masthmagaa.com:
ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಭಾರತಕ್ಕೆ ಇವತ್ತು ಮತ್ತೊಂದು ಕಂಚಿನ ಪದಕ ಸಿಕ್ಕಿದೆ. 64ರಿಂದ 69 ಕೆಜಿ ತೂಕದ ಮಹಿಳೆಯರ ವೆಲ್ಟರ್ವೇಟ್ ಸೆಮಿ ಫೈನಲ್ನಲ್ಲಿ ಟರ್ಕಿ ವಿರುದ್ಧ 0-5ರಿಂದ ಸೋತ ಭಾರತದ ಲೊವ್ಲಿನಾ ಬೋರ್ಗಹೈನ್ ಕಂಚಿನ ಪದಕ ಗೆದ್ದಿದ್ದಾರೆ. ಇವರು ಅಸ್ಸಾಂ ಮೂಲದವರು. ಈ ಮೂಲಕ ಈ ಬಾರಿಯ ಒಲಿಂಪಿಕ್ಸ್ನಲ್ಲಿ ಭಾರತ ಗೆದ್ದ ಪದಕಗಳ ಸಂಖ್ಯೆ ಮೂರಕ್ಕೆ ಏರಿಕೆಯಾಗಿದೆ. 1 ಬೆಳ್ಳಿ, ಎರಡು ಕಂಚು. ಇನ್ನೊಂದು ಗುಡ್ ನ್ಯೂಸ್ ಅಂದ್ರೆ 57 ಕೆಜಿ ವಿಭಾಗದ ಪುರುಷರ ಫ್ರೀಸ್ಟೈಲ್ ರೆಸ್ಲಿಂಗ್ನಲ್ಲಿ ಭಾರತದ ರವಿ ಕುಮಾರ್ ದಹಿಯಾ ಫೈನಲ್ಗೆ ಎಂಟ್ರಿ ಕೊಟ್ಟಿದ್ದಾರೆ. ಇದರೊಂದಿಗೆ ಭಾರತಕ್ಕೆ ಚಿನ್ನ ಅಥವಾ ಬೆಳ್ಳಿ ಪದಕ ಪಕ್ಕಾ ಆಗಿದೆ. ದಹಿಯಾ ಬಂಗಾರನೇ ಗೆದ್ದು ಬರಲಿ, ಭಾರತಕ್ಕೆ ಮೊದಲ ಚಿನ್ನ ಸಿಗಲಿ ಅಂತ ಹಾರೈಸೋಣ. ಅಂದ್ಹಾಗೆ ನಾಳೆ ಫೈನಲ್ ಮ್ಯಾಚ್ ನಡೆಯಲಿದ್ದ ರಷ್ಯನ್ ಒಲಿಂಪಿಕ್ ಕಮಿಟಿಯ ಆಟಗಾರನನ್ನ ಎದುರಿಸಲಿದ್ದಾರೆ ರವಿ ಕುಮಾರ್ ದಹಿಯಾ. ಕಂಚಿನ ಪದಕಕ್ಕಾಗಿ ದೀಪಕ್ ಪೂನಿಯಾ ಕೂಡ ನಾಳೆ ಸೆಣಸಾಟ ನಡೆಸಲಿದ್ದಾರೆ. ಇನ್ನು ಇವತ್ತು ನಡೆದ ಮಹಿಳೆಯರ ಹಾಕಿ ಸೆಮಿ ಫೈನಲ್ನಲ್ಲಿ ಅರ್ಜೆಂಟೀನಾ ವಿರುದ್ಧ ಭಾರತದ ಹಾಕಿ ತಂಡ 2-1 ಗೋಲುಗಳಿಂದ ಸೋತಿದೆ. ಇದೀಗ ಈ ತಂಡ ಕಂಚಿನ ಪದಕಕ್ಕಾಗಿ ಗ್ರೇಟ್ ಬ್ರಿಟನ್ ಜೊತೆ ಶುಕ್ರವಾರ ಸೆಣಸಾಟ ನಡೆಸಲಿದೆ. ಭಾರತದ ಪುರುಷರ ಹಾಕಿ ತಂಡ ಕಂಚಿನ ಪದಕಕ್ಕಾಗಿ ನಾಳೆ ಜರ್ಮನಿ ವಿರುದ್ಧ ಫೈಟ್ ಮಾಡಲಿದೆ. ನಾಳೆ ಬೆಳಗ್ಗೆ 7 ಗಂಟೆ ಮ್ಯಾಚ್ ಆರಂಭವಾಗಲಿದೆ.
-masthmagaa.com
Contact Us for Advertisement