masthmagaa.com:
ಕೊರೋನಾ ವೈರಸ್ ಮೊದಲು ಕಾಣಿಸಿಕೊಂಡ ಚೀನಾ ಈಗ ಜಗತ್ತಿನ ವಿವಿಧ ದೇಶಗಳಿಗೆ ಕೊರೋನಾ ಲಸಿಕೆಯನ್ನ ಮಾರ್ತಿದೆ. ಆದ್ರೆ ಚೀನಾ ಲಸಿಕೆಗಳನ್ನ ನಂಬಿದ ಹಲವು ದೇಶಗಳಲ್ಲೀಗ ಕೊರೋನಾ ಕೇಸಸ್ ಹೆಚ್ಚಾಗ್ತಿದೆ. ಅಂದ್ಹಾಗೆ ಕೊರೋನಾ ಲಸಿಕೆ ಹಾಕಿಯೂ ಕೊರೋನಾ ಕೇಸಸ್ ಹೆಚ್ಚಾಗಿರೋ 6 ದೇಶಗಳನ್ನ ಸರ್ವೆ ಮಾಡಿದಾಗ ಅದ್ರಲ್ಲಿ ಐದು ದೇಶಗಳು ಚೀನಾ ಲಸಿಕೆಗಳನ್ನೇ ಹೆಚ್ಚಾಗಿ ಹಾಕ್ತಿವೆ ಅನ್ನೋ ವಿಚಾರ ಗೊತ್ತಾಗಿದೆ. ಯುಎಇ, ಸೆಷೆಲ್ಸ್, ಮಂಗೋಲಿಯಾ, ಉರುಗ್ವೆ ಮತ್ತು ಚಿಲಿ ದೇಶಗಳು ಲಸಿಕೆ ಅಭಿಯಾನಕ್ಕೆ ಚೀನಾದ ಸಿನೋವ್ಯಾಕ್ ಮತ್ತು ಸಿನೋಫಾರ್ಮ್ ಲಸಿಕೆಗಳನ್ನ ಪ್ರಮುಖವಾಗಿ ಬಳಸಿಕೊಂಡಿವೆ. ಇದೀಗ ಆ ದೇಶಗಳಲ್ಲೇ ಕೊರೋನಾ ಹೆಚ್ಚಾಗಿರೋದು ಚೀನಾ ಲಸಿಕೆ ಮೇಲೆ ಅನುಮಾನ ಮೂಡುವಂತೆ ಮಾಡಿದೆ. ಜೊತೆಗೆ ಡೆಲ್ಟಾ ರೂಪಾಂತರಿ ವಿರುದ್ಧ ಚೀನಾದ ಲಸಿಕೆಗಳು ಎಷ್ಟು ಪರಿಣಾಮಕಾರಿ ಅನ್ನೋದು ಕೂಡ ಗೊತ್ತಾಗಿಲ್ಲ. ಮತ್ತೊಂದುಕಡೆ ಥೈಲ್ಯಾಂಡ್ನಲ್ಲಿ ಚೀನಾದ ಸಿನೋವ್ಯಾಕ್ ಲಸಿಕೆಯ ಎರಡೂ ಡೋಸ್ಗಳನ್ನ ಪಡೆದ ಆರೋಗ್ಯ ಕಾರ್ಯಕರ್ತರಲ್ಲಿ 618 ಜನರಿಗೆ ಕೊರೋನಾ ಸೋಂಕು ತಗುಲಿದೆ. ಒಬ್ರು ನರ್ಸ್ ಮೃತಪಟ್ಟಿದ್ದಾರೆ, ಮತ್ತೊಬ್ರ ಸ್ಥಿತಿ ಗಂಭೀರವಾಗಿದೆ ಅಂತ ವರದಿಯಾಗಿದೆ. ಹೀಗಾಗಿ ಒಂದು ಡೋಸ್ ಸಿನೋವ್ಯಾಕ್ ಲಸಿಕೆ ಬಳಿಕ ಒಂದು ಡೋಸ್ ಆಸ್ಟ್ರಾಝೆನೆಕಾ ಲಸಿಕೆ ಕೊಡಲು ಥೈಲ್ಯಾಂಡ್ ಸರ್ಕಾರ ಚಿಂತನೆ ನಡೆಸಿದೆ. ಹೀಗೇನಾದ್ರೂ ಆದ್ರೆ ಬೇರೆ ಬೇರೆ ಲಸಿಕೆಗಳನ್ನ ಮಿಕ್ಸಿಂಗ್ ಮಾಡಿದ ಮೊದಲ ದೇಶ ಎನಿಸಿಕೊಳ್ಳುತ್ತೆ ಥೈಲ್ಯಾಂಡ್. ವಿಶ್ವ ಆರೋಗ್ಯ ಸಂಸ್ಥೆ ತುರ್ತು ಬಳಕೆಗೆ ಅನುಮೋದನೆ ಕೊಟ್ಟಿರೋ ಲಸಿಕೆಗಳಲ್ಲಿ ಚೀನಾದ ಸಿನೋಫಾರ್ಮ್ ಮತ್ತು ಸಿನೋವ್ಯಾಕ್ ಲಸಿಕೆಗಳು ಕೂಡ ಬರ್ತವೆ. ಮತ್ತೊಂದುಕಡೆ ತೈವಾನ್ ತನ್ನದು, ಅದು ತನಗೆ ಸೇರಬೇಕು ಅಂತ ಹೇಳೋ ಚೀನಾಗೆ ಲಸಿಕೆ ವಿಚಾರದಲ್ಲಿ ತೈವಾನ್ ಚೆನ್ನಾಗಿ ಪೆಟ್ಟು ಕೊಟ್ಟಿದೆ. ಈ ವರ್ಷದ ಆರಂಭದಲ್ಲಿ ತೈವಾನ್ ಸರ್ಕಾರ ಜರ್ಮನಿಯ ಬಿಯೋನ್ಟೆಕ್ ಕಂಪನಿಯಿಂದ ನೇರವಾಗಿ ಫೈಝರ್ ಲಸಿಕೆ ಖರೀದಿಸಲು ಪ್ರಯತ್ನಪಟ್ಟಿತ್ತು. ಆದ್ರೆ ಆ ಡೀಲ್ ಕುದುರದಂತೆ ನೋಡಿಕೊಂಡಿತ್ತು ಚೀನಾ. ಅಲ್ಲದೆ ತೈವಾನ್ ತನ್ನ ಭಾಗ ಆಗಿರೋದ್ರಿಂದ ಚೀನಾ ಮೂಲದ Shanghai Fosun Pharmaceutical Group Co Ltd ಮೂಲಕವೇ ಲಸಿಕೆ ಖರೀದಿಸಬೇಕು ಅಂತ ತೈವಾನ್ ಮೇಲೆ ಒತ್ತಡ ಹೇರ್ತಾ ಬರ್ತಿತ್ತು. ಆದ್ರೀಗ ತೈವಾನ್ನ Foxconn ಮತ್ತು TSMC ಅನ್ನೋ ಎರಡು ಕಂಪನಿಗಳು ಬಿಯೋನ್ಟೆಕ್ ಕಂಪನಿ ಜೊತೆ ಒಪ್ಪಂದ ಮಾಡಿಕೊಂಡಿವೆ. 1 ಕೋಟಿ ಡೋಸ್ಗಳನ್ನ 350 ಮಿಲಿಯನ್ ಡಾಲರ್ಗೆ ಖರೀದಿಸೋ ಒಪ್ಪಂದ ಇದಾಗಿದೆ. ಅತ್ತ ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್ ರಾಜ್ಯದಲ್ಲಿ ಕೊರೋನಾ ಹಾವಳಿ ನಿಲ್ತಿಲ್ಲ. ಹೊಸದಾಗಿ 112 ಜನರಿಗೆ ಸೋಂಕು ದೃಢಪಟ್ಟಿದೆ. ಬಹುತೇಕ ಕೇಸ್ಲಾಕ್ಡೌನ್ನಲ್ಲಿರೋ ಸಿಡ್ನಿ ನಗರದಲ್ಲಿ ವರದಿಯಾಗಿದೆ. ಇನ್ನು ಕೊರೋನಾದ ಮೂರನೇ ಅಲೆ ಎದುರಿಸುತ್ತಿರೋ ರಷ್ಯಾದಲ್ಲಿ ಕಳೆದ 24 ಗಂಟೆಗಳಲ್ಲಿ ಮತ್ತೆ 25 ಸಾವಿರಕ್ಕೂ ಹೆಚ್ಚು ಕೊರೋನಾ ಕೇಸ್ ದೃಢಪಟ್ಟಿದೆ.
-masthmagaa.com
Contact Us for Advertisement