ದೆಹಲಿ: ಭಾರತದಲ್ಲೂ ಕೊರೋನಾ ವೈರಸ್ ಪ್ರಕರಣಗಳು ಹೆಚ್ಚುತ್ತಲೇ ಇವೆ. ಈ ಬಗ್ಗೆ ಸುದ್ದಿಗೋಷ್ಠಿ ನಡೆಸಿರುವ ಆರೋಗ್ಯ ಸಚಿವ ಹರ್ಷವರ್ಧನ್, ದೇಶದಲ್ಲಿ ಒಟ್ಟು 28 ಮಂದಿಯಲ್ಲಿ ಕೊರೋನಾವೈರಸ್ ಪತ್ತೆಯಾಗಿದೆ. ಅವರಲ್ಲಿ 16 ಮಂದಿ ವಿದೇಶಿ ಪ್ರಜೆಗಳಾಗಿದ್ದರೆ 12 ಮಂದಿ ಭಾರತೀಯರಾಗಿದ್ದಾರೆ ಅಂತ ತಿಳಿದುಬಂದಿದೆ.
ಐಟಿಬಿಪಿಗೆ 21 ಮಂದಿಯ ರಕ್ತದ ಮಾದರಿಯನ್ನು ಪರೀಕ್ಷೆಗೆ ಕಳುಹಿಸಲಾಗಿತ್ತು. ಈ ಪೈಕಿ 15 ಮಂದಿಯಲ್ಲಿ ಕೊರೋನಾವೈರಸ್ ಪತ್ತೆಯಾಗಿದೆ. ಅವರಲ್ಲಿ ಓರ್ವ ಭಾರತೀಯ ಮತ್ತು 14 ಮಂದಿ ಇಟಲಿಯ ಪ್ರವಾಸಿಗರು ಸೇರಿದ್ದಾರೆ. ಇನ್ನು ತೆಲಂಗಾಣದ ಓರ್ವ ಮತ್ತು ಕೇರಳದ ಮೂವರಲ್ಲಿ ಕೊರೋನಾ ವೈರಸ್ ಪತ್ತೆಯಾಗಿದ್ದು, ಕೇರಳದ ಮೂವರು ಈಗಾಗಲೇ ಆರೋಗ್ಯವಂತರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ ಅಂತ ತಿಳಿಸಿದ್ದಾರೆ.
-ಭಾರತದಲ್ಲಿ ಪತ್ತೆಯಾದ ಕೊರೋನಾ ಪ್ರಕರಣಗಳು 28
-ಕೇರಳದಲ್ಲಿ ಮೂವರಲ್ಲಿ ಸೋಂಕು ಪತ್ತೆ, ಗುಣಮುಖರಾಗಿ ಡಿಸ್ಚಾರ್ಜ್
-ದೆಹಲಿಯ ಒಬ್ಬರಲ್ಲಿ ಸೋಂಕು ಪತ್ತೆ, ಅವರಿಂದ ಅವರ 6 ಮಂದಿ ಸಂಬಂಧಿಕರಲ್ಲೂ ಪತ್ತೆ
-ತೆಲಂಗಾಣದಲ್ಲಿ ಒಬ್ಬರಲ್ಲಿ ಸೋಂಕು ಪತ್ತೆ
-ಇಟಲಿಯಿಂದ ಬಂದ ಒಟ್ಟು 17 ಜನರಲ್ಲಿ ಸೋಂಕು ಪತ್ತೆ(16 ಮಂದಿ ಇಟಲಿ ಪ್ರವಾಸಿಗರು, ಓರ್ವ ಭಾರತೀಯ )
-ಸದ್ಯ ಸೋಂಕಿನಿಂದ ಬಳಲುತ್ತಿರುವವರ ಸಂಖ್ಯೆ 25