masthmagaa.com:
ಅಮೆರಿಕದಲ್ಲಿ ಮರಣ ಮೃದಂಗ ಬಾರಿಸುತ್ತಿರೋ ಕೊರೋನಾ ವೈರಸ್ ಮಂಗಳವಾರ ಒಂದೇ ದಿನ 1,736 ಜನರನ್ನು ಬಲಿ ಪಡೆದಿದೆ. ಒಂದೇ ದಿನದಲ್ಲಿ ಈ ಪ್ರಮಾಣದ ಸಾವು ಸಂಭವಿಸಿರೋದು ಇದೇ ಮೊದಲು. ಈ ಮೂಲಕ ಅಮೆರಿಕದಲ್ಲಿ ಮಹಾಮಾರಿಗೆ ಮೃತಪಟ್ಟವರ ಸಂಖ್ಯೆ 12,800ಕ್ಕೆ ಏರಿಕೆಯಾಗಿದೆ. ಜೊತೆಗೆ 4 ಲಕ್ಷ ಜನರಿಗೆ ಸೋಂಕು ತಗುಲಿದೆ ಅಂತ ಜಾನ್ ಹಾಪ್ಕಿನ್ಸ್ ಯುನಿವರ್ಸಿಟಿ ಹೇಳಿದೆ. ಇಡೀ ಜಗತ್ತಿನಲ್ಲಿ 14 ಲಕ್ಷ ಸೋಂಕಿತರಿದ್ದು, ಈ ಪೈಕಿ ಅಮೆರಿಕದಲ್ಲೇ 4 ಲಕ್ಷ ಇದ್ದಾರೆ.
ಇನ್ನು ನರಕದಂತಾಗಿರೋ ನ್ಯೂಯಾರ್ಕ್ನಲ್ಲಿ ಒಂದೇ ದಿನ 731 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ನ್ಯೂಯಾರ್ಕ್ನಲ್ಲಿ ಒಂದೇ ದಿನ ಸಂಭವಿಸಿದ ಅತಿ ಹೆಚ್ಚು ಸಾವು ಇದಾಗಿದೆ. ಈ ಮೂಲಕ ನ್ಯೂಯಾರ್ಕ್ನಲ್ಲಿ ಕೊರೋನಾದಿಂದ ಮೃತಪಟ್ಟವರ ಸಂಖ್ಯೆ 4,000ಕ್ಕೆ ಏರಿಕೆಯಾಗಿದೆ. ಅಲ್ಲದೆ ಸೋಂಕಿತರ ಸಂಖ್ಯೆಯಲ್ಲಿ ನ್ಯೂಯಾರ್ಕ್ ರಾಜ್ಯ ಇಟಲಿಯನ್ನು ಹಿಂದಿಕ್ಕಿದೆ. ಇಟಲಿಯಲ್ಲಿ 1.35 ಲಕ್ಷ ಜನರಿಗೆ ಸೋಂಕು ತಗುಲಿದ್ರೆ, ನ್ಯೂಯಾರ್ಕ್ನಲ್ಲಿ 1.39 ಲಕ್ಷ ಜನರಿಗೆ ಕಾಯಿಲೆ ಹರಡಿದೆ.
-masthmagaa.com
Contact Us for Advertisement