ಕೊರೋನಾವೈರಸ್ ಜಗತ್ತಿನಾದ್ಯಂತ ಭಾರಿ ಪ್ರಮಾಣದಲ್ಲಿ ಹರಡುತ್ತಿದೆ. ಈಗಾಗಲೇ 11,943 ಮಂದಿಯಲ್ಲಿ ಈ ಸಾಂಕ್ರಾಮಿಕ ಕಾಯಿಲೆ ಕಾಣಿಸಿಕೊಂಡಿದ್ದು, ಅವರಲ್ಲಿ 11,791 ಮಂದಿ ಚೀನಾದವರೇ ಸೇರಿದ್ಧಾರೆ. ಅಲ್ಲದೆ ದರಿದ್ರ ವೈರಲ್ಗೆ ಈಗಾಗಲೇ ಬರೋಬ್ಬರಿ 259 ಮಂದಿ ಸಾವನ್ನಪ್ಪಿದ್ದಾರೆ. ಇಲ್ಲಿನ ರೋಗಿಗಳನ್ನು ಹೊರತುಪಡಿಸಿ ಇಲ್ಲಿನ ವೈದ್ಯರ ಪರಿಸ್ಥಿತಿ ಇನ್ನೂ ಗಂಭೀರ ಸ್ಥಿತಿಯಲ್ಲಿದೆ. ಅದರಲ್ಲೂ ವುಹಾನ್ನಲ್ಲಿ ವೈದ್ಯರ ಮೇಲೆ ಹಲ್ಲೆ ಕೂಡ ಶುರುವಾಗಿದೆ. ವೈದ್ಯರ ಪರಿಸ್ತಿತಿಗೆ ಹೇಗಾಗಿದೆ ಅಂದ್ರೆ ಹೆಚ್ಚಿನ ವೈದ್ಯರು ಕಳೆದೊಂದು ವಾರದಿಂದ ಮನೆಗಳಿಗೂ ಹೋಗದೇ ಕರ್ತವ್ಯ ನಿರತರಾಗಿದ್ದಾರೆ. ಆದ್ರೆ ಕೊರೋನಾವೈರಸ್ನಿಂದ ಪೀಡಿತರಾಗಿರುವ ರೋಗಿಗಳು ಮಾತ್ರ ವೈದ್ಯರ ಮೇಲೆ ಜೀವ ಬೆದರಿಕೆ ಹಾಕ್ತಿದ್ಧಾರೆ. ಅಲ್ಲದೆ ನಮಗೆ ಸರಿಯಾದ ರೀತಿಯಲ್ಲಿ ಚಿಕಿತ್ಸೆ ನೀಡದಿದ್ದರೆ, ನಾವು ಸಾಯೋ ಮುನ್ನ ನಿಮ್ಮನ್ನು ಸಾಯಿಸುತ್ತೇವೆ ಎಂದು ಬೆದರಿಸಿದ್ದಾರೆ.
ವುಹಾನ್ನಲ್ಲಿ ಪ್ರತಿಕ್ರಿಯಿಸಿದ ವೈದ್ಯರೊಬ್ಬರು, ನಾನು ಕಳೆದ 2 ತಿಂಗಳಿಂದ ಮನೆಗೆ ಹೋಗಿಲ್ಲ. ಮಧ್ಯರಾತ್ರಿಯಾದ್ರು ಕೊರೋನಾ ವೈರಸ್ ಪೀಡಿತರ ನೂರಾರು ಜನ ಕ್ಯೂನಲ್ಲಿ ನಿಂತಿರುತ್ತಾರೆ. ಎಲ್ಲಾ ರೋಗಿಗಳು ಬೇಸರಗೊಂಡಿದ್ದಾರೆ. ಹೀಗಾಗಿಯೇ ಕೊಲೆಯ ಮಾತಾಡುತ್ತಿದ್ಧಾರೆ. ಆದ್ರೆ ನಮ್ಮನ್ನು ಕೊಲ್ಲೋದ್ರಿಂದ ಲೈನ್ ಕಡಿಮೆಯಾಗಲ್ಲ ಅಂತ ತಿಳಿಸಿದ್ಧಾರೆ.
Contact Us for Advertisement