masthmagaa.com:
ರಷ್ಯಾ ಜೊತೆ, ರಷ್ಯಾ ಅಧ್ಯಕ್ಷ ಪುಟಿನ್ ಜೊತೆ ಲಿಂಕ್ ಹೊಂದಿರೋ ಯುಕ್ರೇನ್ನ 11 ರಾಜಕೀಯ ಪಕ್ಷಗಳ ಆ್ಯಕ್ಟಿವಿಟೀಸ್ ಮೇಲೆ ಯುಕ್ರೇನ್ ಅಧ್ಯಕ್ಷ ಝೆಲೆನ್ಸ್ಕಿ ನಿಷೇಧ ಹೇರಿದ್ದಾರೆ. ಈ 11 ಪಕ್ಷಗಳಲ್ಲಿ ಅತಿದೊಡ್ಡ ಪಕ್ಷ ಅಂದ್ರೆ ಅದು ‘ಆಪೊಸಿಷನ್ ಪ್ಲಾಟ್ ಫಾರ್ಮ್ ಫಾರ್ ಲೈಫ್’.. ಯುಕ್ರೇನ್ ಸಂಸತ್ನ ಒಟ್ಟು 450 ಸೀಟುಗಳಲ್ಲಿ 44 ಸೀಟುಗಳನ್ನ ಹೊಂದಿದೆ ಈ ಪಕ್ಷ. ವಿಕ್ಟರ್ ಮೆಡ್ವೆಡ್ಚುಕ್ ಇದರ ಮುಖ್ಯಸ್ಥ. ಇವರು ಪುಟಿನ್ ಜೊತೆ ಒಳ್ಳೇ ಸಂಬಂಧ ಹೊಂದಿದ್ದಾರೆ. ಇವರ ಮಗಳ ಗಾಡ್ಫಾದರ್ ಅಂತಾನೇ ಪುಟಿನ್ರನ್ನ ಪರಿಗಣಿಸಲಾಗುತ್ತೆ. ಇದೀಗ ಈ ಪಕ್ಷ ಮತ್ತು ಇತರ 10 ಪಕ್ಷಗಳ ಮೇಲೆ ಬ್ಯಾನ್ ಹೇರಲಾಗಿದೆ. ಯುಕ್ರೇನ್ನಲ್ಲಿ ಮಾರ್ಷಲ್ ಲಾ ಇರೋವರೆಗೆ ನಿಷೇಧ ಜಾರಿಯಲ್ಲಿರುತ್ತೆ. ಅಂದ್ಹಾಗೆ ಝೆಲೆನ್ಸ್ಕಿ ಸರ್ಕಾರವನ್ನ ಪತನಗೊಳಿಸಿ, ರಷ್ಯಾ ತನ್ನ ಕೈಗೊಂಬೆ ಸರ್ಕಾರವನ್ನ ಯುಕ್ರೇನ್ನಲ್ಲಿ ಸ್ಥಾಪಿಸಲು ಪ್ರಯತ್ನಪಡ್ತಿರಬಹುದು ಅನ್ನೋ ಅನುಮಾನದ ನಡುವೆ ಈ ಕ್ರಮ ಕೈಗೊಳ್ಳಲಾಗಿದೆ.
-masthmagaa.com
Contact Us for Advertisement