masthmagaa.com:
ಉಘರ್ ಮುಸ್ಲಿಮರ ವಿರುದ್ಧ ಶಿಂಜಿಯಾಂಗ್ನಲ್ಲಿ ನಡೀತಿರೋ ಹಿಂಸಾಚಾರಕ್ಕೆ ವಿರೊಧ ಜಾಸ್ತಿಯಾಗ್ತಾನೇ ಇದೆ. ಇದ್ರ ನಡುವೆಯೇ ಈಗ ಅಮೆರಿಕ ಶಿಂಜಿಯಾಂಗ್ ಪ್ರಾಂತ್ಯದಿಂದ ಯಾವುದೇ ಉತ್ಪನ್ನವನ್ನು ಆಮದು ಮಾಡಿಕೊಳ್ಳದಂತೆ ನಿರ್ಬಂಧ ವಿಧಿಸಿದೆ. ಚೀನಾಗೆ ಬುದ್ಧಿ ಕಲಿಸೋಕೆ ಈ ರೀತಿ ಮಾಡಿದೀವಿ ಅಂತ ಅಮೆರಿಕ ಅಧಿಕಾರಿಗಳು ತಿಳಿಸಿದ್ದಾರೆ. Uyghur Forced Labor Prevention Act ಮೂಲಕ ಶಿಂಜಿಯಾಂಗ್ನಲ್ಲಿ ಕಾರ್ಮಿಕರ ಕೈಯಲ್ಲಿ ಬಲವಂತವಾಗಿ ಉತ್ಪಾದಿಸಲಾದ ವಸ್ತುಗಳನ್ನು ನಿರ್ಬಂಧ ವಿಧಿಸಲಾಗಿದೆ. ಈ ಬಗ್ಗೆ ಈಗಾಗಲೇ ಕಾನೂನು ಇದ್ದು, ಬಲವಂತವಾಗಿ ಉತ್ಪಾದಿಸಲಾಗಿದೆ ಅಂತ ಗೊತ್ತಾದ್ರೆ, ಅದಕ್ಕೆ ತಕ್ಕ ಸಾಕ್ಷ್ಯಗಳಿದ್ರೆ ಅಂತಹ ವಸ್ತುಗಳ ಮೇಲೆ ನಿರ್ಬಂಧ ವಿಧಿಸೋಕೆ ಈಗಲೂ ಅವಕಾಶವಿದೆ. ಈಗಾಗಲೇ ಸೆನೆಟ್ನಲ್ಲಿ ಇದು ಪಾಸ್ ಆಗಿದ್ದು, ಹೌಸ್ ಆಫ್ ರೆಪ್ರೆಸೆಂಟೇಟಿವ್ನಲ್ಲೂ ಪಾಸ್ ಆಗಬೇಕು. ನಂತರ ವೈಟ್ಹೌಸ್ಗೆ ಹೋಗಿ ಅಧ್ಯಕ್ಷ ಜೋ ಬೈಡೆನ್ ಸಹಿಯೊಂದಿಗೆ ಕಾನೂನಿನ ರೂಪ ಪಡೆದುಕೊಳ್ಳಲಿದೆ. ಈಗಾಗಲೇ ಅಮೆರಿಕದಲ್ಲಿ ಶಿಂಜಿಯಾಂಗ್ನ ಟೊಮ್ಯಾಟೋ, ಹತ್ತಿ ಮತ್ತು ಸೋಲಾರ್ ಉತ್ಪನ್ನಗಳ ಮೇಲೆ ಈಗಾಗಲೇ ನಿರ್ಬಂಧ ಇದೆ. ಇದೀಗ ಅದನ್ನು ಮತ್ತಷ್ಟು ಹೆಚ್ಚಿಸಲು ಬೈಡೆನ್ ಸರ್ಕಾರ ಮುಂದಾಗಿದೆ. ನೇರವಾಗಿ ಮಾತ್ರವಲ್ಲ. ಇನ್ಡೈರೆಕ್ಟಾಗಿ ಶಿಂಜಿಯಾಂಗ್ ನೆಟ್ವರ್ಕ್ಗಳ ಜೊತೆ ಸಂಪರ್ಕ ಹೊಂದಿದ್ರೂ ಅದನ್ನು ಕಾನೂನು ಉಲ್ಲಂಘನೆಯಾಗಬಹುದು ಹುಷಾರ್ ಅಂತ ಈಗಾಗಲೇ ತನ್ನ ವ್ಯವಹಾರಗಳಿಗೆ ಎಚ್ಚರ ಕೂಡ ನೀಡಿದೆ. ಅಂದಹಾಗೆ ಶಿಂಜಿಯಾಂಗ್ನಲ್ಲಿ 2016ರಿಂದ ಉಘರ್ ಸೇರಿದಂತೆ ಹಲವು ಅಲ್ಪಸಂಖ್ಯಾತ ಮುಸ್ಲಿಂ ಸಮುದಾಯದ ಮೇಲೆ ನಿರಂತರವಾಗಿ ದೌರ್ಜನ್ಯ ಎಸಗಲಾಗ್ತಿದೆ. 10 ಲಕ್ಷದಷ್ಟು ಮಂದಿ ಬಳಿ ಬಲವಂತವಾಗಿ ಕೆಲಸ ಮಾಡಿಸಲಾಗ್ತಿದೆ ಅನ್ನೋ ಆರೋಪ ಕೇಳಿ ಬರುತ್ತಲೇ ಇದೆ.
-masthmagaa.com
Contact Us for Advertisement