masthmagaa.com:
ಒಮೈಕ್ರಾನ್ ತುಂಬಾ ಸೀರಿಯಸ್ಸಾಗೋ ಎಲ್ಲಾ ಲಕ್ಷಣ ಕಾಣಿಸ್ತಿದೆ. ಯಾಕಂದ್ರೆ ಯುನೈಟೆಡ್ ಕಿಂಗ್ಡಮ್ನಲ್ಲಿ ಮೊಟ್ಟ ಮೊದಲಿಗೆ ಕೊರೋನಾ ಬಂದಾಗಿನಿಂದ ಈವರೆಗೆ ಇದೇ ಮೊದಲ ಬಾರಿಗೆ 78,610 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದೆ. ಈವರೆಗೆ ಹೈಯೆಸ್ಟ್ ಅಂದ್ರೆ ಕಳೆದ ಜನವರಿಯಲ್ಲಿ 68 ಸಾವಿರ ಮಂದಿಗೆ ಸೋಂಕು ಬಂದಿತ್ತು. ಆದ್ರೆ ಈಗ ಎಲ್ಲಾ ದಾಖಲೆಗಳನ್ನು ಮೀರಿದೆ ಕೊರೋನಾ.. ಯುನೈಟೆಡ್ ಕಿಂಗ್ಡಮ್ನ ಒಟ್ಟು 6.7 ಕೋಟಿ ಜನಸಂಖ್ಯೆಯಲ್ಲಿ ಈಗಾಗಲೇ 1.1 ಕೋಟಿ ಜನರಿಗೆ ಕೊರೋನಾ ಬಂದಾಗಿದೆ. ಇತ್ತೀಚೆಗಷ್ಟೇ ಕೊರೋನಾದ ಒಮಿಕ್ರಾನ್ ತಳಿ ತುಂಬಾ ಸೀರಿಯಸ್ ಇದೆ. ದೊಡ್ಡ ಅಲೆಗೆ ಕಾರಣವಾಗಬಹುದು ಅಂತ ಪ್ರಧಾನಿ ಬೋರಿಸ್ ಜಾನ್ಸನ್ ಎಚ್ಚರಿಸಿದ್ರು. ತಜ್ಞರು ಕೂಡ ಕ್ರಿಸ್ಮಸ್ ವೇಳೆಗೆ ಪ್ರತಿದಿನ ಲಕ್ಷಗಟ್ಲೆ ಕೇಸ್ ಪತ್ತೆಯಾಗ್ಬೋದು ಹುಷಾರು ಅಂತ ಎಚ್ಚರಿಸಿದ್ರು. ಅದ್ರ ಬೆನ್ನಲ್ಲೇ ಈಗ ಕೊರೋನಾ ಸಂಖ್ಯೆ ದೊಡ್ಡಮಟ್ಟದಲ್ಲಿ ಜಾಸ್ತಿಯಾಗೋಕೆ ಶುರುಗಿದೆ.
ಬರೀ ಯುನೈಟೆಡ್ ಕಿಂಗ್ಡಮ್ ಮಾತ್ರವಲ್ಲ.. ಇಡೀ ಯೂರೋಪ್ ಕಥೆ ಇದೇ ಆಗ್ತಿದೆ. ದಿನದಿಂದ ದಿನಕ್ಕೆ ಕೊರೋನಾ ಬಂದು ಆಸ್ಪತ್ರೆಗೆ ದಾಖಲಾಗೋರ ಸಂಖ್ಯೆ ಜಾಸ್ತಿಯಾಗುತ್ತಲೇ ಇದೆ. ಫ್ರಾನ್ಸ್ನಲ್ಲಂತೂ ಆಸ್ಪತ್ರೆಗಳು ಭರ್ತಿಯಾಗ್ತಿದ್ದು, ಆರೋಗ್ಯ ಸಿಬ್ಬಂದಿ ಈಗಾಗಲೇ ರೆಸ್ಟ್ಲೆಸ್ ಆಗಿ ಕೆಲಸ ಮಾಡೋ ಪರಿಸ್ಥಿತಿ ಬಂದಾಗಿದೆ.
ಯೂರೋಪಿಯನ್ ಯೂನಿಯನ್ ಮುಖ್ಯಸ್ಥೆ ಉರುಸುಲಾ ವೊನ್ ಡೆರ್ ಲೆಯೆನ್ ಮುಂದಿನ ತಿಂಗಳು ಯೂರೋಪ್ನಲ್ಲಿ ಕೊರೋನಾದ ಒಮೈಕ್ರಾನ್ ತಳಿ ಡಾಮಿನೆಂಟ್ ಆಗಲಿದೆ. ಅಂದ್ರೆ ಪತ್ತೆಯಾಗೋ ಪ್ರಕರಣಗಳಲ್ಲಿ ಹೆಚ್ಚು ಮಂದಿಗೆ ಇದೇ ಬರಲಿದೆ ಅಂತ ಎಚ್ಚರಿಸಿದ್ದಾರೆ.
-masthmagaa.com
