masthmagaa.com:
ದೆಹಲಿ: ಭಾರತ್ ಬಯೋಟೆಕ್ ಸಂಸ್ಥೆ ಅಭಿವೃದ್ಧಿಪಡಿಸಿರೋ ಕೋವ್ಯಾಕ್ಸಿನ್ ಸ್ವದೇಶಿ ಲಸಿಕೆ.. ಇದು ಹೆಮ್ಮೆಯ ವಿಚಾರ ಅಂತ ಕೇಂದ್ರ ಸರ್ಕಾರ ಹೇಳ್ತಿದ್ರೆ, ಕಾಂಗ್ರೆಸ್ ಸೇರಿದಂತೆ ವಿಪಕ್ಷ ನಾಯಕರು 3ನೇ ಹಂತ ಪೂರ್ಣಗೊಳಿಸದ ಕೋವ್ಯಾಕ್ಸಿನ್ಗೆ ಅನುಮತಿ ನೀಡಿರೋದು ಅಪಾಯಕಾರಿ ಅಂತ ಹೇಳ್ತಿದ್ಧಾರೆ. ಈ ನಡುವೆ ಬ್ರೆಜಿಲ್ ಮೂಲದ ಖಾಸಗಿ ಕಂಪನಿಯೊಂದು ಭಾರತ್ ಬಯೋಟೆಕ್ನ 50 ಲಕ್ಷ ಡೋಸ್ ಲಸಿಕೆ ಖರೀದಿಗೆ ಮುಂದಾಗಿದೆ.
ಬ್ರೆಜಿಲ್ ಮೂಲದ ಖಾಸಗಿ ಸಂಸ್ಥೆಯಾದ ದಿ ಬ್ರೆಜಿಲಿಯನ್ ಅಸೋಸಿಯೇಷನ್ ಆಫ್ ವ್ಯಾಕ್ಸಿನ್ ಕ್ಲಿನಿಕ್ಸ್ ಭಾರತ್ ಬಯೋಟೆಕ್ ಜೊತೆಗೆ ಮಾತುಕತೆ ನಡೆಸಿದೆ. ಅಲ್ಲದೆ ಈ ಬಗ್ಗೆ ತನ್ನ ಅಧಿಕೃತ ವೆಬ್ಸೈಟ್ನಲ್ಲಿ ಸ್ಪಷ್ಟಪಡಿಸಿರುವ ಸಂಸ್ಥೆ, ಭಾರತ್ ಬಯೋಟೆಕ್ ಜೊತೆ ಒಪ್ಪಂದಕ್ಕೆ ಸಹಿ ಹಾಕಿರೋದಾಗಿ ಮಾಹಿತಿ ನೀಡಿದೆ. ಬ್ರೆಜಿಲ್ನ ಆರೋಗ್ಯ ನಿಯಂತ್ರಕ ಸಂಸ್ಥೆ ಒಪ್ಪಿಗೆ ನೀಡಿದ ಬಳಿಕ ಈ ಒಪ್ಪಂದ ಫೈನಲ್ ಆಗಲಿದೆ.. ಆದ್ರೆ ಬ್ರೆಜಿಲ್ ಈವರೆಗೆ ಯಾವುದೇ ಕೊರೋನಾ ಲಸಿಕೆಗೆ ಗ್ರೀನ್ ಸಿಗ್ನಲ್ ನೀಡಿಲ್ಲ.
ಅಮೆರಿಕ ಬಳಿಕ ಅತಿ ಹೆಚ್ಚು ಮಂದಿ ಬ್ರೆಜಿಲ್ನಲ್ಲಿ ಸಾವನ್ನಪ್ಪಿದ್ದಾರೆ. ಆದ್ರೂ ಕೂಡ ಅಧ್ಯಕ್ಷ ಜೈರ್ ಬೋಲ್ಸೊನಾರೋ ಅವರ ಸರ್ಕಾರ ಈವರೆಗೆ ಯಾವುದೇ ಕೊರೋನಾ ಲಸಿಕೆಗೆ ಗ್ರೀನ್ ಸಿಗ್ನಲ್ ನೀಡಿಲ್ಲ. ಹೀಗಾಗಿ ಸರ್ಕಾರದ ವಿರುದ್ಧ ವ್ಯಾಪಕ ಟೀಕೆ ವ್ಯಕ್ತವಾಗುತ್ತಲೇ ಇದೆ.
-masthmagaa.com
Contact Us for Advertisement