masthmagaa.com:
ನಿಮ್ಮ ಮೊಬೈಲ್ನಲ್ಲಿ ವಾಟ್ಸಾಪ್ ಓಪನ್ ಮಾಡ್ದಾಗ ಆಗಾಗ ಒಂದು ನೋಟಿಫಿಕೇಷನ್ ಬರ್ತಿರಬೋದು. ವಾಟ್ಸಾಪ್ ತನ್ನ ಪ್ರೈವಸಿ ಪಾಲಿಸಿಯನ್ನ ಅಪ್ಡೇಟ್ ಮಾಡ್ತಿದೆ. ಅದನ್ನ ಅಗ್ರೀ ಮಾಡಿ ಅಥವಾ ಒಪ್ಪಿಕೊಳ್ಳಿ ಅಂತ. ಅಗ್ರೀ ಮಾಡಿಲ್ಲ ಅಂದ್ರೆ ಕೆಲವೇ ದಿನಗಳಲ್ಲಿ ವಾಟ್ಸಾಪ್ನ ಕೆಲವೊಂದು ಫೀಚರ್ಸ್ ಯೂಸ್ ಮಾಡೋಕೆ ಆಗಲ್ಲ ಅಂತೆಲ್ಲಾ ಇರುತ್ತೆ. ಬ್ಯಾಕ್ ಬಟನ್ ಒತ್ತಿದ್ರೆ, ಮತ್ಯಾವತ್ತಾದ್ರೂ ಕೇಳತ್ತೆ. ಅಗ್ರೀ ಕೊಡೋವರೆಗೆ ಬಿಡಲ್ಲ. ಆಲ್ರೆಡಿ ಅಗ್ರೀ ಕೊಟ್ಟೋರಿಗೆ ಈ ನೋಟಿಫಿಕೇಷನ್ ಬರಲ್ಲ. ಅಂದ್ಹಾಗೆ ವಾಟ್ಸಾಪ್ ಅನ್ನೋದು ಫೇಸ್ಬುಕ್ನ ಅಂಗಸಂಸ್ಥೆ. ಹೀಗಾಗಿ ವಾಟ್ಸಾಪ್ ಬಳಕೆದಾರರ ಮಾಹಿತಿಯನ್ನ ಫೇಸ್ಬುಕ್ನ ಇತರ ಕಂಪನಿಗಳ ಜೊತೆ ಶೇರ್ ಮಾಡೋಕೆ ಕೇಳೋ ಪರ್ಮಿಷನ್. ಇದೀಗ ಈ ಅಪ್ಡೇಟ್ಗೆ ಸಂಬಂಧಿಸಿದಂತೆ ಒಂದು ಅಪ್ಡೇಟ್ ನ್ಯೂಸ್ ಬಂದಿದೆ. ಅದೇನಂದ್ರೆ, ಭಾರತದಲ್ಲಿ ಡೇಟಾ ಪ್ರೊಟೆಕ್ಷನ್ ಬಿಲ್ ಜಾರಿಗೆ ಬರೋವರೆಗೆ ಈ ಹೊಸ ಅಪ್ಡೇಟ್ ಅನ್ನ ಹೋಲ್ಡ್ನಲ್ಲಿ ಇಡ್ತೀವಿ ಅಂತ ವಾಟ್ಸಾಪ್ ಸಂಸ್ಥೆ ದೆಹಲಿ ಹೈಕೋರ್ಟ್ಗೆ ಮಾಹಿತಿ ನೀಡಿದೆ. ಅಂದ್ರೆ ಈ ಬಿಲ್ ಬರೋವರೆಗೆ ನೀವು ಈ ಪ್ರೈವಸಿ ಪಾಲಿಸಿಯನ್ನ ಅಗ್ರೀ ಅಂತ ಕೊಡದಿದ್ರೂ ಯಾವುದೇ ಫೀಚರ್ ಅನ್ನ ತೆಗೆದುಹಾಕಲ್ಲ ಅಂತರ್ಥ. ಹಾಗಂತ ವಾಟ್ಸಾಪ್ ಓಪನ್ ಮಾಡ್ದಾಗ ತೋರಿಸೋ ನೋಟಿಫಿಕೇಷನ್ ಕಾಟ ನಿಲ್ಲುತ್ತೆ ಅಂತಲ್ಲ. ಅದನ್ನ ತೋರ್ಸೋದು ತೋರಿಸ್ತಾ ಇರ್ತೀವಿ ಅಂತ ವಾಟ್ಸಾಪ್ ಹೇಳಿದೆ.
-masthmagaa.com
Contact Us for Advertisement