masthmagaa.com:
ಇಂಗ್ಲೆಂಡ್ನಿಂದ ಆಮದು ಮಾಡಿಕೊಂಡ ರೋಲ್ಸ್ ರಾಯ್ಸ್ ಘೋಸ್ಟ್ ಕಾರಿಗೆ ಎಂಟ್ರಿ ಟ್ಯಾಕ್ಸ್ ಕಟ್ಟದ ತಮಿಳು ನಟ ವಿಜಯ್ ಅವರನ್ನ ಮದ್ರಾಸ್ ಹೈಕೋರ್ಟ್ ತೀವ್ರವಾಗಿ ತರಾಟೆಗೆ ತೆಗೆದುಕೊಂಡಿದೆ. ತಮ್ಮ ಐಷಾರಾಮಿ ಕಾರಿಗೆ ಎಂಟ್ರಿ ಟ್ಯಾಕ್ಸ್ನಿಂದ ವಿನಾಯ್ತಿ ಕೊಡುವಂತೆ 2012ರಲ್ಲಿ ನಟ ವಿಜಯ್ ಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ರು. ಈ ಅರ್ಜಿಯನ್ನ ವಜಾ ಮಾಡಿರೋ ಕೋರ್ಟ್, ವಿಜಯ್ಗೆ 1 ಲಕ್ಷ ದಂಡ ವಿಧಿಸಿದೆ. ಈ ಹಣ ತಮಿಳುನಾಡು ಸಿಎಂ ಪರಿಹಾರ ನಿಧಿಗೆ, ಕೊರೋನಾ ವಿರುದ್ಧದ ಹೋರಾಟಕ್ಕೆ ಬಳಕೆಯಾಗಲಿದೆ. ಜೊತೆಗೆ ಇಂಥಾ ಆ್ಯಕ್ಟರ್ಗಳನ್ನ ಅಭಿಮಾನಿಗಳು ಹಿರೋಗಳ ರೀತಿ ನೋಡ್ತಾರೆ. ಆದ್ರೆ ನಟ-ನಟಿಯರೇ ಸಿಎಂ ಆಗಿರೋ ತಮಿಳುನಾಡಿನಲ್ಲಿ ಓರ್ವ ನಟ ರೀಲ್ ಹಿರೋ ಥರ ವರ್ತಿಸುತ್ತಾರೆ ಅಂತ ಯಾರೂ ನಿರೀಕ್ಷೆ ಮಾಡಿರಲ್ಲ. ತೆರಿಗೆ ವಂಚನೆ ದೇಶ ವಿರೋಧಿ ವರ್ತನೆ ಮತ್ತು ಮನಸ್ಥಿತಿಯಾಗಿದೆ. ಸಿನಿಮಾಗಳಲ್ಲಿ ಸಾಮಾಜಿಕ ನ್ಯಾಯ ತರಲು ಈ ನಟರು ಚಾಂಪಿಯನ್ಸ್ ರೀತಿ ಬಿಂಬಿಸಿಕೊಳ್ತಾರೆ. ಅವರ ಸಿನಿಮಾಗಳು ಭ್ರಷ್ಟಾಚಾರ ವಿರುದ್ಧವಾಗಿರುತ್ತೆ. ಆದ್ರೆ ಅಂಥವರೇ ತೆರಿಗೆ ವಂಚಿಸಿ ಈ ರೀತಿ ವರ್ತಿಸಿದ್ರೆ ಹೇಗೆ ಅಂತ ಕೋರ್ಟ್ ಚಾಟಿ ಬೀಸಿದೆ. ಜೊತೆಗೆ ಎರಡು ವಾರದೊಳಗೆ ಕಾರಿನ ಎಂಟ್ರಿ ಟ್ಯಾಕ್ಸ್ ಅನ್ನ ಕಟ್ಟುವಂತೆ ವಿಜಯ್ಗೆ ಸೂಚಿಸಿದೆ. ರೋಲ್ಸ್ ರಾಯ್ಸ್ ಘೋಸ್ಟ್ ಕಾರಿನ ಒಟ್ಟು ಮೊತ್ತದಲ್ಲಿ 20 ಪರ್ಸೆಂಟ್ ಅನ್ನ ತೆರಿಗೆಯಾಗಿ ಕಟ್ಟಬೇಕು ನಟ ವಿಜಯ್. ದೆಹಲಿಯಲ್ಲೀಗ ಈ ಕಾರಿನ ಎಕ್ಸ್ ಶೋ ರೂಂ ಪ್ರೈಸ್ 6 ಕೋಟಿಯಿಂದ ಶುರುವಾಗುತ್ತೆ. ಆದ್ರೆ ಇಂಗ್ಲೆಂಡ್ನಿಂದ ತರಿಸಿದ್ರೆ ಕಮ್ಮಿಯಾಗುತ್ತೆ.
-masthmagaa.com
Contact Us for Advertisement