡಿದ್ದರು. ಈ ವೇಳೆ ಪ್ರಿಯಾಂಕ ಕೆಲವೊಂದು ಮಾತ್ರೆ ಮತ್ತು ಔಷಧಗಳನ್ನು ತೆಗೆದುಕೊಳ್ಳುವಂತೆ ಸಲಹೆ ನೀಡಿದ್ದರು. ಅಲ್ಲದೆ ಈ ಔಷಧಗಳು ವೈದ್ಯರ ಪ್ರಿಸ್ಕ್ರಿಪ್ಶನ್ ಇಲ್ಲದೇ ಸಿಗೋದಿಲ್ಲ ಎಂದು ತಿಳಿಸಿದ್ದ ಪ್ರಿಯಾಂಕ, ತಾವೇ ಫ್ಯಾಮಿಲಿ ಫ್ರೆಂಡ್ ಮೂಲಕ ಪ್ರಿಸ್ಕ್ರಿಪ್ಶನ್ ಕೊಡಿಸಿದ್ದರು ಅನ್ನೋದು ಗೊತ್ತಾಗಿದೆ. ಆದ್ರೆ ವೈದ್ಯರಿಗೆ ತೋರಿಸದೇ, ಸುಶಾಂತ್ ಸ್ಥಿತಿಯನ್ನು ಅರಿಯದೇ ಪ್ರಿಯಾಂಕ ಹೇಗೆ ಈ ರೀತಿಯ ಸಲಹೆಗಳನ್ನು ನೀಡಿದ್ದರು ಅನ್ನೋದು ಈಗ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.
-masthmagaa.com
Contact Us for Advertisement